MARK 11:17 - Bible sar

¹⁷ Anī ni-ndóōdə́ yá̰a̰, ədadə́ na: I kə́ ndang kem makətūbə̄ tə́ na: A ɓārə́n̄ kújə yāḿ na i kújə ndɔ̄ȳ kə́ tām̄ yā nápar de gə̄ tə́ malang aĺ a? Ba sḭḭ̄ ī-rāāī adə̄ tél i bəlo mbal̄ ɓɔ̄ɔ̄ rɔ̄ yā ngé gān̄g róbə gə̄!

Bibəl ta Sar̄

¹⁷ Anī ni-ndóōdə́ yá̰a̰, ədadə́ na: I kə́ ndang kem makətūbə̄ tə́ na: A ɓārə́n̄ kújə yāḿ na i kújə ndɔ̄ȳ kə́ tām̄ yā nápar de gə̄ tə́ malang aĺ a? Ba sḭḭ̄ ī-rāāī adə̄ tél i bəlo mbal̄ ɓɔ̄ɔ̄ rɔ̄ yā ngé gān̄g róbə gə̄!

MARK 11:17 Referans Kwoze

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ *táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ *loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.

JEREMI 7:11

Sḭḭ̄, ī-rāāī kújə́ ń rīḿ ɓār̄ dɔ tə́ ní i loo ɓɔ̄ɔ̄ rɔ̄ yā ngé tɔ̄l̄ de gə̄ tə́ a? Mā tā a, m-á̰a̰ kadə̄ i beé. Najə̄ ń Kɔ́ɔ̄ɓē əda ní n noó.

Najə̄ kə́ Majə yā Jeju ń Luk ndang ní 19:46

udə kə̄ rɔ̄ ngé kigə yá̰a̰ gə̄ tə́ a tə̄ɓādə́ kɔ̄ɔ́ ba ədadə́ na: Ndangən̄ ədan na: Kújə yāḿ a tél kújə ndɔ̄ȳ, a sḭḭ̄ ī-tél ī-rāāī adə̄ tél to tītə̄ bəlo mbal̄ ɓɔ̄ɔ̄ rɔ̄ yā ngé gān̄g róbə gə̄ a?

JA̰A̰ 2:16

ba əda ngé kigə dér dum gə̄ na kə ɔyn̄ yá̰á̰ ń noō kɔ̄ɔ́, ba kə lōōn̄ rāā kújə yā Bɔbə̄n kújə gātə̄ tə́.

OJEE 12:7

Majə kadə̄ ī-tél ī-reē gogə́ rɔ̄ḿ mā Nə́ɓā yāí tə́. Ɔ́jə kə̄ ndágá kadə̄ ḭ̄ i de kə́ nge kem majə ō, ī-ɓōĺ gidə yá̰á̰ kə́ súmūú ō, Ə̄ndā kemií dɔḿ mā Nə́ɓā yāí tə́ ngándáńg ō.

IJAI 60:7

Kɔ́ɔ̄ɓē əda na: Ɓūtə̄ yá̰a̰ kul̄ gə̄ kə́ Kedar a kánə̄n̄ naā ɓēé looí. Ā ásə kəhɔ bal batə̄ kə́ Nebayot gə̄ yā rāań yá̰a̰ kūjə́ yāí gə̄. A ndējə̄n̄də́ dɔ *loo tun̄ yá̰a̰ yāḿ tə́ ō, *yá̰a̰ tun̄ ngeé ń toō a nelə̄m̄ ō. I beé n m-ā m̄-rɔȳń majə kújə yāḿ ní.

MARK 11:16

Ni əya̰ deē kógə̄ḿ adə̄ ətō yá̰a̰ mānəń kem *kújə yā Kɔ́ɔ̄ɓē tə́ alé.

JA̰A̰ 2:14

Ni-ənge ngé kigə man̄g gə̄ ō, batə̄ gə̄ ō, dér dum gə̄ ō, ngé mbél̄ nar gə̄ kə́ ndin̄ ta loo mbél̄ nar yādə́ tə́ ō, kem *kújə yā Kɔ́ɔ̄ɓē tə́.