Najə̄ kə́ Majə yā Jeju ń Luk ndang ní 20:16 - Bible sar

¹⁶ Ni a reē yā tɔ̄l̄ ngé ndɔr̄ gə̄ ní, ba a əndā de kə́ rang gə̄ ta *kāgə̄ nduú yān tə́. Dan ń nin̄-oōn̄ tītə̄ ń noō anī, ədan̄ na: Ādə̄ yá̰á̰ kə́ tītə̄ ń noō rāā yá̰a̰ aĺ ɓɔ́ nəkɔ́ tá.

Bibəl ta Sar̄

¹⁶ Ni a reē yā tɔ̄l̄ ngé ndɔr̄ gə̄ ní, ba a əndā de kə́ rang gə̄ ta kāgə̄ nduú yān tə́. Dan ń nin̄-oōn̄ tītə̄ ń noō anī, ədan̄ na: Ādə̄ yá̰á̰ kə́ tītə̄ ń noō rāā yá̰a̰ aĺ ɓɔ́ nəkɔ́ tá.

Najə̄ kə́ Majə yā Jeju ń Luk ndang ní 20:16 Referans Kwoze

Najə̄ kə́ Majə yā Jeju ń Luk ndang ní 19:27

Ba madə̄ ba̰ā̰ḿ gə̄ ń gḛyn̄ kadə̄ m-ó̰o̰ ɓē dɔdə́ tə́ aĺ ní, ī-reēī sedə́ laā, ba ə́jaī míndə́də́ ta kumḿ tə́.

KƏLA RĀĀ 13:46

Loo ń noō tə́ Pol nin̄ kə Barnabas ədan̄də́ kanjə̄ ɓōĺ na: Majə kadə̄ i sḭḭ̄ n ədan̄sí najə̄ yā Nə́ɓā kété ní! Ba dan ń sḭḭ̄ kɔ́ gə̄ ī-mbātíī ō, á̰a̰ī kadə̄ ī-ndetiī kadə ndi kə kumuú kə́ ngándáńg aĺ ō ɓá ní, jḭḭ jə-tūr̄ rɔ̄jí kə̄ rɔ̄ de gə̄ kə́ nin̄ i *Jipə aĺ gə̄ tə́.

MATIYE 21:41

Ngé gə̄ ń Jeju a ɔr̄ najə̄ ní sedə́ ní tél ədanən̄ na: Ni a tɔ̄l̄ de kə́ majaĺ gə̄ ń noō kanjə̄ kadə̄ kumən o̰o̰n tām̄ yādə́ tə́, ba a adə̄ ngé ndɔr̄ kə́ rang gə̄ ndɔr̄ *kāgə̄ nduú yān ní, kadə̄ ngɔ̄mə̄n̄ ba adə̄nən̄ kanə̄n kə kum mbangneé.

MATIYE 22:7

Wōn̄g rāā mban̄g ní, adə̄ əla ɓūtə̄ áskar yān gə̄ kadə̄ aw̄ tɔ̄lə̄n̄ ngé tɔ̄l̄ de gə̄ ní kɔ̄ɔ́ ba əlan̄ hor dɔ ɓē yādə́ tə́.

MATIYE 21:34

Dan yā sāā kan̄ *kāgə̄ nduú gə̄ ugə̄, anī ni-əla ngé kəla yān gə̄ rɔ̄ ngé ndɔr̄ gə̄ ní tə́ kadə̄ adə̄nən̄ kan̄ nduú yān.

MARK 12:9

Kɔ́ɔ̄ ndɔr̄ ní a rāā i ba̰ý? Ni a reē yā tɔ̄l̄ ngé ndɔr̄ gə̄ ní, ba a əndā de kə́ rang gə̄ ta ndɔr̄ yān tə́.

Najə̄ kə́ Majə yā Jeju ń Luk ndang ní 20:15

Anī un ənīnən̄ gidə ndɔr̄ ní tə́ ndágá, ba tɔ̄l̄nən̄ kɔ̄ɔ́. Beé ní kɔ́ɔ̄ ndɔr̄ ní a rāā i rí sedə́?

Makətūbə̄ ń Pol ndang adə̄ Rom gə̄ ní 3:4

I tītə̄ ń noō alé. Tɔdɔ̄ ká ré de gə̄ malang i ngé sor̄ gə̄ gə̄gē anī, Nə́ɓā i nge kəda najə̄ kə́ rɔ̄kum ngándáńg, tītə̄ ń makətūbə̄ yān ədań ní. Ndangən̄ na: Ḭ̄ Nə́ɓā ḭ̄ i de kə́ súmūú kem najə̄ kɔrīí gə̄ tə́, adə̄ ré de gə̄ ɔsənī rāā yá̰á̰ kə́ gō tə́ aĺ gə̄gē anī, najə̄ a əhɔdə́.

Makətūbə̄ ń Pol ndang adə̄ Rom gə̄ ní 3:6

Ba i tītə̄ ń noō alé, tɔdɔ̄ ré i tītə̄ ń noō anī, loo kadə̄ Nə́ɓā a gān̄g sarya dɔ de kə́ dɔ nang tə́ gə̄ tə́ i ba̰ý?

Makətūbə̄ ń Pol ndang adə̄ Rom gə̄ ní 3:31

A ń noō ní, kadə̄ taā ń taān̄ kem ní rāā kadə̄ *ndū najə̄ i yá̰á̰ kə́ kanjə̄ kumən a? Sḛ́ý aĺ bátə́! I loo kə́ beé tə́ tā n i yá̰á̰ kə́ kə kumneé ɓáý ní.

Makətūbə̄ ń Pol ndang adə̄ Rom gə̄ ní 6:2

I tītə̄ ń noō alé. Tɔdɔ̄ dan ń jḭḭ̄ i kə́ koy kɔ̄ɔ́ gə̄ ta yá̰a̰ rāā kə́ majaĺ tə́ ní, loo kadə̄ jə-ndiī dan rāā majaĺ tə́ ɓáý to̰ i ba̰ý?

Makətūbə̄ ń Pol ndang adə̄ Rom gə̄ ní 6:15

Kumən na i rí? Kə jə-rāāī yá̰á̰ kə́ majaĺ tām̄ ndi ń jə-ndiī gír *ndū najə̄ tə́ to̰ alé, banī i gír rajə yā Nə́ɓā tə́ ní a? I tītə̄ ń noō alé.

Makətūbə̄ ń Pol ndang adə̄ Rom gə̄ ní 7:7

Kumən na i rí? I kadə̄ i *ndū najə̄ n i yá̰á̰ kə́ majaĺ ní a? I tītə̄ ń noō alé. Banī i ndū najə̄ ngóy n rāā á m̄-gerə̄ń yá̰á̰ ń a ɓārə́n̄ na i yá̰á̰ kə́ majaĺ ní. Tītə̄ ń toō ní ré ndū najə̄ əda na: Ī-ndə̄ngā yá̰a̰ yā madí aĺ anī, mā m-ā m̄-ger̄ kadə̄ ndə̄ngā yá̰a̰ yā naā i yá̰á̰ kə́ majaĺ alé.

Makətūbə̄ ń Pol ndang adə̄ Rom gə̄ ní 7:13

Adə̄ yá̰á̰ ń i yá̰á̰ kə́ majə ní tél reē kə yoó dɔḿ tə́ a? I tītə̄ ń noō alé. I majaĺ n rāā yá̰á̰ ń noō ní. Ni ɔjə kə̄ ndágá kadə̄ ni i yá̰á̰ kə́ majaĺ. Tɔdɔ̄ ni-un yá̰á̰ kə́ majə tɔ̄l̄məń. Loo téĺ ń yá̰á̰ kə́ majaĺ téləń yá̰á̰ kə́ majaĺ ngá̰ý al̄ naā kə ta kūl̄ gō míndə́ ní n noó.

Makətūbə̄ ń Pol ndang adə̄ Rom gə̄ ní 9:14

Ní, kə j-ədaī na i rí? Kadə̄ Nə́ɓā i de kə́ gōtə́ aĺ a? Yḛtə aĺ bátə́!

Makətūbə̄ ń Pol ndang adə̄ Rom gə̄ ní 11:1

Ādī m̄-dəjesí m-ōō: Adə̄ ń noō ní Nə́ɓā əya̰ i ngán *Israel gə̄ kɔ̄ɔ́ tā ḿ? Sḛ́ý yḛtə aĺ bátə́. Tɔdɔ̄ mə̄kɔ́ ń toō, mā i ngōn̄ Israel ō, mā i de kə́ gír kaa yā Abəraham tə́ ō, de kə́ gír ɓē yā Benjamḛ tə́ ō.

Makətūbə̄ ń Pol ndang adə̄ Rom gə̄ ní 11:11

m̄-dəjesí ɓáý to̰: Kəsō ń ngán *Israel gə̄ əsōn̄ ní, i kə́ njɔ́ḿ gə̄ tə́ a? Sḛ́ý aĺ bátə́! Banī i kə ta kūl̄ kəsō ń əsōn̄ ní n, de gə̄ ń i Jipə aĺ gə̄ ní əngenə̄ń kajə, yā kadə̄ *Jipə gə̄ tél əndānńdə́ nii dɔ tə́ ní.

1 KORḚNTƏ 6:15

Rɔ̄sí i ngōn̄ rɔ̄ *Kərist kógə̄ḿ ní ī-gerī aĺ a? Kadə̄ kə m-ún ngōn̄ rɔ̄ Kərist kə m̄-rāā ngōn̄ rɔ̄ kə́ yā rāāń kaya dəyá̰ kógə̄ḿ tə́ a? M-ā m̄-rāā nge ń noō aĺ bátə́!

GALATƏ 2:17

Ba ré dan ń jə-sāāī kadə̄ rāān̄jí de kə́ súmūú gə̄ tə́ kə ta kūl̄ *Kərist ní, reē teēn̄ dɔ tə́ kadə̄ jḭḭ̄ i ngé rāā majaĺ gə̄ ō anī, kumən na Kərist i nge rāā majaĺ ō a? I beé alé!

GALATƏ 3:21

I beé tā ní, *ndū najə̄ a ɔgə̄ kənge yá̰á̰ ń Nə́ɓā ənī míndən najə̄n tə́ ní a? Sḛ́ý aĺ bátə́. Tɔdɔ̄ nə́ngētə́ adə̄n̄jí ndū najə̄ kə́ asə kadə̄ de gə̄ əngen̄ kajə tū tə́ anī, ndū najə̄ a rāā kadə̄ de gə̄ télən̄ de kə́ gōtə́ gə̄ rɔ̄kum.

GALATƏ 6:14

Mā tā anī, yá̰á̰ sḛ́ý kə́ yā kadə̄ m-ɔ́rəń ta rɔ̄ḿ gətóo. Ré m-ɔ́r ta rɔ̄ḿ anī, i kə ta kūl̄ kāgə̄ kə́ dēsə́ yā Kɔ́ɔ̄ɓē Jeju tá ngóy. Kāgə̄ kə́ dēsə́ ní, rāā adə̄ yá̰á̰ kə́ dɔ nang tə́ gə̄ i kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumḿ mā tə́ ō, rāā adə̄ mā i de kə́ kənda kə máyá̰ tū kāgə̄ kə́ dēsə́ tə́ kɔ̄ɔ́ ta kumdə́ nin̄ tə́ ō.