Najə̄ kə́ Majə yā Jeju ń Luk ndang ní 9:44 - Bible sar

⁴⁴ Najə̄ ń m-ā m-ə́dásí toō, ī-ngɔ̄mī dɔsí tə́ majə: A əlan̄ Ngōn̄ Deē jī de gə̄ tə́.

Bibəl ta Sar̄

⁴⁴ Najə̄ ń m-ā m-ə́dásí toō, ī-ngɔ̄mī dɔsí tə́ majə: A əlan̄ Ngōn̄ Deē jī de gə̄ tə́.

Najə̄ kə́ Majə yā Jeju ń Luk ndang ní 9:44 Referans Kwoze

KƏLA RĀĀ 2:23

Əlan̄ Jeju ngeé ń toō jīsí tə́ kə gō ń Nə́ɓā gḛyń ní ō, i kə gō ń ni-núməń ní ō. Sḭḭ̄ ī-tɔ̄l̄niī, tɔdɔ̄ ə́laniī jī ngé rāā yá̰a̰ kə gō ndū Nə́ɓāá aĺ gə̄ tə́ adə̄ əndanən̄ kə mayá̰ tū kāgə̄ kə́ dēsə́ tə́.

Najə̄ kə́ Majə yā Jeju ń Luk ndang ní 9:22

Ba ədadə́ to̰ na: I gáŕ kadə̄ Ngōn̄ Deē a̰a̰ tápə̄ ngá̰ý ō, kadə̄ *kum kɔɔ̄ gə̄, kə ngol gə̄ kə́ dɔ *ngé tun̄ yá̰a̰ gə̄ tə́, kə ngé ndóō de gə̄ ndū najə̄ gə̄ mbātə́nən̄ ō, i gáŕ kadə̄ tɔ̄l̄nən̄ ō, ba kə ndɔ̄ kə́ nge ko̰ mətá anī i gáŕ kadə̄ ni a ndól̄.

HEBƏRO 2:1

I tām̄ najə̄ ń toō tə́ n majə kadə̄ j-əhɔī gō najə̄ gə̄ ń j-oōī ní adə̄ ngan̄g tɔȳ kə́ kété ní, na sōgə́ jə-ndúmī ta róbə yā kadə tají tḭ̄ḭ̄.

Najə̄ kə́ Majə yā Jeju ń Luk ndang ní 2:19

Mari ngɔ̄m̄ yá̰a̰ gə̄ ń noō malang kemən tə́ ō, gír dɔ tə́ ō.

JA̰A̰ 19:11

Banī Jeju tél ədan na: Nə́ngētə́ nge ń ndi dɔɔ́ ní adī tɔ́gə aĺ anī, ḭ̄ ásə rāā yá̰á̰ kógə̄ḿ seḿ alé. Ī tām̄ najə̄ ń noō tə́ n majaĺ yā nge kəlam̄ jīí tə́ i kə́ bo ngá̰ý ní.

JA̰A̰ 16:4

M-ə́dásí najə̄ ń toō i yā kadə̄ loo ń ndɔ̄ ní ugə̄ anī, əga kemsí dɔ tə́ kadə̄ m-ə́dásí kɔ̄ɔ́. M-ə́dásí najə̄ ní kété alé, i tɔdɔ̄ mə̄kɔ́ i sesí ɓáý.

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ *ndū najə̄ yā Moijə tə́ ō, yā *ngé koō ta gə̄ tə́ ō, kem makətūbə̄ Pā gə̄ tə́ ō ní.

Najə̄ kə́ Majə yā Jeju ń Luk ndang ní 18:31

Gō tə́ anī, Jeju ɔy ngé kə́ kutə gidə i jōó gə̄ ní seneé ba ədadə́ na: Á̰a̰ī, j-āwī i ta kə́ *Jerusalem. Yá̰a̰ gə̄ malang ń *ngé koō ta gə̄ ndangən̄ sɔɔ̄ dɔ Ngōn̄ Deē ní a reēn̄ yā kudə gírí.

Najə̄ kə́ Majə yā Jeju ń Luk ndang ní 2:51

Loo ń noō tə́ ni-tél aw̄ sedə́ gogə́ *Najaret, ba oō najə̄ tadə́ tə́. Kó̰o̰n ngɔ̄m̄ yá̰a̰ gə̄ ń noō malang kemən tə́.

Najə̄ kə́ Majə yā Jeju ń Luk ndang ní 1:66

De gə̄ malang ń oōn̄ najə̄ gə̄ ń noō ní gírə̄n̄ yá̰a̰ dɔ tə́, ba dəjen̄ rɔ̄də́ najə̄ ədan̄ na ké ngōn̄ nəkɔ́ ń toō ní ké a tél i de kə́ ba̰ý wa. Tɔdɔ̄ tɔ́gə yā Kɔ́ɔ̄ɓē i kə ngōn̄ ní rɔ̄kum.

MARK 9:31

tɔdɔ̄ ni-ndóō ngé ndóō yá̰a̰ yān gə̄ yá̰a̰, ədadə́ na: A əlan̄ Ngōn̄ Deē jī de gə̄ tə́, a tɔ̄l̄nən̄. Ba ré tɔ̄l̄nən̄ oy anī, kə ndɔ̄ kə́ nge ko̰ mətá anī, ni a ndól̄.

MARK 8:31

Tá əla gíŕ ndóōdə́ yá̰a̰ əda na: I gáŕ kadə̄ Ngōn̄ Deē a a̰a̰ tápə̄ ngá̰ý ō, *kum kɔɔ̄ gə̄, kə ngol gə̄ kə́ dɔ *ngé tun̄ yá̰a̰ gə̄ tə́, kə ngé ndóō de gə̄ ndū najə̄ gə̄, na a mbātə́nən̄ ō, de gə̄ a tɔ̄l̄nən̄ ō, ba ndɔ̄ mətá gō tə́ anī a ndól̄.

MATIYE 26:2

Ba a əlan̄ Ngōn̄ deē jī de gə̄ tə́ kadə̄ a əndanən̄ kə máyá̰ tū kāgə̄ kə́ dēsə́ tə́.

MATIYE 16:21

Jeju əla gír kəda ngé ndóō yá̰a̰ yān gə̄ kum mbang nəkɔ́ ń noō tə́ wáńg na i gáŕ kadə̄ n-aw̄ *Jerusalem kadə̄ n-a̰a̰ tápə̄ ngá̰ý jī *kum kɔɔ̄ gə̄ tə́ ō, ngol gə̄ kə́ dɔ *ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ tə́ ō. Na a tɔ̄l̄nən̄, ba ndɔ̄ kə́ nge ko̰ mətá anī n-a n-ndól̄.

2 SAMUEL 24:14

Dabid əda Gad na n-sɔ̄l̄ ngá̰ý. Ɓá tá ba kəsō kem jī Kɔ́ɔ̄ɓē tə́ i só tə́ tɔȳ kəsō kem jī deē ndul gə̄ tə́. Tɔdɔ̄ Nə́ɓā i de kə́ kumən o̰o̰n seí ngá̰ý.

JA̰A̰ 16:31

Jeju tél ədadə́ na: Ngɔlaā ī-taāī kem tā a?