Najə̄ kə́ Majə yā Jeju ń Luk ndang ní 18:13 - Bible sar

¹³ Nge taā lambóó ní ra dan gə̄lā sa̰y. Ni gḛy kun kumən kə̄ dɔɔ́ dɔ rā̰ tə́ sḛ́ý aĺ bátə́, ba a ənda nganjən ō, a əda tītə̄ ń toō beé ō na: Nə́ɓā, ī-mā̰ȳ rɔ̄í dɔḿ mā nge rāā majaĺ ń toō tə́!

Bibəl ta Sar̄

¹³ Nge taā lambóó ní ra dan gə̄lā sa̰y. Ni gḛy kun kumən kə̄ dɔɔ́ dɔ rā̰ tə́ sḛ́ý aĺ bátə́, ba a ənda nganjən ō, a əda tītə̄ ń toō beé ō na: Nə́ɓā, ī-mā̰ȳ rɔ̄í dɔḿ mā nge rāā majaĺ ń toō tə́!

Najə̄ kə́ Majə yā Jeju ń Luk ndang ní 18:13 Referans Kwoze

ESDRAS 9:6

ba m-ə́dan na: Nə́ɓā yāḿ, rɔ̄ḿ sɔlə̄m̄ ngá̰ý ō, yá̰a̰ əla jīḿ mbāḿ tə́ ō, adə̄ m-ásə kɔr̄ dɔḿ dɔɔ́ ka̰a̰ń loo kum kə̄ rɔ̄í tə́ alé. Tɔdɔ̄ yá̰á̰ kə́ gōtə́ aĺ gə̄ ń jə-rāā ní i ngá̰ý al̄ naā adə̄ tɔȳ dɔjí ō, majaĺ yājí aw̄ bátə́ ugə̄ dɔ rā̰ tə́ ō.

1 TIMOTE 1:15

Najə̄ ń toō i najə̄ kə́ rɔ̄kum kə́ to kadə̄ deē taā kem ō, i najə̄ kə́ asə kadə̄ de gə̄ malang ndigən̄ kə taá ō: Kərist Jeju reē dɔ nang tə́ i kajə ngé rāā majaĺ gə̄ tə́, ba majaĺ yāḿ mā tɔȳ majaĺ yā ngé rāā majaĺ gə̄ malang.

PĀ GƏ̄ 41:4

Kɔ́ɔ̄ɓē a ngɔ̄mən dɔ tə̄rá mo̰y yān tə́, adə̄ a tūr̄ gíŕ yá̰a̰ ton kə dɔ ndɔ̄ gə̄.

Najə̄ kə́ Majə yā Jeju ń Luk ndang ní 23:48

Ba kósə de gə̄ malang ń kánə̄n̄ naā yā ka̰a̰ yá̰a̰ ń rāā yá̰á̰ ní, dan ń a̰a̰n̄ tītə̄ ń noō anī, télən̄ ta kaw̄ ɓēé tə́ndān̄ nganjədə́ dɔɔ́ dɔɔ́.

HEBƏRO 8:12

Tɔdɔ̄ yá̰á̰ kə́ gōtə́ aĺ gə̄ ń nin̄-rāān̄ ní, m-ā mā̰ȳ rɔ̄ḿ dɔ tə́ ō, a əga kemḿ dɔ majaĺ yādə́ gə̄ tə́ to̰ aĺ ō.

KƏLA RĀĀ 2:37

Dan ń de gə̄ oōn̄ najə̄ ń noō ní, kemdə́ əgadə́ biting biting, adə̄ dəjen̄ Piyer ō gotə ngámbang kəla gə̄ ō najə̄ ədan̄ na: Ngákó̰ó̰jí gə̄, yá̰á̰ ń kadə̄ jə-rāā ní i rí?

HEBƏRO 4:16

I beé ní, j-ənī kemjí mámák jə-ndɔ́tīiń kə̄ ta kōr̄ kāgə̄ mbang yā Nə́ɓā tə́, loo ń Nə́ɓā a rajə deē tū tə́ ní tə́. J-a j-əngeī mā̰ȳ rɔ̄ ō, a rajən̄jí ō, i loo ń noō tə́, yā kadə̄ rāān̄neé sejí kum mbang kə́ majə tə́.

Makətūbə̄ ń Pol ndang adə̄ Rom gə̄ ní 5:8

Ba á̰a̰ī yá̰á̰ ń Nə́ɓā rāā ɔjəńjí táŕ ń ni-táŕjí ní: I dan ń jḭḭ i ngé rāā majaĺ gə̄ ɓáý ní n Kərist oy tām̄ yājí tə́ ní.

Najə̄ kə́ Majə yā Jeju ń Luk ndang ní 5:8

Dan ń Simo̰ Piyer a̰ā̰ tītə̄ ń noō anī əsō nang tə́ nja Jeju tə́ ba ədan na: Kɔ́ɔ̄ɓē, ī-tél kə̄ gogə́ na mā i nge rāā majaĺ.

IJAI 6:5

Anī m-ə́da na: Yá̰á̰ kə́ to kum kaȳ aĺ a teē dɔḿ tə́! Mā i kə́ taḿ tḭ̄ḭ̄ kɔ̄ɔ́! Mā i de kə́ taḿ i kə́ yḛr ō, m̄-ndi i dan de gə̄ kə́ tadə́ i kə́ yḛr tə́ ō, kumḿ a̰a̰ mban̄g ń i Kɔ́ɔ̄ɓē kə́ bo kə́ tɔ́gən i ngá̰ý ní ō!

PĀ GƏ̄ 25:11

Kɔ́ɔ̄ɓē, i tām̄ yā rīí tə́ n ā ī-mā̰yń rɔ̄í dɔ yá̰á̰ kə́ gōtə́ aĺ yāḿ kə́ ngá̰ý tə́ ní?

Makətūbə̄ yā Job 42:6

Adə̄ m-á̰a̰ rɔ̄ḿ i yá̰á̰ kə́ majaĺ ngá̰ý tə́ ta kumḿ mə̄kɔ́ tə́ ō, m̄-mbātə́ najə̄ kɔrə̄ḿ mə̄kɔ́ ō. Adə̄ m̄-ndi kum bumbə́rú tə́ ō, kum bū tə́ ō.

2 KORḚNTƏ 7:11

Nə́ɓā un rɔ̄sí kə́ nel̄sí aĺ rāań kəla, ba ngɔlaā á̰a̰ī yá̰á̰ ń rɔ̄sí kə́ nel̄sí aĺ rāā ní! Rɔ̄sí ń nel̄sí aĺ ní ndḛḛ̄ kadə̄ ī-rāāī yá̰á̰ ń rāā yá̰á̰ ní i yá̰á̰ kógə̄ naā tə́ aĺ ō, údə ī-ndiī karī aĺ ō, banī ī-rɔ̄ɔ̄ī dɔ rɔ̄sí tə́. Rɔ̄sí ń nel̄sí aĺ ní rāā adə̄ wōn̄g rāāsí ngá̰ý ō, ɓōĺ rāāsí ngá̰ý ō, adə̄ ngur tél ka̰a̰m̄ gogə́ rāāsí ngá̰ý. Rāā adə̄ rɔ̄sí təngāsí loo rāā kəla tə́ ō, loo rāā deē yá̰á̰ kə́ tōr̄ tə́ tām̄ yá̰á̰ kə́ majaĺ kə́ ni-rāā tə́ ō. Sḭḭ̄ ɔ́jiī kə ta róbə́ kə́ tayā tayā gēé kadə̄ najə̄ gətóo dɔsí tə́ tū najə̄ ń noō tə́.

PĀ GƏ̄ 25:7

Yá̰á̰ kə́ majaĺ gə̄ ō, yá̰a̰ kə́ gōtə́ aĺ gə̄ ō ń m̄-rāā kə ngōn̄ dūúḿ ní, ī-lōō gír̄ dɔ tə́. Banī Kɔ́ɔ̄ɓē, ī-gír̄ dɔḿ tə́ tām̄ ḭ̄ i nge ra dɔ ndūí tə́, sɔɔ̄ń kem majə yāí.

MATIYE 9:13

Āw̄ ī-ndóōī kum najə̄ yā Nə́ɓā ń na, yá̰á̰ ń m̄-gḛy ní i rāā kem majə ba i-tɔ̄l̄ dā̰ tun̄ kadə̄m̄ alé ní. Tɔdɔ̄ m̄-reē i ɓāŕ de kə́ súmūú gə̄ tə́ alé, ba i ɓāŕ ngé rāā majaĺ gə̄ tə́.

EJEKIEL 16:63

Loo ń noō tə́ a əga kemií dɔ yá̰á̰ kə́ mān̄ kɔ̄ɔ́ tə́ ō, rɔ̄í a sɔlī najə̄n tə́ ō, ā ī-teē taí yā kɔrə̄ń najə̄ to̰ aĺ ō. Banī mā m-ā m̄-mā̰ȳ rɔ̄ḿ dɔ yá̰a̰ malang ń ī-rāā tə́ ní. Najə̄ ń Kɔ́ɔ̄ɓē Nə́ɓā əda ní n noó.

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

Najə̄ kə́ Majə yā Jeju ń Luk ndang ní 17:12

Ni a udə kə̄ kem ɓē kógə̄ḿ tə́ anī, ngé bānjə̄ gə̄ kutə teē a ɔjən̄ non. Nin̄-ndan̄ sa̰y,

DANIEL 9:5

jə-rāā yá̰á̰ kə́ gōtə́ aĺ gə̄, adə̄ j-əsō kɔ̄ɔ́ ō, jə-rāā kem ndul ō, jə-mbātə́ najə̄ ō, jə-tūr̄ gidəjí kɔ̄ɔ́ ta gō míndí gə̄ tə́ ō, ta yá̰a̰ gə̄ ń əda kadə̄ yā rāā tə́ ní ō.

PĀ GƏ̄ 130:7

*Israel, ə̄ndā kemií dɔ Kɔ́ɔ̄ɓē tə́ tɔdɔ̄ ni i nge kem majə. Ta róbə gə̄ kə́ kadə̄ ni gāngəń dɔí i ngá̰ý.

PĀ GƏ̄ 119:41

Kɔ́ɔ̄ɓē, yá̰a̰ gə̄ ń ī-rāā kə gō kem majə yāí ní ādə̄ reēn̄ kə̄ dɔḿ tə́. Ájəm̄ tītə̄ ń ə́dań ní.

PĀ GƏ̄ 106:6

Jə-rāā majaĺ tītə̄ yā kaají gə̄, jə-tɔ̄ɔ̄ róbə gōí tə́ kɔ̄ɔ́ adə̄ najə̄ i dɔjí tə́.

PĀ GƏ̄ 40:12

Ḭ̄ Kɔ́ɔ̄ɓē, kumií a o̰o̰ī tām̄ yāḿ tə́. Kem majə yāí ō, najə̄ kə́ rɔ̄kum yāí ō, a ngɔ̄mə̄mə̄n̄ kə ndɔ̄ gə̄.

2 YÁ̰A̰ GƏ̄ 33:23

Ni ger̄ majaĺ yān ta kum Kɔ́ɔ̄ɓē tə́ ō, rāān ɓɔ́ ō, tītə̄ yā bɔbə̄n Manase alé, banī rāā yá̰á̰ kə́ majaĺ tɔȳ dɔ yā bɔbə̄n ɓáý.

2 YÁ̰A̰ GƏ̄ 33:19

Ba najə̄ ń ɔr̄ kem ndɔ̄ȳ yān tə́ ō, loo koō ń Nə́ɓā oō ndūn ba rāā yá̰á̰ ń dəjen ní ō, yá̰á̰ kə́ majaĺ gə̄ malang ń ni-rāā ō, háĺ kə́ gōtə́ aĺ gə̄ ń rāā kə Nə́ɓāá ní ō, rī loo gə̄ ń ni-rāā loo ndɔ̄ȳ gə̄ tū tə́ ō, túdə̄ kāgə̄ ɓesə̄ kə́ yā ɓōĺ gidə gə̄ tū tə́ ō, túdə̄ yá̰á̰ kə́ tɔ́sə̄ ba rāādə́ kum gotə yá̰a̰ gə̄ tū tə́ ō, pá tá kadə̄ tél ger̄ yá̰a̰ rāān kə́ majaĺ gə̄ ta kum Kɔ́ɔ̄ɓē tə́ ní, ndangən̄ yá̰a̰ gə̄ ń noō malang i kem makətūbə̄ ń rīn na i kəla gə̄ ń Hojai rāā ní tə́.

2 SAMUEL 12:13

Dabid tél əda Natan na: m̄-rāā majaĺ kə Kɔ́ɔ̄ɓēé. Tā anī Natan əda Dabid na: Ré i beé ɓá anī Kɔ́ɔ̄ɓē əndā njan dɔ majaĺ yāí tə́ adə̄ ā óy alé.

IJAI 66:2

I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

MATIYE 6:5

Dan ń ā ī-ndɔ̄yī ní a, ī-rāāī tītə̄ yā ngé gól̄ loo gə̄ alé. Nel̄də́ ra kə njadə́ kə̄ dɔɔ́ kem kújə́ kán̄ naā gə̄ tə́ ō, ta gajə róbə gə̄ tə́ ō, yā ndɔ̄yń, kadə̄ de gə̄ a̰a̰n̄də́. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

MATIYE 10:3

Pilipə nin̄ kə Bartelemi ō, Toma nin̄ kə Matiye nge taā lambóo ō, Jakə kə́ ngōn̄ Alpe nin̄ kə Tade ō,

MARK 11:25

Ba loo ń ā ī-raī dɔɔ́ loo ndɔ̄ȳ tə́ ní, ré najə̄ kógə̄ḿ i mbo̰ō̰sí tə́ kə deē kógə̄ḿ anī, ī-mā̰yī rɔ̄sí dɔ tə́, yā kadə̄ Bɔbə̄sí kə́ dɔ rā̰ tə́ mā̰yń rɔ̄n dɔ majaĺ yāsí tə́ ō.

Najə̄ kə́ Majə yā Jeju ń Luk ndang ní 22:41

Gō tə́ anī, ndɔ́tə̄ rɔ̄də́ tə́ kɔ̄ɔ́ kə̄ sa̰y sḛ́ý, adə̄ dɔ dáńdə́ asə kadə̄ deē ənī kɔkərɔ anī əsō tū tə́, ba tétə̄ kejən nang tə́ a ndɔ̄ȳ əda na:

Teē Ngán Israel gə̄ 33:10

Ngán Israel gə̄ ń a̰a̰n̄ kil̄ man̄ ní ḭḭ ɔsən̄ nodə́ nang tə́ malang kə̄ ta kújə tandā yādə́ gə̄ tə́.