Najə̄ kə́ Majə yā Jeju ń Luk ndang ní 18:16 - Bible sar

¹⁶ Banī Jeju ɓāŕ ngán gə̄ kadə̄ reēn̄ rɔ̄n tə́ ba əda na: Əya̰ī ngáń kə́ dūú gə̄ ādī reēn̄ rɔ̄ḿ tə́, ba ī-lōōī kɔgə̄də́, tɔdɔ̄ i de kə́ tītə̄də́ beē gə̄ n *Ɓē ko̰o̰ yā Nə́ɓā i tām̄ yādə́ tə́ ní.

Bibəl ta Sar̄

¹⁶ Banī Jeju ɓāŕ ngán gə̄ kadə̄ reēn̄ rɔ̄n tə́ ba əda na: Əya̰ī ngáń kə́ dūú gə̄ ādī reēn̄ rɔ̄ḿ tə́, ba ī-lōōī kɔgə̄də́, tɔdɔ̄ i de kə́ tītə̄də́ beē gə̄ n Ɓē ko̰o̰ yā Nə́ɓā i tām̄ yādə́ tə́ ní.

Najə̄ kə́ Majə yā Jeju ń Luk ndang ní 18:16 Referans Kwoze

1 KORḚNTƏ 14:20

Ngákó̰ó̰ḿ gə̄, najə̄ kə́ dɔ ger̄ najə̄ tə́ ní, ādə̄ sḭḭ̄ i ngáń kə́ dūú gə̄ loon tə́ alé, ba ré i najə̄ kə́ dɔ yá̰á̰ kə́ majaĺ tə́ ɓáa, ādə̄ sḭḭ̄ i ngáń kə́ dūú gə̄ loon tə́. Najə̄ kə́ dɔ ger̄ najə̄ tə́ ní ādə̄ sḭḭ̄ i de kə́ tɔgə gə̄ loon tə́.

1 KORḚNTƏ 7:14

Tɔdɔ̄ dəngam ń taā kem aĺ ní ɔrə̄n̄ kamə̄n tayā i kə ta kūl̄ nə̄yá̰n ō, dəyá̰ ń taā kem aĺ ní, ɔrə̄n̄ kamə̄n tayā i kə ta kūl̄ ngaan ō. Nə́ngētə́ i beé aĺ anī, ngáńsí gə̄ i ngáń kə yḛr gə̄, banī nin̄ i ngán gə̄ kə́ ɔrə̄n̄ kam̄də́ tayā.

1 PIYER 2:2

Majə kadə̄ ī-toī tītə̄ ngáń kásə̄ gə̄ beé, ādī ɓō mba kə́ *unjə̄ njáý njáý ń i Najə̄ yā Nə́ɓā ní rāāsí. Yā kadə̄ ré ā̰yī anī ī-tɔgiī tām̄ yā kajə tə́.

NDŪ NAJƏ̄ 31:12

Gír de gə̄ malang a kánə̄n̄ naā, dəngam gə̄gē, dəyá̰ gə̄gē, ngán gə̄gē, tə̄rā kə́ nge nam̄ ń ndi ɓēé looí ní gə̄gē kadə̄ oōn̄ ndū najə̄ ń a tə́dan̄ ní, yā ndóoń loo ɓōĺ Ndíĺ Kɔ́ɔ̄ɓē Nə́ɓā ō, yā rāań yá̰a̰ malang ń ndū najə̄ əda ní ō.

KƏLA RĀĀ 2:39

Tɔdɔ̄ Nə́ɓā ənī míndən i tām̄ yāsí tə́ ō, i tām̄ yā ngáńsí gə̄ tə́ ō, de gə̄ ń ndin̄ sa̰y ngá̰ý tə́ ní ō, de kə́ ngá̰ý gə̄ ń Kɔ́ɔ̄ɓē Nə́ɓā yājí a ɓāŕdə́ ní tə́ ō.

TA KƏLA 21:4

Loo ń ngōn̄ ní rāā ndɔ̄ sɔ́sɔ́ anī, Abəraham əja mɔtən tītə̄ ń Nə́ɓā ədanəń ní.

NDŪ NAJƏ̄ 29:11

Ī-raī laā ɓōólaā i yā kəhɔ *madə̄ naā kə́ kə kənī ndūú danaá kə Kɔ́ɔ̄ɓē Nə́ɓā yāsí. Ni-əhɔ *madə̄ naā ní sesí ɓōólaā.

2 YÁ̰A̰ GƏ̄ 20:13

*Juda gə̄ malang ran̄ kə njadə́ dɔɔ́ ta kum Kɔ́ɔ̄ɓē tə́ kum naā tə́ kə ngéédə́ gēé adə̄ i nə̄yá̰də́ gə̄ ō, ngándə́ gə̄ ō.

JEREMI 32:39

M-ā m-ādə̄də́ ngarā̰ kem ō, háĺ kə́ kógə̄ḿ beē ō, yā kadə̄ ɓōlə́n̄neé ndílə́ḿ ngándáńg tām̄ yā majə yādə́ tə́ ō, tām̄ majə yā ngáńdə́ gə̄ kə́ gotədə́ tə́ ō.

MATIYE 19:14

Anī Jeju ədadə́ na kə əya̰n̄ ngáń kə́ dūú gə̄ kadə̄ reēn̄ kə̄ rɔ̄n tə́, ba kə lōōn̄ kɔ́gə̄də́ reē, tɔdɔ̄ i de kə́ tītə̄də́ beē gə̄ n Ɓē ko̰o̰ kə́ dɔ rā̰ tə́ i tām̄ yādə́ tə́ ní.

Najə̄ kə́ Majə yā Jeju ń Luk ndang ní 18:15

De gə̄ reēn̄ kə ngán gēé rɔ̄ Jeju tə́ kadə̄ ni-əndā jīn dɔdə́ tə́. Ba dan ń ngé ndóō yá̰a̰ yān gə̄ a̰a̰n̄ beé anī, ndángə̄n̄də́ kɔ̄ɔ́.

Najə̄ kə́ Majə yā Jeju ń Luk ndang ní 18:17

Ādə̄ m-ə́dásí najə̄ kə́ bo ngá̰ý: Deē ń a əhɔ *Ɓē ko̰o̰ yā Nə́ɓā kə̄ rɔ̄n tə́ tītə̄ ń ngáń kə́ dūú gə̄ a rāān̄nəń ní aĺ anī, kɔ́ɔ̄ a udə kemeé aĺ bátə́.