Najə̄ kə́ Majə yā Jeju ń Luk ndang ní 20:7 - Bible sar

⁷ Anī tél ədanən̄ na n-gerə̄n̄ loo ń ḭḭ tū tə́ ní alé.

Bibəl ta Sar̄

⁷ Anī tél ədanən̄ na n-gerə̄n̄ loo ń ḭḭ tū tə́ ní alé.

Najə̄ kə́ Majə yā Jeju ń Luk ndang ní 20:7 Referans Kwoze

2 PIYER 3:3

Yá̰á̰ ń kadə̄ ī-gerī kété ní n toó: Kem ndɔ̄ gə̄ kə́ ta ngóy tə́ anī, de kə́ ngé rāā yá̰á̰ kə́ ngurən i kemdə́ tə́ gə̄ a teēn̄ yādə́. Nin̄ a mbóon̄ sesí,

JA̰A̰ 9:39

Anī Jeju əda na: m̄-reē dɔ nang tə́ i tām̄ yā sarya tə́, kadə̄ ngé gə̄ ń a̰ā̰n̄ loo aĺ ní a̰ā̰n̄ loo, ba kadə̄ ngé gə̄ ń a̰ā̰n̄ loo ní télən̄ ngé ka̰a̰ loo aĺ gə̄.

JAKARI 11:17

I yá̰á̰ kə́ to kum kaȳ aĺ kə́ ba̰ý beē tām̄ yā nge kul̄ yá̰á̰ kə́ ger̄ yá̰a̰ aĺ ngá̰ý, kə́ əya̰ yá̰a̰ kul̄ gə̄ kɔ̄ɔ́ tə́! Ādə̄ ta rɔ̄ɔ̄ tə́ ɓáa jīn kə́ ko̰ó̰ gān̄g kɔ̄ɔ́ ō, kumən kə́ dām̄ kə́ ko̰ó̰ tə́ ɔr̄ kɔ̄ɔ́ ō! Ādə̄ jīn i kə́ tutə njururu malang ō, ādə̄ kumən kə́ dām̄ kə́ ko̰ó̰ tə́ a̰a̰ loo to̰ aĺ ō!

JAKARI 11:15

Kɔ́ɔ̄ɓē ədam̄ na kə m̄-rāā yá̰á̰ ń toō ɓáý to̰: Ń toō ɓáa ī-rāā tītə̄ kə́ ḭ̄ i nge kul̄ yá̰á̰ kə́ ī-ger̄ yá̰a̰ aĺ ngá̰ý beē.

IJAI 44:18

De gə̄ ngeé ń toō nin̄ gerə̄n̄ yá̰á̰ kógə̄ḿ alé, nin̄ gerə̄n̄ kum yá̰á̰ kógə̄ḿ alé. Tām̄ kumdə́ ō, ndíĺdə́ ō, i kə́ utə̄ kɔ̄ɔ́, nin̄ asən̄ ka̰a̰ loo alé, asən̄ ger̄ kum yá̰a̰ alé.

IJAI 41:28

M-á̰a̰ loo ngá̰ý, banī m-á̰a̰ deē kógə̄ḿ alé. Dan nə́ɓā gə̄ yā gotə gír de kə́ rang gə̄ tə́ ní, nə́ɓā kógə̄ḿ kə́ əda gír̄ yān kə́ dɔ tə́ gətóo! De kə́ yā kadə̄ deē aw̄ oō kə́ tan tə́ gətóo, de kə́ asə tūrə̄m̄ najə̄ tə́ gətóo!

IJAI 29:14

I tām̄ ń najə̄ ń toō tə́ n m-ā m̄-na̰y kə̄ loo rāā yá̰a̰ gə̄ kə́ kadə̄ ɔr kum gír de gə̄ ń toō tə́ ní. Kumdə́ edə̄ ɓá tā , banī ngé kum kedə̄ gə̄ a gerə̄n̄ yá̰á̰ kógə̄ḿ tū tə́ alé. Kur̄ dɔdə́ i nuú ɓá tā , banī ngé ger̄ yá̰á̰ ngá̰ý yādə́ gə̄ a asən̄ kɔjə kum yá̰á̰ kógə̄ḿ alé.

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

Najə̄ kə́ Majə yā Jeju ń Luk ndang ní 20:6

Ba ré j-ədaī na ḭḭ na i rɔ̄ de gə̄ tə́ anī, ngán *Israel gə̄ malang a tə́nīn̄jí kə mbalá, tɔdɔ̄ nin̄-taān̄ kem mámák kadə̄ Ja̰a̰ i *nge koō ta ō.

Najə̄ kə́ Majə yā Jeju ń Luk ndang ní 20:8

Adə̄ Jeju tél ədadə́ na: Ɓáa mā m-ā m-ə́dásí loo nəkɔ́ ń m̄-teē kə tɔ́gə́ ń toō tū tə́ á m̄-rāań yá̰a̰ gə̄ ń toō ní aĺ ō.