Najə̄ kə́ Majə yā Jeju ń Luk ndang ní 9:11 - Bible sar

¹¹ Kósə de gə̄ gerə̄n̄ gōdə́ adə̄ aw̄n̄ gōdə́ tə́. Ni-əhɔdə́ kə̄ rɔ̄n tə́ majə. Ɔr̄ najə̄ kə́ dɔ *Ɓē ko̰o̰ yā Nə́ɓā tə́ sedə́ ō, rāā adə̄ rɔ̄ ngé mo̰y gə̄ ń gḛyn̄ i kadə̄ yā rāā sedə́ ní ngáā ō.

Bibəl ta Sar̄

¹¹ Kósə de gə̄ gerə̄n̄ gōdə́ adə̄ aw̄n̄ gōdə́ tə́. Ni-əhɔdə́ kə̄ rɔ̄n tə́ majə. Ɔr̄ najə̄ kə́ dɔ Ɓē ko̰o̰ yā Nə́ɓā tə́ sedə́ ō, rāā adə̄ rɔ̄ ngé mo̰y gə̄ ń gḛyn̄ i kadə̄ yā rāā sedə́ ní ngáā ō.

Najə̄ kə́ Majə yā Jeju ń Luk ndang ní 9:11 Referans Kwoze

HEBƏRO 4:16

I beé ní, j-ənī kemjí mámák jə-ndɔ́tīiń kə̄ ta kōr̄ kāgə̄ mbang yā Nə́ɓā tə́, loo ń Nə́ɓā a rajə deē tū tə́ ní tə́. J-a j-əngeī mā̰ȳ rɔ̄ ō, a rajən̄jí ō, i loo ń noō tə́, yā kadə̄ rāān̄neé sejí kum mbang kə́ majə tə́.

2 TIMOTE 4:2

kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

Makətūbə̄ ń Pol ndang adə̄ Rom gə̄ ní 15:3

Tɔdɔ̄ *Kərist sāā i yá̰á̰ kə́ nelə̄n alé. Tītə̄ ń makətūbə̄ yā Nə́ɓā ədań ní, ndangən̄ na: Ndū ń ngé tájī gə̄ tájīn̄ ní, i mā n m̄-taā kə̄ dɔḿ tə́ ní.

Makətūbə̄ ń Pol ndang adə̄ Rom gə̄ ní 10:14

Banī ré taān̄ kemən aĺ anī, a ɓár̄nən̄ i ba̰ý? Ré oōn̄ najə̄ yā Kɔ́ɔ̄ɓē aĺ anī, a taān̄ kemən i ba̰ý? Ré deē kógə̄ḿ ɔjədə́ najə̄ yā Kɔ́ɔ̄ɓē aĺ anī, a oōn̄ najə̄ ní i ba̰ý?

KƏLA RĀĀ 28:31

Ni-ənī kemən ɔjəń najə̄ kə́ dɔ *Ɓē ko̰o̰ yā Nə́ɓā tə́ kanjə̄ ɓōĺ ō, ndóoń de gə̄ najə̄ kə́ dɔ Kɔ́ɔ̄ɓē Jeju *Kərist tə́ kanjə̄ ɓōĺ ō, de kə́ ɔgə̄n gətóo ō.

JA̰A̰ 6:37

De gə̄ malang ń Bɔbə́ḿ adə̄m̄ sedə́ ní, a reēn̄ rɔ̄ḿ tə́, ba deē ń reē rɔ̄ḿ tə́ ní, m-ā m̄-tə̄ɓān ndágá alé.

JA̰A̰ 4:34

Jeju ədadə́ na: Yá̰a̰ kəsa yāḿ i kadə̄ m̄-rāā kem ndigə yā nge ń əlam̄ ní ō, kadə̄ m̄-rāā kəla yān m̄-tɔ̄l̄ ta ō.

Najə̄ kə́ Majə yā Jeju ń Luk ndang ní 9:2

Gō tə́ anī ni-əladə́ kənī mbēr̄ najə̄ kə́ dɔ *Ɓē ko̰o̰ yā Nə́ɓā tə́ ō, tɔ̄l̄ mo̰y tə́ dɔ de gə̄ tə́ ō.

Najə̄ kə́ Majə yā Jeju ń Luk ndang ní 8:10

Anī ni tūr̄ ədadə́ na: I sḭḭ̄ n Nə́ɓā rāā adə̄ ī-gerī yá̰á̰ kə́ dɔ *Ɓē ko̰o̰ yān tə́ gə̄ ń ton̄ loo mundə̄ tə́ kété ní. Ba gotə de kə́ rang gə̄ ní a ɔjən̄də́ i kə kūjə́ najá yā kadə̄ nin̄-a̰a̰n̄ loo, ba a̰a̰n̄ yá̰a̰ aĺ ō, oōn̄ loo ba gerə̄n̄ kum najə̄ ń oōn̄ ní aĺ ō.

Najə̄ kə́ Majə yā Jeju ń Luk ndang ní 8:1

Gō tə́ anī, Jeju njə̄rā kə gō ngán ɓē gə̄ ō, ɓē kə́ bo gə̄ ō, ənīń mbēr̄. Ni ɔjə Najə̄ kə́ Majə kə́ dɔ *Ɓē ko̰o̰ yā Nə́ɓā tə́. Ngé ndóō yá̰a̰ yān gə̄ ń nin̄ i deē kutə gidə i jōó ní ō,

Najə̄ kə́ Majə yā Jeju ń Luk ndang ní 5:31

Jeju tūr̄ ədadə́ na: I ngé rɔ̄ ngan̄g gə̄ n i ngé sāā nja doktóŕ ní alé, banī i ngé mo̰y gə̄ n i ngé sāān gə̄ ní.

Najə̄ kə́ Majə yā Jeju ń Luk ndang ní 1:53

Ngé gə̄ ń ɓō rāādə́ ní, ni-adə̄də́ yá̰a̰ kəsa kə́ majə gə̄ ādə̄ əsa ndānə̄n̄, ba tə̄ɓā ngé kənge yá̰a̰ gə̄ ādə̄ ɔtə aw̄n̄ jīdə́ karī.

MATIYE 21:43

Ní, ādə̄ m-ə́dásí, a taān̄ *Ɓē ko̰o̰ yā Nə́ɓā jīsí tə́ yā kadə̄ nápar de gə̄ kə́ a rāān̄ kadə̄ kanə̄n teē.

MATIYE 21:31

Ní, dan ngáń kə́ jōó gə̄ ń toō tə́ ní, i nge kə́ rá n rāā yá̰á̰ ń bɔbə̄n ndigə ní? Nin̄-tél ədan̄ na: I nge kə́ ta kəga dɔ. Anī Jeju ədadə́ na: Ādə̄ m-ə́dásí najə̄ kə́ bo ngá̰ý, ngé táā lambóo gə̄ ō, dəyá̰ ájə́ba gə̄ ō, a ugə̄n̄ kem *Ɓē ko̰o̰ yā Nə́ɓā tə́ kété nosí tə́.

MATIYE 14:14

Dan ń Jeju teē kem toó kə̄ ndágá anī, a̰a̰ kósə de kə́ ngá̰ý gə̄ ran̄. Kumən o̰o̰n sedə́ adə̄ ni-rāā adə̄ rɔ̄ ngé mo̰y yādə́ gə̄ ngáā.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

Makətūbə̄ ń Pol ndang adə̄ Rom gə̄ ní 10:17

Adə̄ yá̰á̰ ń a reē kə taā kemeé ní i najə̄ kə́ kɔjə, ba najə̄ ń ɔjən̄ ní i najə̄ yā *Kərist.

MATIYE 12:15

Dan ń Jeju oō najə̄ yá̰á̰ ń sāān̄ rāā seneé ní anī ndɔ́tə̄ loo ní tə́ kɔ̄ɔ́, ba de gə̄ ngá̰ý unən̄ gōn. Ni tɔ̄l̄ mo̰y gə̄ dɔ de gə̄ tə́ malang.

Najə̄ kə́ Majə yā Jeju ń Luk ndang ní 9:10

Dan ń ngámbang kəla gə̄ tél reē ugə̄n̄ anī, ɔjən̄ Jeju gotə yá̰a̰ malang ń aw̄ rāān̄ ní. Ni ɔydə́ aw̄ sedə́ kə kéŕdə́ kadə ɓē kə́ a ɓārə́n̄ na i Betsaida tə́.

Najə̄ kə́ Majə yā Jeju ń Luk ndang ní 9:12

Banī loo a tíbə i mbée. Adə̄ ngé kə́ kutə gidə i jōó gə̄ reēn̄ rɔ̄n tə́ ba ədanən̄ na: Ə́dá kósə de gə̄ ādə̄ aw̄n̄ kə̄ kem ɓē bo gə̄ tə́ ō, kə̄ kem ngán ɓē gə̄ kə́ gidə tə́ gə̄ tə́ ō, kadə̄ əngen̄ yá̰a̰ tū tə́ əsan̄ ō, əngen̄ loo ton̄neé ō. Tɔdɔ̄ loo ń jə-ndiī tū tə́ toō i loo kə́ ɓē gətóo tū tə́.