Najə̄ kə́ Majə yā Jeju ń Luk ndang ní 21:1 - Bible sar

¹ Jeju ɔr̄ dɔn dɔɔ́ anī, a̰a̰ ngé kənge yá̰á̰ ngá̰ý gə̄ kə́ a ɓōkə́n̄ *yá̰a̰ ndējə̄ yādə́ gə̄ loo ń a ɓōkə́n̄ nar tū tə́ kem *kújə yā Kɔ́ɔ̄ɓē tə́ ní.

Bibəl ta Sar̄

¹ Jeju ɔr̄ dɔn dɔɔ́ anī, a̰a̰ ngé kənge yá̰á̰ ngá̰ý gə̄ kə́ a ɓōkə́n̄ yá̰a̰ ndējə̄ yādə́ gə̄ loo ń a ɓōkə́n̄ nar tū tə́ kem kújə yā Kɔ́ɔ̄ɓē tə́ ní.

Najə̄ kə́ Majə yā Jeju ń Luk ndang ní 21:1 Referans Kwoze

JA̰A̰ 8:20

Jeju ɔr̄ najə̄ ń toō i dan ń ni a ndóōń de gə̄ yá̰a̰ kem *kújə yā Kɔ́ɔ̄ɓē tə́, loo ń a ɓōkə́n̄ nar kə́ ndējə̄ Nə́ɓā tū tə́ ní. Ba deē kógə̄ḿ kə́ əhɔn gətóo, tām̄ kum mbang yān asə aĺ ɓáý.

MATIYE 27:6

Ngol gə̄ kə́ dɔ *ngé tun̄ yá̰a̰ gə̄ tə́ ɔyn̄ nar ní ba ədan̄ na: *Ndū najə̄ yājí ɔgə̄ ɓōkə́ nar kə́ beē loo ngɔ̄m̄ nar kə́ kem *kújə yā Kɔ́ɔ̄ɓē tə́, tɔdɔ̄ i nar mósə.

2 YÁ̰A̰ GƏ̄ 36:18

Yá̰a̰ malang kə́ bo gə̄gē kə́ dūú gə̄gē, kə́ kem kújə yā Nə́ɓā tə́ gə̄gē, yá̰a̰ ɓɔ̄ɔ̄ gə̄ kə́ kem *kújə yā Kɔ́ɔ̄ɓē tə́ gə̄gē, yá̰a̰ ɓɔ̄ɔ̄ gə̄ yā mban̄g gə̄gē, yā de kə́ bo yān gə̄ gə̄gē ní mban̄g kə́ Babilon ɔy aw̄ń Babilon malang.

NEHEMI 13:13

De gə̄ ń m̄-gə̄rādə́ kadə̄ ngɔ̄mə̄n̄ kújə ngɔ̄m̄ yá̰a̰ gə̄ ní i Selemia kə́ *nge tun̄ yá̰a̰ ō, Sadok nge ndang makətūbə̄ ō, Pedaya kə́ ngōn̄ *Lebi ō. Deē ń ərōdə́ tə́ ní i Hanan kə́ ngōn̄ Jakur kə́ ngōn̄ Matania. Nin̄ malang ní de gə̄ rāān̄də́ i de gə̄ kə́ ran̄ dɔ ndūdə́ tə́. I nin̄ n i ngé nə̄ɓō ngákó̰ó̰də́ gə̄ *yá̰a̰ ndējə̄ gə̄ ní.

2 MBAN̄G 24:13

Tītə̄ ń Kɔ́ɔ̄ɓē ədań kété ní, Nabukodonosor ɔy yá̰a̰ kənge kə́ kem *kújə yā Kɔ́ɔ̄ɓē tə́ ō, kə́ kem kújə yā mban̄g tə́ ō, malang aw̄ń. Ni tɔ̄ɔ̄ ngáń gájə́ yá̰a̰ rāā kəla gə̄ ń mban̄g Salomo̰ adə̄ rāān̄ kə lɔ́rɔ́ tām̄ yā *kújə yā Kɔ́ɔ̄ɓē tə́ ní kɔ̄ɔ́ malang.

JOJUE 6:19

Ba gində̄ arjā̰a̰ malang ō, gində̄ lɔ́r malang ō, yá̰a̰ malang kə́ rāā kə gində̄ nə̄ngá kasə ō, kə gində̄ kə́ karī ō ní, i kə́ yā kɔr̄ kam̄ tayā tām̄ yā Kɔ́ɔ̄ɓē tə́ ō, i kə́ yā kaw̄ń kem loo ngɔ̄m̄ yá̰a̰ kənge yā Kɔ́ɔ̄ɓē tə́ ō.

1 MBAN̄G GƏ̄ 14:26

Ni ɔy yá̰a̰ kənge gə̄ kə́ kem *kújə yā Kɔ́ɔ̄ɓē tə́ ō, kə́ kem kújə yā mban̄g tə́ ō aw̄ń. Ni ɔy yá̰a̰ malang aw̄ń. Der lɔ́r ń Salomo̰ rāā ní gə̄gē, ɔy malang aw̄ń.

JOJUE 6:24

Ba əlan̄ hor dɔ ɓē tə́ ō, dɔ yá̰a̰ malang kə́ kem ɓēé tə́ ō, yá̰á̰ ń əlan̄ hor dɔ tə́ aĺ ní i gində̄ arjā̰a̰ ō, lɔ́r ō, yá̰á̰ kə́ rāā kə gində̄ nə̄ngá kasaá ō, kə gində̄ kə́ karīí ō. Nin̄ aw̄nəń kem *kújə yā Kɔ́ɔ̄ɓē tə́ aw̄ ɓōkə́n̄ loo ń a ngɔ̄mə̄n̄ yá̰a̰ kənge yā Kɔ́ɔ̄ɓē tū tə́ ní tə́.

2 MBAN̄G 12:9

Ngé tun̄ yá̰a̰ gə̄ ndigən̄ táā nar jī de gə̄ tə́ to̰ aĺ ō, ndigən̄ kadə̄ kəla rāā loo *kújə yā Kɔ́ɔ̄ɓē kə́ nujə gə̄ i tū tə́ to̰ aĺ ō.

Najə̄ kə́ Majə yā Jeju ń Luk ndang ní 20:47

A əsan̄ jī dəyá̰ kə́ ngaa koy gə̄ yā təgā ō. Nin̄ ní, sarya kə́ bo ngá̰ý a əsō dɔdə́ tə́.