Najə̄ kə́ Majə yā Jeju ń Luk ndang ní 9:5 - Bible sar

⁵ Ba ré de gə̄ əhɔn̄sí kə̄ rɔ̄də́ tə́ aĺ anī ī-teēī kɔ̄ɔ́ kem ɓēé ba ī-*gógī bumbə́rú kə́ njasí tə́: Nge n noō i yá̰a̰ kɔjə tə́ tām̄ yādə́ tə́.

Bibəl ta Sar̄

⁵ Ba ré de gə̄ əhɔn̄sí kə̄ rɔ̄də́ tə́ aĺ anī ī-teēī kɔ̄ɔ́ kem ɓēé ba ī-*gógī bumbə́rú kə́ njasí tə́: Nge n noō i yá̰a̰ kɔjə tə́ tām̄ yādə́ tə́.

Najə̄ kə́ Majə yā Jeju ń Luk ndang ní 9:5 Referans Kwoze

KƏLA RĀĀ 18:6

Banī *Jipə gə̄ mbātə́n̄ najə̄ yān ō, tájə̄nən̄ ō. Loo ń noō tə́ Pol *yéȳ kūbə̄ yān yakə yakə ba ədadə́ na: Ādə̄ mósə́sí tél əsō dɔsí sḭḭ̄ kɔ́ gə̄ tə́! Najə̄n i dɔḿ tə́ alé. Əla gír ngɔr ń toō tə́ ní m-ā m-āw̄ kə̄ rɔ̄ ngé gə̄ ń nin̄ i *Jipə aĺ gə̄ ní tə́.

KƏLA RĀĀ 13:51

Pol nin̄ kə Barnabas *gógə̄n̄ bumbə́rú kə́ njadə́ tə́ ba aw̄n̄ Ikoniyɔm.

MARK 6:11

Ba ré kem loo kógə̄ḿ tə́ de gə̄ əhɔn̄sí kə̄ rɔ̄də́ tə́ aĺ ō, oōn̄ najə̄ yāsí aĺ ō anī, ī-teēī loo ń noō tə́ kɔ̄ɔ́, ba ī-*gógī bumbə́rú kə́ njasí tə́, tɔdɔ̄ nge ń noō tél i najə̄ kə́ kum tə́ yādə́.

Najə̄ kə́ Majə yā Jeju ń Luk ndang ní 10:16

Jeju əda ngé ndóō yá̰a̰ yān gə̄ ɓáý to̰ na: Deē ń oō najə̄ tasí tə́ ní kɔ́ɔ̄ oō najə̄ i taḿ mā tə́ ō, deē ń mbātə́sí ní kɔ́ɔ̄ mbātə́m̄ i mā ō. Ba deē ń mbātə́m̄ mā ní kɔ́ɔ̄ mbātə́ i deē ń əlam̄ mā ní.

Najə̄ kə́ Majə yā Jeju ń Luk ndang ní 9:48

ba ədadə́ na: Deē ń əhɔ ngōn̄ kə́ dūú ń toō kə̄ rɔ̄n tə́ najə̄ yāḿ mā tə́ ní, əhɔm̄ i mə̄kɔ́ kə̄ rɔ̄n tə́. Ba deē ń əhɔm̄ kə̄ rɔ̄n tə́ ní, əhɔ i deē ń əlam̄ mā ní kə̄ rɔ̄n tə́. Tɔdɔ̄ i deē ń dūú tɔȳsí malang ní n i de kə́ bo tɔȳsí malang ní.

NEHEMI 5:13

Gō tə́ anī m̄-yéȳ ta kūbə̄ yāḿ yakə yakə ba m-ə́da na: De gə̄ malang ń a ran̄ dɔ míndə́də́ tə́ aĺ ní, Nə́ɓā a yéȳdə́ yakə yakə kɔ̄ɔ́ tītə̄ ń noō, kadə̄ a teēn̄ kem kújə yādə́ tə́ yā kəsō ndágá ō, kadə̄ a teēn̄ kadə yá̰a̰ kənge yādə́ tə́ yā kəsō sa̰y ō. A yéȳdə́ yakə yakə ō, a əya̰n̄də́ kanjə̄ yá̰á̰ kógə̄ḿ ō tītə̄ ń noō! Ngé kán̄ na ā gə̄ malang ədan̄ na: *Adə̄ i tītə̄ ń noō! Gō tə́ anī tɔ̄ȳn̄ Kɔ́ɔ̄ɓē ō, rāān̄ yá̰á̰ ń i kə́ kəda ní ō.

MARK 9:37

Náā nəkɔ́ ń a əhɔ ngōn̄ kə́ tītə̄ nge ń toō kə̄ rɔ̄n tə́ najə̄ yāḿ tə́ anī, i ngarān̄g kumḿ mā nəkɔ́ ń əhɔ kə̄ rɔ̄n tə́ noō. Tá deē ń əhɔm̄ kə̄ rɔ̄n tə́ ní, əhɔm̄ i mā alé, banī i nge ń əlam̄ ní n kɔ́ɔ̄ əhɔn kə̄ rɔ̄n tə́ ní.

Najə̄ kə́ Majə yā Jeju ń Luk ndang ní 5:14

Anī Jeju ɔgə̄n kəda gotə, ba kə aw̄ kə ɔjə *nge tun̄ yá̰a̰ rɔ̄n kadə̄ a̰ā̰ ō, kə adə̄ *yá̰a̰ ndējə̄ kə́ tām̄ yā majaĺ kə́ kun dɔn tə́ kɔ̄ɔ́ ń Moijə əda najə̄n ní ō kadə̄ yá̰á̰ ń rāā yá̰a̰ toó téləń kə́ kum tə́ yāḿ tām̄ yādə́ tə́.

MATIYE 10:18

A aw̄n̄ sesí rɔ̄ ngé ko̰o̰ ɓē gə̄ tə́ ō, rɔ̄ mban̄g gə̄ tə́ ō, najə̄ yāḿ mā tə́, kadə̄ ā ɔ̄rī najə̄ kə́ kum tə́ ādīdə́ ō, ādī nápar de kə́ rang gə̄ ō.

Najə̄ kə́ Majə yā Jeju ń Luk ndang ní 9:4

Kújə́ kə́ rá nəkɔ́ ń ā údiī kemeé ní, ī-ndiī tū tə́ bátə́ kadə̄ ḭ́ḭīneé mbā.