Najə̄ kə́ Majə yā Jeju ń Luk ndang ní 8:13 - Bible sar

¹³ Ngé gə̄ ń tə́sōn̄ dɔ ngonjə̄ tə́ ní, i ngé gə̄ ń oōn̄ najə̄ yā Nə́ɓā anī taān̄ kə rɔ̄nelēé banī əya̰n̄ najə̄ ní adə̄ əla ngəran kemdə́ tə́ aĺ ní. Nin̄-taān̄ kem i kum mbang kə́ sḛ́ý beē tə́ ngóy. Ba dan ń nge gól̄ loo gə̄ nāādə́ anī, lōōn̄ gír taā kem najə̄ ní tə́ kɔ̄ɔ́.

Bibəl ta Sar̄

¹³ Ngé gə̄ ń tə́sōn̄ dɔ ngonjə̄ tə́ ní, i ngé gə̄ ń oōn̄ najə̄ yā Nə́ɓā anī taān̄ kə rɔ̄nelēé banī əya̰n̄ najə̄ ní adə̄ əla ngəran kemdə́ tə́ aĺ ní. Nin̄-taān̄ kem i kum mbang kə́ sḛ́ý beē tə́ ngóy. Ba dan ń nge gól̄ loo gə̄ nāādə́ anī, lōōn̄ gír taā kem najə̄ ní tə́ kɔ̄ɔ́.

Najə̄ kə́ Majə yā Jeju ń Luk ndang ní 8:13 Referans Kwoze

JA̰A̰ 5:35

Ja̰a̰ i lámbá ń əndān̄ hor tū tə́ a unjə̄ ní, ba sḭḭ̄ ī-ndigiī rāā rɔ̄nel̄ gō hor yān ní tə́ sḛ́ý.

OJEE 6:4

Kɔ́ɔ̄ɓē tūr̄ ədasí na: *Epəraim, yá̰á̰ ń kə m̄-rāā tām̄ yāí tə́ ní i rí? Ba ḭ̄ *Juda, yāí ḭ̄ i rí ō? Tár yāsí kə́ tām̄ yāḿ tə́ to i tītə̄ kil̄ man̄ kə́ dəloí beé, i tītə̄ man̄ kə́ tə́sō ndɔ̄ɔ́ ba ḭḭ̄ kɔ̄ɔ́ kə̄ ta jī tə́ beé.

EJEKIEL 33:32

Tām̄ yādə́ nin̄ tə́ ɓáa, ḭ̄ ī-to i tītə̄ nge kənī pā kə́ míndən nel̄ ngá̰ý, kə́ yá̰a̰ gōsə̄ kə́ ɓār̄ majə ngá̰ý a dān̄ gō pā yān beé. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé.

Gōsə̄ najə̄ gə̄ 12:12

Nge kem ndul ndə̄ngā yá̰á̰ ń de kə́ majaĺ gə̄ taān̄ dɔ gúú tə́ ní ō, i tə́gā ta yā de kə́ súmūú gə̄ n a teē yá̰á̰ ní ō.

Makətūbə̄ ń Jud ndang ní 1:12

Dan ń ī-ndiī ā ə́saī yá̰a̰ kə naá kə́ loo ngákó̰o̰ naā gə̄ tə́ ɓáa, nin̄ i yá̰á̰ kə́ adə̄ deē wōn̄g gə̄ dansí tə́. Nin̄ i de kə́ ngé kəsa wa kanjə̄ kadə̄ rɔ̄də́ sɔl̄də́ gə̄ ō, gírə̄n̄ i dɔ rɔ̄də́ nin̄ kɔ́ gə̄ tə́ ngóy ō. Nin̄-ton̄ i tītə̄ man̄ kə́ il̄ kanjə̄ kedə kə́ nél tə̄ndā tḭ̄ḭ̄ kɔ̄ɔ́ beē ō, ton̄ i tītə̄ kāgə̄ gə̄ kə́ nāā kan̄də́ ugə̄ banī anə̄n̄ aĺ gə̄ beé ō, ton̄ i tītə̄ kāgə̄ gə̄ kə́ ɔrə̄n̄də́ kɔ̄ɔ́ kə ngəradə́ gēé adə̄ oyn̄ kɔ̄ɔ́ beé ō.

2 PIYER 2:22

Yá̰á̰ ń rāādə́ ní ɔjə kadə̄ gōsə̄ najə̄ əda i yá̰á̰ kə́ rɔ̄kum, əda na: Bísə́ tél kə̄ ta tōmbən tə́ gogə́ əsa ō, kó̰o̰ bor̄ ń ndogə̄nən̄ man̄ ní, tél aw̄ ɓɔ́ɓə̄lɔ̄ rɔ̄n gogə́ bɔrɔɔ́ ō.

2 PIYER 2:20

Tɔdɔ̄ ngé gə̄ ń teēn̄ kɔ̄ɔ́ kum yá̰á̰ kə́ yḛr gə̄ kə́ dɔ nang tə́, kə ta kūl̄ ger̄ Jeju *Kərist ń i Kɔ́ɔ̄ɓē yājí ō, nge kajəjí ō ní, ré tél əya̰n̄ rɔ̄də́ adə̄ yá̰á̰ kə́ yḛr gə̄ ní ɓírə̄n̄də́ gogə́ ō, o̰o̰n̄ ɓē dɔdə́ tə́ gogə́ ō anī, ndidə́ kə́ ta tɔ̄l̄ ta tə́ ní majaĺ ngá̰ý tɔȳ kə́ kété ɓáý.

HEBƏRO 10:39

Jḭḭ̄ i de gə̄ kə́ yā kɔr̄ rɔ̄jí kə̄ gogə́ yā kudə kɔ̄ɔ́ alé. Jḭḭ̄ i de kə́ ngé taā kem gə̄ ō, jə-ra i dɔ róbə kajə tə́ ō.

EPEJƏ 3:17

Ba kadə̄ *Kərist ndi kemsí tə́ kə ta kūl̄ taā kə́ ī-taāī kemən ō, ə́laī ngərasí kem tár tə́ ō, ī-raī ngan̄g dɔ tə́ ō.

IJAI 58:2

Kə dɔ ndɔ̄ gə̄ nin̄ a reēn̄ i koō najə̄ kə́ taḿ tə́ tə́, nin̄ ndigən̄ ger̄ yá̰á̰ ń m̄-ndi m-ā m̄-ngóō ta rɔ̄də́ tə́ ní. Nin̄ ton̄ tītə̄ nápar de gə̄ kə́ ngé ɓōĺ gidə yá̰a̰ rāā kə́ gōtə́ beē ō, tītə̄ gír de gə̄ kə́ əya̰n̄ yá̰á̰ kə́ súmūú yā Nə́ɓā yādə́ kɔ̄ɔ́ aĺ beé ō. Nin̄ dəjemə̄n̄ kadə̄ m̄-gān̄g sarya kə́ gōtə́ kə m-ādə̄də́, nin̄ ndigən̄ kadə̄ mā i ngɔr rɔ̄də́ tə́.

JAKƏ 2:26

Tɔdɔ̄ tītə̄ ń dā̰ rɔ̄ kə́ kanjə̄ koō kajə kemeé i kə́ koy kɔ̄ɔ́ ní, tītə̄ ń toō taā kem kə́ kanjə̄ kəla rāān gə̄ i kə́ koy kɔ̄ɔ́ ō.

1 TIMOTE 1:19

Ī-ngɔ̄m̄ taā kem ō, ādə̄ kemií ɔjiī yá̰á̰ kógə̄ḿ kə́ majaĺ aĺ ō. De kə́rēý gə̄ mbātə́n̄ koō najə̄ yā kemdə́ kə́ ɔjədə́ yá̰á̰ kógə̄ḿ kə́ majaĺ aĺ ngeé ń toō. I tītə̄ ń noō n nin̄-rāān̄neé adə̄ taā kem yādə́ əsōń kɔ̄ɔ́ ní.

1 TESALONIK 3:5

I tām̄ ń toō tə́ n m-ásə́ tə́gā taḿ to̰ alé, adə̄ m-ə́la Timote kadə̄ oō najə̄ kə́ dɔ taā kem yāsí tə́ ní. m̄-ɓōĺ kadə̄ Nge Nāā de gə̄ nāāsí, yā kadə̄ j-ɔr sesí i ndāńg karī.

KOLOSƏ 2:7

Ə́laī ngərasí kemən tə́ ō, ī-raī ngan̄g dɔn tə́ ō, dɔ taā kem tə́ tītə̄ ń ndóōn̄neésí ní ō, ī-ndadī Nə́ɓā ngá̰ý ō.

GALATƏ 3:4

Tasí nāā yá̰á̰ kə́ majə asə naā beé gə̄ i ndāńg karī a? Kadə̄ i ndāńg karī ní loon gətóo.

GALATƏ 3:1

Galatə gə̄, sḭḭ̄ i de kə́ kur̄ dɔsí gətóo. Sḭḭ̄ ń ɔjən̄sí najə̄ yā Jeju *Kərist kə́ əndanən̄ kə máyá̰ tū kāgə̄ kə́ dēsə́ tə́ adə̄ unjə̄ ta kumsí tə́ ní, i náā n tūr̄ kumsí kɔ̄ɔ́ ní?

1 KORḚNTƏ 15:2

Sḭḭ̄ ájiī i kə ta kūl̄neé, loo ń ə́hɔniī sásáp adə̄ ni-to i kə gō jī loo kɔjə ń m-ɔ́jəńsí ní. Ré i beé aĺ anī, sḭḭ̄ ī-taāī kem i ndāńg.

JA̰A̰ 15:6

Ré deē kógə̄ḿ ndi kemḿ tə́ aĺ anī, a ənīnən̄ ndágá kɔ̄ɔ́ tītə̄ ta jī kāgə̄ kadə̄ tutə. Gō tə́ anī, a kánə̄n̄ tajī kāgə̄ gə̄ yā ɓōkə́də́ horoó kadə̄ hor o̰o̰.

JA̰A̰ 15:2

Ta jīḿ gə̄ ń anə̄n̄ aĺ ní, ni a jén̄gdə́ kɔ̄ɔ́. Ba ta jīḿ gə̄ malang ń anə̄n̄ ní, ni a tɔ́r̄də́ kadə̄ anə̄n̄ ngá̰ý mān̄ kə́ kété.

Gōsə̄ najə̄ gə̄ 12:3

Deē mbūsə̄ gír rɔ̄n adə̄ ra ngan̄g kə kem nduluú aĺ ō, de kə́ súmūú gə̄ a yéȳn̄ aĺ ō.

Makətūbə̄ yā Job 19:28

Sḭḭ̄ ī-dəjeī rɔ̄sí najə̄ ə́daī na ké ā ī-rāāī i ba̰ý n ā ī-rāāīneé yá̰á̰ kə́ tōr̄, yā kəngeń yá̰á̰ kə́ yā kəga rɔ̄ gidə tə́, ba rāań sarya seneé ní wa.

KOLOSƏ 1:23

Ba majə kadə̄ ī-raī ngan̄g dɔ taā kem tə́ ō, ādī tɔ́gə́sí to ō. Ī-lōōī kəya̰ najə̄ kə́ majə kɔ̄ɔ́. I ni n i yá̰a̰ kəndā kem dɔ tə́ yājí ní. Najə̄ kə́ Majə ngeé ń toō ń ōōī ní, ɔjən̄ de gə̄ kə̄ loo gə̄ tə́ malang dɔ nang tə́ laā ō, ba i mā Pol n m̄-tél nge rāā kəlan ní.

1 KORḚNTƏ 13:2

Ká ré m-ə́dań i najə̄ kə́ Nə́ɓā əndā taḿ tə́ aláa m̄-gerə̄ń i yá̰á̰ kə́ to loo mundə̄ tə́ gə̄ malang, aláa m̄-gerə̄ń yá̰a̰ malang, aláa taā kem yāḿ i kə́ mámák, adə̄ i nge ń a ndɔ́tə̄ kə mbal̄ bo gēé loo ndadə́ tə́ ní gə̄gē, ba m̄-tár aĺ anī, mā i yá̰á̰ kógə̄ḿ alé.

MARK 6:20

tɔdɔ̄ Herod ɓōĺ ndíĺ Ja̰a̰, tām̄ ni-ger̄ kadə̄ Ja̰a̰ i de kə́ súmūú ō, i de kə́ *táĺ yā Nə́ɓā ō, adə̄ ngɔ̄mə̄n. Loo ń ni-oō najə̄ yān ní, ni gír̄ najə̄ ngá̰ý gə̄gē, ba oō najə̄ yān kə rɔ̄nelēé.

1 JA̰A̰ 2:19

Nin̄-teēn̄ i danjí tə́, banī nin̄ i deē yājí gə̄ alé. Tām̄ ré nin̄ i deē yājí gə̄ anī, a ndin̄ sejí. Ba nge ń noō ɔjə kə̄ ndágá kadə̄ nin̄ i deē yājí gə̄ alé.

Najə̄ kə́ Majə yā Jeju ń Luk ndang ní 8:12

Ngé gə̄ ń tə́sōn̄ kadə róbə́ tə́ ní i de gə̄ ń oōn̄ najə̄ yā Nə́ɓā ba gō tə́ anī *diabəl reē ɔr̄ najə̄ ní kemdə́ tə́ kɔ̄ɔ́, na sōgə́ taān̄ kem kadə̄ ajən̄.

Najə̄ kə́ Majə yā Jeju ń Luk ndang ní 8:14

Ngé gə̄ ń tə́sōn̄ dan kōn̄ gə̄ tə́ ní, i ngé gə̄ ń oōn̄ najə̄ yā Nə́ɓā ba teē kə̄ danaá anī gír̄ najə̄ gə̄, kə yá̰a̰ kənge gə̄, kə yá̰á̰ kə́ to rɔ̄nel̄ kə́ dɔ nang tə́ gə̄ taān̄ dɔdə́ kɔ̄ɔ́, adə̄ kumdə́ mbujə alé ní.