Najə̄ kə́ Majə yā Jeju ń Luk ndang ní 16:16 - Bible sar

¹⁶ *Ndū najə̄ yā Moijə ō, makətūbə̄ yā *ngé koō ta gə̄ ō, ton̄ bátə́ ugə̄ń ɓāl̄ yā Ja̰a̰ tə́. Ba əla gír ndɔ̄ nəkɔ́ ń noō tə́ ní, ənīn̄ mbēr̄ Najə̄ kə́ Majə kə́ dɔ *Ɓē ko̰o̰ yā Nə́ɓā tə́, adə̄ i ngé gə̄ ń a rɔ̄ɔ̄n̄ kə ngangāá ngá̰ý ní n a taān̄ ní.

Bibəl ta Sar̄

¹⁶ Ndū najə̄ yā Moijə ō, makətūbə̄ yā ngé koō ta gə̄ ō, ton̄ bátə́ ugə̄ń ɓāl̄ yā Ja̰a̰ tə́. Ba əla gír ndɔ̄ nəkɔ́ ń noō tə́ ní, ənīn̄ mbēr̄ Najə̄ kə́ Majə kə́ dɔ Ɓē ko̰o̰ yā Nə́ɓā tə́, adə̄ i ngé gə̄ ń a rɔ̄ɔ̄n̄ kə ngangāá ngá̰ý ní n a taān̄ ní.

Najə̄ kə́ Majə yā Jeju ń Luk ndang ní 16:16 Referans Kwoze

MATIYE 21:32

Tɔdɔ̄ Ja̰a̰ reē rɔ̄sí tə́ ɔjəsí róbə́ kə́ gōtə́, ba sḭḭ̄ ī-taāī kemən alé. Banī ngé táā lambóo gə̄ ō, dəyá̰ ájə́ba gə̄ ō, taān̄ kemən. Sḭḭ̄ á̰a̰ī kə kumsí gə̄gē, ba gō tə́ anī kemsí tūr̄ alé, adə̄ ī-taāī kem Ja̰a̰ alé.

JA̰A̰ 1:45

Pilipə ənge Natanayel anī ədan na: J-ənge nge ń ɔrə̄n̄ najə̄ yān kem makətūbə̄ *ndū najə̄ yā Moijə tə́ ō, kem makətūbə̄ yā *ngé koō ta gə̄ tə́ ō ní: I Jeju ngōn̄ Jəjep kə́ *Najaret.

Najə̄ kə́ Majə yā Jeju ń Luk ndang ní 16:31

Banī Abəraham tél ədan ɓáý to̰ na: Ré nin̄-oōn̄ ta Moijə ō, *ngé koō ta gə̄ ō aĺ anī, de kə́ rang, ká i kə́ ndól̄ dan de kə́ koy gə̄ tə́ gə̄gē anī, nin̄ a taān̄ kemən alé.

MATIYE 3:2

tɔdɔ̄ *Ɓē ko̰o̰ kə́ dɔ rā̰ tə́ reē ngɔr rɔ̄sí tə́.

KƏLA RĀĀ 3:18

Nə́ɓā əda kété kə ta kūl̄ *ngé koō ta gə̄ malang na *Kərist yān na a a̰a̰ tápə̄. I yá̰á̰ ń toō n ni-rāā adə̄ reē udə gírí ní.

Najə̄ kə́ Majə yā Jeju ń Luk ndang ní 16:29

Anī Abəraham ədan na: Najə̄ń Moijə ō, *ngé koō ta gə̄ ō ndangən̄ ní i jīdə́ tə́ noō, ādə̄ nin̄-rāān̄ yá̰á̰ ń əda ní!

Najə̄ kə́ Majə yā Jeju ń Luk ndang ní 10:11

Bumbə́rú kə́ kem ɓē yāsí tə́ gə̄gē ń əhɔ njají ní jə-*gógə̄ j-adə̄sí gogə́. Ba yá̰á̰ ń kadə̄ ī-gerī ní n toó: *Ɓē ko̰o̰ yā Nə́ɓā reē ugə̄ rɔ̄sí tə́.

Najə̄ kə́ Majə yā Jeju ń Luk ndang ní 10:9

Ī-tɔ̄lī mo̰y dɔ de kə́ kemeé gə̄ tə́ ba ə́daīdə́ na: *Ɓē ko̰o̰ yā Nə́ɓā reē bátə́ ugə̄ rɔ̄də́ tə́.

MATIYE 4:17

Loo ń noō tə́ Jeju əla gír kɔjə de gə̄ najə̄, ədadə́ na: Ī-tūrī háĺsí, tɔdɔ̄ *Ɓē ko̰o̰ kə́ dɔ rā̰ tə́ i ngɔr.

Najə̄ kə́ Majə yā Jeju ń Luk ndang ní 9:2

Gō tə́ anī ni-əladə́ kənī mbēr̄ najə̄ kə́ dɔ *Ɓē ko̰o̰ yā Nə́ɓā tə́ ō, tɔ̄l̄ mo̰y tə́ dɔ de gə̄ tə́ ō.

MARK 1:14

Kutə̄ gō ń əlan̄ Ja̰a̰ jī de gə̄ tə́ ní, Jeju reē Galile.

MATIYE 10:7

Loo ń ā āwī anī ɔ́jiī de gə̄ najə̄ kə gō róbó dɔɔ́ dɔɔ́, ə́daīdə́ na *Ɓē ko̰o̰ kə́ dɔ rā̰ tə́ na reē rɔ̄də́ tə́ ngɔr.

JA̰A̰ 12:19

Anī *Parijiyḛ gə̄ ədan̄ naā dɔ dáńdə́ tə́ na: Á̰a̰ī tā waḿ, sḭḭ̄ ī-rāāī yá̰á̰ kógə̄ḿ alé, de gə̄ malang aw̄n̄ i gōn tə́!

JA̰A̰ 11:48

Ré j-əya̰niī beé anī, de gə̄ malang a taān̄ kemən. Anī Rom gə̄ a reēn̄ yā nujə *loo kə́ táĺ yājí ō, de gə̄ yājí ō.

MARK 1:45

Banī, loo ń deē ní teē ndágá anī, əla gír kənī mbēr̄ dɔ yá̰á̰ ní tə́ kə̄ dɔɔ́ ngá̰ý ō, rāā adə̄ de gə̄ oōn̄ kə̄ loo gə̄ tə́ ō, adə̄ Jeju asə kudə kem ɓē bo kógə̄ḿ tə́ wáńg to̰ alé. Ni-ndi ndágá ndágə loo ń de gə̄ ndin̄ tū tə́ aĺ tə́ ní ba de gə̄ ḭḭn̄ kə̄ loo gə̄ tə́ malang, reēn̄ rɔ̄n tə́.

MATIYE 4:23

Jeju un gō nang kə́ Galile malang, a ndóō de gə̄ yá̰a̰ kem kújə́ kán̄ naā yādə́ gə̄ tə́ ō, a ənī mbēr̄ Najə̄ kə́ Majə kə́ dɔ Ɓē ko̰o̰ tə́ ō, rāā adə̄ rɔ̄ ngé mo̰y kə́ tayā tayā gə̄ malang ngáā ō, rāā adə̄ rɔ̄ de kə́ nujə gə̄ malang tél majə gogə́ ō, dan ngán *Israel gə̄ tə́.

MATIYE 15:11

I yá̰á̰ ń udə ta deē tə́ ní n a rāā deē kadə̄ tél de kə́ yḛr ní alé, ba i yá̰á̰ ń a teē tan tə́ kə̄ ndágá ní n a rāān kadə̄ ni-tél de kə́ majaĺ tákə̄n ní.

JA̰A̰ 5:4

Tɔdɔ̄ *de kə́ dɔ rā̰ tə́ yā Kɔ́ɔ̄ɓē a jə̄ngā kum man̄ kə́ kem gár̄ man̄ ní tə́ dan kə́rēý gə̄ tə́ yā pukə́tū man̄ ní. Ba nge mo̰y ń risə kum tə́ kété loo ń man̄ ḭḭ pukətu pukətu ní, ká mo̰y yān i mo̰y kə́ ba̰ý gə̄gē anī, rɔ̄n a ngáā.