MARK 10:33 - Bible sar

³³ Ōōī a, j-a j-awī i kə̄ Jerusalem, ba a əlan̄ Ngōn̄ Deē jī ngol gə̄ kə́ dɔ *ngé tun̄ yá̰a̰ gə̄ tə́ tə́ ō, ngé ndóō de gə̄ ndū najə̄ gə̄ tə́ ō. Nin̄ a gāngə̄n̄ sarya dɔn tə́ kadə̄ a tɔ̄l̄nən̄, ba a əlanən̄ jī de gə̄ kə́ nin̄ i *Jipə aĺ gə̄ tə́.

Bibəl ta Sar̄

³³ Ōōī a, j-a j-awī i kə̄ Jerusalem, ba a əlan̄ Ngōn̄ Deē jī ngol gə̄ kə́ dɔ ngé tun̄ yá̰a̰ gə̄ tə́ tə́ ō, ngé ndóō de gə̄ ndū najə̄ gə̄ tə́ ō. Nin̄ a gāngə̄n̄ sarya dɔn tə́ kadə̄ a tɔ̄l̄nən̄, ba a əlanən̄ jī de gə̄ kə́ nin̄ i Jipə aĺ gə̄ tə́.

MARK 10:33 Referans Kwoze

MATIYE 27:2

Nin̄-do̰ō̰nən̄ kə kəlaá ba aw̄n̄ seneé, aw̄ əlanən̄ jī Pilatə nge ko̰o̰ ɓē tə́.

MARK 8:31

Tá əla gíŕ ndóōdə́ yá̰a̰ əda na: I gáŕ kadə̄ Ngōn̄ Deē a a̰a̰ tápə̄ ngá̰ý ō, *kum kɔɔ̄ gə̄, kə ngol gə̄ kə́ dɔ *ngé tun̄ yá̰a̰ gə̄ tə́, kə ngé ndóō de gə̄ ndū najə̄ gə̄, na a mbātə́nən̄ ō, de gə̄ a tɔ̄l̄nən̄ ō, ba ndɔ̄ mətá gō tə́ anī a ndól̄.

MATIYE 26:66

Gír̄ yāsí kə́ dɔ tə́ na i rí? Nin̄-tūr̄ ədan̄ na: Najə̄ i dɔn tə́ adə̄ majə kadə̄ oy.

MATIYE 16:21

Jeju əla gír kəda ngé ndóō yá̰a̰ yān gə̄ kum mbang nəkɔ́ ń noō tə́ wáńg na i gáŕ kadə̄ n-aw̄ *Jerusalem kadə̄ n-a̰a̰ tápə̄ ngá̰ý jī *kum kɔɔ̄ gə̄ tə́ ō, ngol gə̄ kə́ dɔ *ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ tə́ ō. Na a tɔ̄l̄nən̄, ba ndɔ̄ kə́ nge ko̰ mətá anī n-a n-ndól̄.

JAKƏ 5:6

Ī-gāngī sarya dɔ de kə́ gōtə́ tə́ ba ī-tɔ̄l̄niī, tɔdɔ̄ ni-dum̄sí alé.

KƏLA RĀĀ 20:22

Ba ń toō ɓáa m-ā m-āw̄ i kə̄ *Jerusalem, tītə̄ ń *Ndíĺ kə́ Táĺ ɔsəń seḿ ta kaw̄ ní. Ba m̄-ger̄ yá̰á̰ ń to a ngóōm̄ nú ní alé.

KƏLA RĀĀ 13:27

Tɔdɔ̄ de kə́ *Jerusalem gə̄ ō, ngār yādə́ gə̄ ō, gerə̄n̄ Jeju alé. Tá najə̄ yā *ngé koō ta gə̄ ń a tə́dan̄ kə dɔ ndɔ̄ *sabat gə̄ malang ní, nin̄-gerə̄n̄ kum aĺ ō. Nin̄-rāān̄ adə̄ najə̄ gə̄ ní reē udən̄ gírí, tɔdɔ̄ nin̄-gāngə̄n̄ sarya dɔn tə́.

JA̰A̰ 19:11

Banī Jeju tél ədan na: Nə́ngētə́ nge ń ndi dɔɔ́ ní adī tɔ́gə aĺ anī, ḭ̄ ásə rāā yá̰á̰ kógə̄ḿ seḿ alé. Ī tām̄ najə̄ ń noō tə́ n majaĺ yā nge kəlam̄ jīí tə́ i kə́ bo ngá̰ý ní.

JA̰A̰ 18:28

Ḭḭn̄ kə Jeju ɓē Kaipə aw̄n̄ seneé kem kújə ndi nge ko̰o̰ ɓē tə́. Loo i dəloí ɓatə. Nin̄ kɔ́ gə̄ udən̄ kem kújə ndi nge ko̰o̰ ɓē tə́ alé, na sōgə́ majaĺ tákə̄də́ kadə̄ ɔgə̄də́ kəsa yá̰a̰ nāā *Pákə.

Najə̄ kə́ Majə yā Jeju ń Luk ndang ní 23:21

Ba nin̄-əgan̄ kɔŕ dəjenə̄ń yá̰á̰ ń kemdə́ ndigə ní ədan̄ na: Əndan kə́ máyá̰ tū kāgə̄ kə́ dēsə́ tə́! Əndan kə́ máyá̰ tū kāgə̄ kə́ dēsə́ tə́!

Najə̄ kə́ Majə yā Jeju ń Luk ndang ní 9:22

Ba ədadə́ to̰ na: I gáŕ kadə̄ Ngōn̄ Deē a̰a̰ tápə̄ ngá̰ý ō, kadə̄ *kum kɔɔ̄ gə̄, kə ngol gə̄ kə́ dɔ *ngé tun̄ yá̰a̰ gə̄ tə́, kə ngé ndóō de gə̄ ndū najə̄ gə̄ mbātə́nən̄ ō, i gáŕ kadə̄ tɔ̄l̄nən̄ ō, ba kə ndɔ̄ kə́ nge ko̰ mətá anī i gáŕ kadə̄ ni a ndól̄.

MARK 15:1

Ngol gə̄ kə́ dɔ *ngé tun̄ yá̰a̰ gə̄ tə́ ō, *kum kɔɔ̄ gə̄ ō, ngé ndóō de gə̄ ndū najə̄ gə̄ ō, ngé sarya gə̄ malang ō, oōn̄ naā dəloí ɓatə, pá tá do̰ō̰n̄ Jeju kə kəlāá ba aw̄n̄ seneé, əlanən̄ jī Pilatə tə́.

MARK 14:64

Sḭḭ̄ ōōī najə̄ ń ni-əda ní: I najə̄ kə́ to ngonjə̄ dɔ Nge ń de gə̄ a rɔȳnən̄ ní. Ta kumsí tə́ ní najə̄ ń noō to i ba̰ý? Nin̄ malang gāngə̄n̄ sarya dɔn tə́ ədan̄ na asə kadə̄ oy.

MARK 9:31

tɔdɔ̄ ni-ndóō ngé ndóō yá̰a̰ yān gə̄ yá̰a̰, ədadə́ na: A əlan̄ Ngōn̄ Deē jī de gə̄ tə́, a tɔ̄l̄nən̄. Ba ré tɔ̄l̄nən̄ oy anī, kə ndɔ̄ kə́ nge ko̰ mətá anī, ni a ndól̄.

IJAI 53:3

De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

MARK 9:12

Ni-tél ədadə́ na: Eli ń a reē ta kəga dɔ ní a tél yā tə́ndā yá̰a̰ gə̄ malang kə gō loodə́ gēé gogə́ rang. Ba i ba̰ý á ndangən̄ kem makətūbə̄ tə́ sɔɔ̄ń dɔ Ngōn̄ Deē na a a̰a̰ tápə̄ ngá̰ý ō, a kídə̄nən̄ ō ní?

JA̰A̰ 18:32

I tītə̄ ń noō n najə̄ ń Jeju əda ɔjəń loo koy ń a rāā yā koy ní a udəń gírí ní.