Najə̄ kə́ Majə yā Jeju ń Luk ndang ní 8:25 - Bible sar

²⁵ Gō tə́ anī Jeju əda ngé ndóō yá̰a̰ yān gə̄ na ké taā kem yādə́ n ké to rá wa. Banī ɓōĺ rāādə́ ō, ɔr kumdə́ ngá̰ý ō. Anī nin̄-ədan̄ naā dɔ dáńdə́ tə́ na ké deē nəkɔ́ ń toō i náā áké əndā dɔ néĺ tə́ ō, man̄ tə́ ō, adə̄ oōn̄ tan beé wa.

Bibəl ta Sar̄

²⁵ Gō tə́ anī Jeju əda ngé ndóō yá̰a̰ yān gə̄ na ké taā kem yādə́ n ké to rá wa. Banī ɓōĺ rāādə́ ō, ɔr kumdə́ ngá̰ý ō. Anī nin̄-ədan̄ naā dɔ dáńdə́ tə́ na ké deē nəkɔ́ ń toō i náā áké əndā dɔ néĺ tə́ ō, man̄ tə́ ō, adə̄ oōn̄ tan beé wa.

Najə̄ kə́ Majə yā Jeju ń Luk ndang ní 8:25 Referans Kwoze

MATIYE 8:26

Jeju ədadə́ na: Sḭḭ̄ ngé taā kem mámák aĺ gə̄, ī-ɓōlíī i tām̄ rí tə́? Tā anī ḭḭ dɔɔ́ ndán̄g nél ō, bā bo ō, anī loo tél to kúkúkú.

Gōsə̄ najə̄ gə̄ 30:4

I náā n ndem̄ man̄ kem kūbə̄ yān tə́ kɔ̄ɔ́ ɓá ní? I náā n əndā dɔ nin̄ dɔ nang ní? Rīn na i rí? Rī ngōnən na i rí? Ré ī-ger̄ anī ə́dam̄!

MATIYE 14:31

Jeju əla jīn əhɔnneé kə̄ ta jī tə́ beé, ba ədan na ni na i nge taā kem kə́ mámák alé, ké kemən tɔ́sə̄n i tām̄ rí tə́ wa.

JA̰A̰ 11:40

Jeju tél ədan na: Ré ī-taā kem anī, ā á̰a̰ *kɔsə gɔn yā Nə́ɓā ní m-ə́daī aĺ a?

Najə̄ kə́ Majə yā Jeju ń Luk ndang ní 12:28

Sḭḭ̄ ngé taā kem mámák aĺ gə̄ ń toō, ré mu kə́ bembeé gə̄ ń ran̄ ɓōólaā ba bírí anī a ɓōkə́n̄də́ kɔ̄ɔ́ kum hor tə́ ní Nə́ɓā adə̄də́ kūbə̄ kə́ majə tītə̄ ń noō anī, a adə̄sí sḭḭ̄ kadə̄ tɔȳ loo ń noō aĺ a?

MATIYE 17:20

Anī Jeju tél ədadə́ na: I tɔdɔ̄ sḭḭ̄ ī-taāī kem mámák alé. Ādə̄ m-ə́dásí najə̄ kə́ bo ngá̰ý, ré taā kem yāsí dūúnń i tītə̄ kum mutardə gə̄gē, ré ədaī mbal̄ n toō na kə ndɔ́tə̄ laā kɔ̄ɔ́ ba kə aw̄ nú anī, a ndɔ́tə̄ ō, yá̰á̰ kə́ dum̄sí a gətóo ō.

Gōsə̄ najə̄ gə̄ 8:29

Ni-əja nja loo adə̄ bā bo kadə̄ mān̄ dɔ tə́ alé. Ni-əndā gír dɔ nang.

MATIYE 6:30

Sḭḭ̄ ngé taā kem kə́ mámák aĺ gə̄ ń toō, ré Nə́ɓā əla kūbə̄ kə́ majə tītə̄ ń noō rɔ̄ mu ń ra bembeé ɓōólaā ba bírí anī ənīnən̄ kum hor tə́ kɔ̄ɔ́ ní anī, sḭḭ̄ tá Nə́ɓā a adə̄sí kadə̄ tɔȳ loo ń noō aĺ a?

MATIYE 8:10

Dan ń Jeju oō najə̄ gə̄ ń toō anī, ɔr kumən ngá̰ý, adə̄ əda ngé gə̄ ń unən̄ gōn ní na: Ādə̄ m-ə́dásí najə̄ kə́ bo ngá̰ý, m-á̰a̰ taā kem kə́ beē rɔ̄ deē kógə̄ḿ tə́ dɔ nang kə́ *Israel tə́ aĺ ɓáý.

MARK 4:35

Ndɔ̄ ń noō tə́, loo tíbí anī, Jeju əda ngé ndóō yá̰a̰ yān gə̄ na kə n-teēn̄ bā bo kə̄ gidə kə́ nú tə́.

Najə̄ kə́ Majə yā Jeju ń Luk ndang ní 8:24

Ngé ndóō yá̰a̰ gə̄ ndɔ́tə̄n̄ kə̄ rɔ̄ Jeju tə́ ngɔr, ndól̄nən̄ dɔ ɓīī tə́ ba ədanən̄ na: Ngoljí, ngoljí, tají a tḭ̄ḭ̄! Jeju ndól̄, ba ndán̄g nél ō, bəngál man̄ ō adə̄ dəban̄. Loo tél to kúkúkú kɔ̄ɔ́.

Najə̄ kə́ Majə yā Jeju ń Luk ndang ní 8:26

Nin̄-aw̄ ugə̄n̄ gidə kə́ nú tə́ gō nang yā Gadara gə̄ tə́. Loo ní sɔɔ̄n̄ ta naā kə nang kə́ Galile.