MARK 12:15 - Bible sar

¹⁵ Ba Jeju ger̄ kadə̄ nin̄ i ngé gól̄ kum de gə̄, adə̄ ədadə́ na ké a nāānən̄ i tām̄ rí tə́ wa, kə reēn̄ kə njáŕ sə́lē arjā̰a̰ kə́ kum madə̄ kutə jōó kógə̄ḿ kadə̄ n-a̰ā̰.

Bibəl ta Sar̄

¹⁵ Ba Jeju ger̄ kadə̄ nin̄ i ngé gól̄ kum de gə̄, adə̄ ədadə́ na ké a nāānən̄ i tām̄ rí tə́ wa, kə reēn̄ kə njáŕ sə́lē arjā̰a̰ kə́ kum madə̄ kutə jōó kógə̄ḿ kadə̄ n-a̰ā̰.

MARK 12:15 Referans Kwoze

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

1 KORḚNTƏ 10:9

Jə-lōōī nāā Kɔ́ɔ̄ɓē, tītə̄ ń ngé kə́rēý gə̄ dáńdə́ tə́ rāān̄neé, adə̄ lī gə̄ tṵ́ṵ̄n̄də́ adə̄ oyn̄ ní.

KƏLA RĀĀ 5:9

Piyer tél dəjen ɓáý to̰ na: I rí n rāāsí á ōōī naā ba ī-nāāī Ndíĺ Kɔ́ɔ̄ɓē ní? Á̰, ngé gə̄ ń dubə̄n̄ nīń ngaaí ní n kōō njadə́ a ɓār̄ ta róbə́ tə́ toō. Nin̄ a unən̄ nīní yā kaw̄ń ō.

JA̰A̰ 21:17

Ədan nja kə́ nge ko̰ mətá na: Simo̰ ngōn̄ Ja̰a̰, ī-tárəm̄ a? Rɔ̄ Piyer nelə̄n alé, tām̄ dəje ń Jeju dəjen nja kə́ nge ko̰ mətá na ké tárən wa ní. Ba ni-tél ədan na: Kɔ́ɔ̄ɓē, ī-ger̄ yá̰a̰ malang, ī-ger̄ kadə̄ nelə̄m̄ seí. Anī Jeju ədan na: Ūl̄ batə̄ yāḿ gə̄.

Najə̄ kə́ Majə yā Jeju ń Luk ndang ní 20:23

Ba Jeju ger̄ ngam yādə́ adə̄ tél ədadə́ na:

MARK 10:2

*Parijiyḛ kə́rēý gə̄ reēn̄ rɔ̄n tə́, ba dəjenən̄ na ké *ndū najə̄ adə̄ dəngam ta róbə tə̄ɓā nə̄yá̰n wa. Nin̄-dəjenən̄ najə̄ ń noō i yā nāānneé.

MATIYE 22:18

Jeju ger̄ ngam yādə́ adə̄ ədadə́ na: Sḭḭ̄ ngé gól̄ kum de gə̄, ā ī-nāāmī i tām̄ rí tə́?

EJEKIEL 17:2

Ḭ̄ ngōn̄ deē, ə́ga səngó kógə̄ḿ ādə̄ ngán *Israel kə ta kūl̄ kənīdə́ gotə najə̄ kógə̄ḿ.

MATIYE 20:2

Deē ní oōn̄ naā kə ngé kəla gə̄ ní kadə̄ kəla kə́ ndɔ̄ kógə̄ḿ i njáŕ sə́lē arjā̰a̰ kógə̄ḿ, ba gō tə́ anī əya̰də́ adə̄ aw̄n̄ kem ndɔr̄ kāgə̄ nduú yān tə́.

MARK 12:14

Nin̄-reē ədanən̄ na: Ngoljí, jə-ger̄ kadə̄ ḭ̄ i de kə́ nge kɔr̄ najə̄ kə́ rɔ̄kum ngándáńg ō, ī-ɓōĺ kum deē aĺ ō, tɔdɔ̄ ḭ̄ ā ī-rāā yá̰a̰ tām̄ ger̄ ta kum deē tə́ alé, banī a ī-ndóō de gə̄ gō róbə yā Nə́ɓā i kə gō najə̄ kə́ rɔ̄kum. Ní ə́dájí: *Ndū najə̄ yājí adə̄jí ta róbə kəgā lambóo yā nge ko̰o̰ ɓē kə́ Rom, aké ɔgə̄jí wa? Ní, kə j-adə̄, aké kə j-adə̄ aĺ wa?

MARK 12:16

Nin̄-reēn̄ kə sə́lē ní anī Jeju dəjedə́ na ké i dɔ náā n i tū tə́ toō wa, ké najə̄ ń ndangən̄ tū tə́ toō ɔjə i dɔ náā wa. Nin̄-ədanən̄ na i dɔ *Sejar.

JA̰A̰ 8:6

Nin̄-ədan̄ nge ń noō i yā nāānəń kadə̄ əngenə̄ń najə̄ kə́ yā sekə́nneé. Banī Jeju rugə nang tə́, ndang yá̰a̰ kə ta ngōn̄ jīneé dɔ nang tə́.