Najə̄ kə́ Majə yā Jeju ń Luk ndang ní 8:1 - Bible sar

¹ Gō tə́ anī, Jeju njə̄rā kə gō ngán ɓē gə̄ ō, ɓē kə́ bo gə̄ ō, ənīń mbēr̄. Ni ɔjə Najə̄ kə́ Majə kə́ dɔ *Ɓē ko̰o̰ yā Nə́ɓā tə́. Ngé ndóō yá̰a̰ yān gə̄ ń nin̄ i deē kutə gidə i jōó ní ō,

Bibəl ta Sar̄

¹ Gō tə́ anī, Jeju njə̄rā kə gō ngán ɓē gə̄ ō, ɓē kə́ bo gə̄ ō, ənīń mbēr̄. Ni ɔjə Najə̄ kə́ Majə kə́ dɔ Ɓē ko̰o̰ yā Nə́ɓā tə́. Ngé ndóō yá̰a̰ yān gə̄ ń nin̄ i deē kutə gidə i jōó ní ō,

Najə̄ kə́ Majə yā Jeju ń Luk ndang ní 8:1 Referans Kwoze

MATIYE 4:23

Jeju un gō nang kə́ Galile malang, a ndóō de gə̄ yá̰a̰ kem kújə́ kán̄ naā yādə́ gə̄ tə́ ō, a ənī mbēr̄ Najə̄ kə́ Majə kə́ dɔ Ɓē ko̰o̰ tə́ ō, rāā adə̄ rɔ̄ ngé mo̰y kə́ tayā tayā gə̄ malang ngáā ō, rāā adə̄ rɔ̄ de kə́ nujə gə̄ malang tél majə gogə́ ō, dan ngán *Israel gə̄ tə́.

Makətūbə̄ ń Pol ndang adə̄ Rom gə̄ ní 10:15

Ré Nə́ɓā əla deē aĺ anī, loo kadə̄ deē a ɔjədə́ najə̄ yā Kɔ́ɔ̄ɓē i ba̰ý? Tɔdɔ̄ makətūbə̄ əda na: Ka̰a̰ ngé kəda najə̄ kə́ majə loo reē tə́ i yá̰á̰ kə́ majə ngá̰ý!

KƏLA RĀĀ 13:32

Jḭḭ jə-reē kə Najə̄ kə́ Majə ń toō yā kədasí ō: Yá̰á̰ ń Nə́ɓā ənī míndən najə̄n tə́ adə̄ kaají gə̄ ní,

KƏLA RĀĀ 10:38

Kadə̄ ń Nə́ɓā adə̄ Jeju kə́ *Najaret *Ndíĺ kə́ Táĺ ō, tɔ́gə ō ní sḭḭ̄ ī-gerī ō, njə̄rā ń Jeju njə̄rā kə gō loo gə̄ a rāań majə kə de gēé ō, rāā adə̄ de gə̄ malang ń ndin̄ gíŕ tɔ́gə yā *diabəl tə́ ní rɔ̄də́ ngáā ō tɔdɔ̄ Nə́ɓā i seneé ní, sḭḭ̄ ī-gerī ō.

Najə̄ kə́ Majə yā Jeju ń Luk ndang ní 4:18

Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō,

MARK 1:39

Ba ni-aw̄, ɔjə najə̄ kem kújə́ kán̄ naā yādə́ gə̄ tə́ gō nang malang kə́ Galile tə́ ō, ba ni-tə̄ɓā ndíĺ kə́ majaĺ gə̄ kɔ̄ɔ́ ō.

MATIYE 13:19

Ngé gə̄ ń oōn̄ najə̄ kə́ dɔ Ɓē ko̰o̰ tə́ ba gerə̄n̄ kum aĺ ní, nin̄-ton̄ i tītə̄ bɔ̄gə̄ róbə́ ń kōō tə́sō tū tə́ ní. Ndíĺ kə́ nge ngól̄ loo gə̄ reē nār̄ yá̰á̰ ń dubə̄n̄ kemdə́ tə́ ní kɔ̄ɔ́.

MATIYE 11:1

Dan ń Jeju ɔjə ngé ndóō yá̰a̰ yān kə́ kutə gidə i jōó gə̄ yá̰a̰ gə̄ oy anī ndɔ́tə̄ kɔ̄ɔ́ loo ní tə́ ba aw̄ ndóō de gə̄ yá̰á̰ tə́ ō, kɔjə najə̄ yā Nə́ɓā tə́ ō, kem ɓē gə̄ kə́ gō nang ngeé ń noō tə́.

MATIYE 9:35

Jeju un gō ɓē kə́ bo gə̄ ō, ngán ɓē gə̄ ō malang. Ni ndóō de gə̄ yá̰a̰ kem kújə́ kán̄ naā yādə́ gə̄ tə́ ō, ənī mbēr̄ Najə̄ kə́ Majə kə́ dɔ Ɓē ko̰o̰ tə́ ō, rāā adə̄ rɔ̄ ngé mo̰y gə̄ malang ō, rɔ̄ de kə́ nujə gə̄ malang ō ngáā.

Najə̄ kə́ Majə yā Jeju ń Luk ndang ní 1:80

Ngōn̄ ní tɔgə kum kə̄ kété kété ō, ngan̄g ō. Ni a ndi i loo gə̄ kə́ de gə̄ gətóon̄ tū tə́ tə́, bátə́ ndɔ̄ ń ni-rāań adə̄ ngán *Israel gə̄ ger̄nən̄ tə́ ní.

Najə̄ kə́ Majə yā Jeju ń Luk ndang ní 9:6

Ngé ndóō yá̰a̰ gə̄ ní aw̄n̄. Nin̄-njə̄rān̄ kə gō ngán ɓē gə̄ malang ɔjən̄neé Najə̄ kə́ Majə ō, rāān̄neé adə̄ rɔ̄ ngé mo̰y gə̄ ngáā kə gō loo gə̄ malang ō.

Najə̄ kə́ Majə yā Jeju ń Luk ndang ní 20:1

Ndɔ̄ kógə̄ḿ tə́, dan ń Jeju ndi kem *kújə yā Kɔ́ɔ̄ɓē tə́ a ndóō de gə̄ yá̰a̰ ō, a ɔjə de gə̄ Najə̄ kə́ Majə ō anī, ngol gə̄ kə́ dɔ *ngé tun̄ yá̰a̰ gə̄ tə́ ō, ngé ndóō de gə̄ *ndū najə̄ gə̄ ō, nin̄ kə *kum kɔɔ̄ gēé,