MARK 13:33 - Bible sar

³³ Ə̄ndāī kum kedə̄ dɔ rɔ̄sí tə́ ō, á̰a̰ī já̰já̰ ō, tɔdɔ̄ ī-gerī kum mbang ń yá̰a̰ gə̄ a reēn̄neé ní alé.

Bibəl ta Sar̄

³³ Ə̄ndāī kum kedə̄ dɔ rɔ̄sí tə́ ō, á̰a̰ī já̰já̰ ō, tɔdɔ̄ ī-gerī kum mbang ń yá̰a̰ gə̄ a reēn̄neé ní alé.

MARK 13:33 Referans Kwoze

EPEJƏ 6:18

Ī-ndɔ̄yī kə kum mbang gə̄ malang kə ta kūl̄ Ndíl. Əhɔī rɔ̄sí tɔgə loo ndi já̰já̰ tə́ ō, ī-rāāī Nə́ɓā ɓɔ́ tām̄ yā deē yān gə̄ tə́ malang ō.

Najə̄ kə́ Majə yā Jeju ń Luk ndang ní 12:40

I beé ní ī-ndiī dɔ rɔ̄sí tə́ majə tɔdɔ̄ kum mbang ń Ngōn̄ Deē a reēń ní ī-gerī alé.

JEJU TEĒ KUM JA̰A̰ 16:15

Á̰a̰ī, m-ā m̄-reē tītə̄ nge ɓogə beé. Rɔ̄nel̄ i kə deē ń ndi kanjə̄ kənī ɓīī kumən tə́ ō, ngɔ̄m̄ kūbə̄ yān gə̄ na sōgə́ de gə̄ a̰a̰nən̄ loo njə̄rā tə́ rɔ̄n karī anī rɔ̄n sɔlə̄n ní ō.

1 PIYER 5:8

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i *diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan.

1 PIYER 4:7

Ta ngóý yá̰a̰ malang dɔ i ngɔr. I beé ní ādə̄ sḭḭ̄ i de kə́ ngé kum kedə̄ gə̄ ō, ngé kəhɔ rɔ̄də́ dɔ yá̰á̰ tə́ gə̄ ō, yā kadə̄ sḭḭ̄ ásiīneé ndɔ̄ȳ Nə́ɓā.

MATIYE 25:13

I beé ní ī-ndiī dɔ rɔ̄sí tə́, tɔdɔ̄ sḭḭ̄ ī-gerī ndɔ̄ ń aĺ ō, kum mbang ní aĺ ō.

JEJU TEĒ KUM JA̰A̰ 3:2

Á̰á̰ já̰já̰ dɔ rɔ̄í tə́, ba gotə gə̄ ń na̰yn̄ á a rāān̄ yā koy ngɔr ní, ādə̄də́ tɔ́gə. Tɔdɔ̄ kəla yāí ń ī-rāā ta kum Nə́ɓā yāḿ tə́ ní, mā m-á̰a̰ kadə̄ majə ɔtə̄ kə taá alé.

1 KORḚNTƏ 16:13

Ī-ndiī dɔ rɔ̄sí tə́ ō, ī-raī ngan̄g dɔ taā kem tə́ ō, əhɔī rɔ̄sí tɔgə ō, ādī tɔ́gə́sí to ō.

MARK 13:23

Banī sḭḭ̄ ə̄ndāī kum kedə̄ dɔ rɔ̄sí tə́, tɔdɔ̄ yá̰a̰ malang ń a reē ní, m̄-tāāsí kété kɔ̄ɔ́.

HEBƏRO 12:15

Ə̄ndāī kum kedə̄ dɔ rɔ̄sí tə́, kadə̄ deē kógə̄ḿ mbātə́ rajə kə́ Nə́ɓā rajən alé. Ādə̄ deē kógə̄ḿ tél to tītə̄ ngəra yá̰á̰ kə́ atə̄ kárárá, kə́ əɓa, ba rāā adə̄ kem de gə̄ ngá̰ý nujə sák sák kɔ̄ɔ́ alé.

Makətūbə̄ ń Pol ndang adə̄ Rom gə̄ ní 13:14

Úniī háĺ Kɔ́ɔ̄ɓē Jeju *Kərist ə́laī rɔ̄sí tə́ tītə̄ kūbə̄ beé. Ba ī-lōōī kəndā kumsí gír ngur yá̰a̰ gə̄ ń a rāāsí ní tə́ yā tɔ̄l̄ ɓōn.

KOLOSƏ 4:2

Ī-na̰yḭḭ̄ kə̄ loo ndɔ̄ȳ tə́, ī-ndiīń já̰já̰ loo ndadə̄ Nə́ɓā tə́.