MARK 1:11 - Bible sar

¹¹ Loo ń noō tə́, ndū deē kógə̄ḿ ɓār̄ dɔ rā̰ tə́, əda na: Ḭ̄ i Ngōn̄ kó tár yāḿ ń nelə̄m̄ seí ngá̰ý ní.

Bibəl ta Sar̄

¹¹ Loo ń noō tə́, ndū deē kógə̄ḿ ɓār̄ dɔ rā̰ tə́, əda na: Ḭ̄ i Ngōn̄ kó tár yāḿ ń nelə̄m̄ seí ngá̰ý ní.

MARK 1:11 Referans Kwoze

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

MARK 9:7

Tā anī kil̄ man̄ kógə̄ḿ teē, ra ndíĺ tə́ dɔdə́ tə́, nin̄-oōn̄ ndū deē kógə̄ḿ teē dan kil̄ man̄ ní tə́, a əda na: Nge ń toō i Ngōn̄ kó tár yāḿ. Ōōī najə̄ yān.

MATIYE 3:17

Ba ndū deē kógə̄ḿ ɓār̄ dɔ rā̰ tə́, əda na: Ni ń toō i Ngōn̄ kó tár yāḿ ń nelə̄m̄ seneé ngá̰ý ní.

PĀ GƏ̄ 2:7

Yá̰á̰ ń Kɔ́ɔ̄ɓē ndang kadə̄ yā rāā ní m-ā m-ə̄nī mbērən, ni ədam̄ na: Ḭ̄ i ngōnə̄ḿ, ɓōólaā ní, mā i Bɔbí.

KOLOSƏ 1:13

Nə́ɓā ɔr̄jí kɔ̄ɔ́ gíŕ tɔ́gə yā til tə́, ba əndājí kem Ɓē ko̰o̰ yā Ngōn̄ kó tár yān tə́.

Makətūbə̄ ń Pol ndang adə̄ Rom gə̄ ní 1:4

Ta yā Nə́ɓā tə́ ɓáa, Nə́ɓā ɔjə kadə̄ ni i Ngōnən i dan ń ni-ndólən dan de kə́ koy gə̄ tə́ kə tɔ́gə yā *Ndíĺ kə́ Tálá ní.

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

JA̰A̰ 5:37

Ba Bɔbə́ḿ ń əlam̄ ní, nəkɔ́ ɔr̄ najə̄ kə́ kum tə́ yāḿ. Sḭḭ̄ ōōī ndūn yḛtə aĺ ō, á̰a̰ī ta kumən aĺ ō,

JA̰A̰ 1:34

Mā m-á̰a̰ ō, m-ə́da i yá̰á̰ kə́ m-á̰a̰ kə kumḿ ō, kadə̄ ni i Ngōn̄ Nə́ɓā.

Najə̄ kə́ Majə yā Jeju ń Luk ndang ní 9:35

Anī deē kógə̄ḿ ɔr̄ najə̄ dan kil̄ man̄ tə́ əda na: Ni ń toō i Ngōnə̄ḿ ń m̄-gə̄rān ní, ōōī najə̄ yān!

MATIYE 17:5

Dan ń a ɔr̄ najə̄ kə̄ tan tə́ ɓáý anī, kil̄ man̄ kógə̄ḿ kə́ ndə́lē reē utə̄ dɔdə́ kɔ̄ɔ́. Anī ndū deē kógə̄ḿ ɔr̄ najə̄ dan kil̄ man̄ ní tə́, əda na: Nge ń toō i Ngōn̄ kó tár yāḿ ń rɔ̄nel̄ yāḿ malang i dɔn tə́ ní. Ōōī najə̄ yān.

JA̰A̰ 6:69

Ba jḭḭ jə-taā kem ō, jə-ger̄ ō, kadə̄ ḭ̄ i nge kə́ *táĺ yā Nə́ɓā.

MATIYE 12:18

Nge kəla yāḿ ń m̄-gə̄rān ní n toó, kó tár yāḿ ń nelə̄m̄ seneé adə̄ m̄-gə̄rān ní. M-ā m̄-rāā kadə̄ Ndílə́ḿ a ndi dɔn tə́, adə̄ a ɔjə nápar de gə̄ yá̰á̰ kə́ gōtə́ kə́ yā rāā.

MARK 1:10

Ni a teē kum man̄ tə́ kə̄ ndágá anī, kə̄ tajī tə́ noō ni-a̰a̰ dɔ rā̰ njar ō, *Ndíĺ kə́ Táĺ jə̄ngā kə̄ dɔn tə́ tītə̄ dér ndaa ō.

Najə̄ kə́ Majə yā Jeju ń Luk ndang ní 3:22

adə̄ *Ndíĺ kə́ Táĺ jə̄ngā dɔn tə́ kə́ dér ndaa tə́ ō, ndū deē kógə̄ḿ ɓār̄ kə̄ dɔ rā̰ tə́ ō, əda na: Ḭ̄ i ngōn̄ kó tár yāḿ, nelə̄m̄ seí ngá̰ý.