Najə̄ kə́ Majə yā Jeju ń Luk ndang ní 22:11 - Bible sar

¹¹ ba ə́daī kɔ́ɔ̄ kújə́ ní na ngoljí na kə ədaīn̄ na: Ké kújə́ ń kadə̄ n-əsa yá̰á̰ *Pákə tū tə́ kə ngé ndóō yá̰a̰ yān gēé ní ké i rá wa.

Bibəl ta Sar̄

¹¹ ba ə́daī kɔ́ɔ̄ kújə́ ní na ngoljí na kə ədaīn̄ na: Ké kújə́ ń kadə̄ n-əsa yá̰á̰ Pákə tū tə́ kə ngé ndóō yá̰a̰ yān gēé ní ké i rá wa.

Najə̄ kə́ Majə yā Jeju ń Luk ndang ní 22:11 Referans Kwoze

JA̰A̰ 11:28

Gō najə̄ ń toō tə́ anī, ni-aw̄ ɓāŕ ngōkó̰o̰n Mari jəke ba ədan na: Ngoljí ugə̄ kɔ̄ɔ́, ba əda na kə āw̄ kə ə́ngen.

JEJU TEĒ KUM JA̰A̰ 3:20

Á̰a̰ā̰, m̄-ra ta róbə́ kújə́ tə́ ba m̄-gógə̄ ta kújə. Ré deē kógə̄ḿ oō ndūḿ ba teē ta kújə́ anī, m-ā m-údə gōn tə́ ō, m-ā m-ə́sá yá̰a̰ seneé ō, ni a əsa yá̰a̰ seḿ ō.

Najə̄ kə́ Majə yā Jeju ń Luk ndang ní 19:34

Anī nin̄-tél ədan̄ na i Kɔ́ɔ̄ɓē n a sāā.

Najə̄ kə́ Majə yā Jeju ń Luk ndang ní 19:31

Ba ré a dəjen̄sí na ké i tām̄ rí tə́ á ī-tútin̄ wa anī, ə́daī na i Kɔ́ɔ̄ɓē n a sāā.

Najə̄ kə́ Majə yā Jeju ń Luk ndang ní 19:5

Dan ń Jeju reē ugə̄ loo ngeé ń noō tə́ anī, ənī kumən kə̄ dɔɔ́ ba ɓār̄ yá̰a̰, əda na: Jase, ī-risə nang tə́ láẃ, na ɓōólaā ní i gáŕ kadə̄ mā m̄-ndi i ta kújə́ tə́ looí.

MATIYE 21:3

Ba ré deē kógə̄ḿ a dəjesí najə̄ kə dɔ tə́ anī ī-tél ə́daniī na i Kɔ́ɔ̄ɓē n a sāā ní. Loo ń noō tə́ deē ní a əya̰də́ kə̄ ta jī tə́ noō kadə̄ a reēī sedə́.

MARK 14:14

Úniī gōn, ba loo ń ni a udə tū tə́ ní anī, ə́daī kɔ́ɔ̄ kújə na ngolsí na kə ī-dəjeniī ké kújə yān ń kadə̄ na n-əsa yá̰a̰ Pákə tū tə́ kə ngé ndóō yá̰a̰ yān gēé ní ké i rá wa.

Najə̄ kə́ Majə yā Jeju ń Luk ndang ní 22:10

Ni ədadə́ na: Á̰a̰ī, dan ń ā údiī kə̄ kem ɓēé anī, dəngam kógə̄ḿ kə́ ətō jóo man̄ a dərāsí róbó. Úniī gōn, āwī seneé kem kújə́ ń a udə tū tə́ ní,

Najə̄ kə́ Majə yā Jeju ń Luk ndang ní 22:12

Anī kɔ́ɔ̄ kújə ní a ɔjəsí kem kújə́ kə́ dɔɔ́ kógə̄ḿ kə́ bo, kə́ lábə̄n̄ yá̰a̰ taā gír dɔ gə̄ kemeé. Ī-rāāī loo yá̰a̰ yā nāā *Pákə gə̄ i kemeé nuū.