Najə̄ kə́ Majə yā Jeju ń Luk ndang ní 13:11 - Bible sar

¹¹ Anī dəyá̰ kógə̄ḿ kə́ ndíĺ kə́ majaĺ i kemən tə́ rāā ɓāl̄ kutə gidə i sɔ́sɔ́ ndi kem kújə́ ní tə́. Ndíĺ ní rugən kɔ̄kə́ adə̄ ni-asə kɔr̄ tan dɔɔ́ sḛ́ý aĺ bátə́.

Bibəl ta Sar̄

¹¹ Anī dəyá̰ kógə̄ḿ kə́ ndíĺ kə́ majaĺ i kemən tə́ rāā ɓāl̄ kutə gidə i sɔ́sɔ́ ndi kem kújə́ ní tə́. Ndíĺ ní rugən kɔ̄kə́ adə̄ ni-asə kɔr̄ tan dɔɔ́ sḛ́ý aĺ bátə́.

Najə̄ kə́ Majə yā Jeju ń Luk ndang ní 13:11 Referans Kwoze

Najə̄ kə́ Majə yā Jeju ń Luk ndang ní 8:2

dəyá̰ kə́rēý gə̄ ń ni-taādə́ jī ndíĺ kə́ majaĺ gə̄ tə́ əya̰də́ dɔɔ́ ō, tɔ̄l̄ mo̰y dɔdə́ tə́ ō ní nin̄ i seneé. Dəyá̰ gə̄ ní i Mari ń ɓāŕnən̄ na i Mari kə́ Magədala, á ndíĺ kə́ majaĺ gə̄ sīrí teēn̄ kemən tə́ ní ō,

Najə̄ kə́ Majə yā Jeju ń Luk ndang ní 13:16

Ba ngōn̄ Abəraham kə́ dəyá̰ ń toō ń *Sətan do̰ō̰n rāā ɓāl̄ kutə gidə i sɔ́sɔ́ ní tá kə yā tútən ndɔ̄ *sabat tə́ aĺ a?

Najə̄ kə́ Majə yā Jeju ń Luk ndang ní 8:27

Dan ń Jeju risə kem toó kə̄ nang tə́ anī, deē kógə̄ḿ kə́ kem ɓēé, kə́ ndíĺ kə́ majaĺ gə̄ i kemən tə́ tə́nī tan. Deē ní o̰ō̰ kūbə̄ aĺ i jóó ngá̰ý ō, ndi kem kújú alé banī a to i kə̄ kem bāá ɓádə gə̄ tə́ ō.

PĀ GƏ̄ 6:2

Kɔ́ɔ̄ɓē, ī-lōō kəndam̄ kə wur katāá! Ī-lōō kəndam̄ kə wōngōó!

KƏLA RĀĀ 4:22

Deē ngeé ń toō ń njan ndájə̄ kanjə̄ kadə̄ deē ger̄ loon ní, ɓālə̄n mān̄ kutə sɔ́.

Najə̄ kə́ Majə yā Jeju ń Luk ndang ní 8:43

Anī dəyá̰ kógə̄ḿ kə́ mósə téēn dan gān̄g aĺ ɓāl̄ kutə gidə i jōó i noó. Yá̰a̰ kənge yān udə gír doktór gə̄ tə́ malang ō, nge kógə̄ḿ sḛ́ý kə́ asə rāā seneé gətóo ō.

MARK 9:21

Jeju dəje bɔbə̄ ngōn̄ ní na ké yá̰á̰ ní əla gír seneé i rə́ngáý tə́ wa. Anī bɔbə̄ ngōn̄ ní tél ədan na: I kə ngōn̄ dūúneé.

PĀ GƏ̄ 146:8

Kɔ́ɔ̄ɓē teē kum ngé kum tɔ̄ɔ̄ gə̄ ō, Ni-əhɔ ngé gə̄ ń nōrə̄n̄ ní kə̄ dɔɔ́ ō. Kɔ́ɔ̄ɓē tár de kə́ súmūú gə̄ ō.

KƏLA RĀĀ 3:2

Anī de gə̄ reēn̄ kə de kə́ nge nja lígə̄rī kógə̄ḿ kə́ teēń kem kó̰o̰n tə́, əndānən̄ ta róbə́ kə́ yā kudəń kə̄ kem *kújə yā Kɔ́ɔ̄ɓē tə́ ń a ɓārə́n̄ na i kə́ to ro̰ ní tə́. A əndānən̄ tū tə́ i kə dɔ ndɔ̄ gə̄ kadə̄ gəde yá̰a̰ jī de gə̄ ń a udən̄ kə̄ kem *kújə yā Kɔ́ɔ̄ɓē tə́ ní.

PĀ GƏ̄ 42:5

Əga kemḿ dɔ yá̰a̰ gə̄ ń toō tə́ anī kemḿ əgam̄ biting. Kété m̄-njə̄rā no kósə de kə́ ngá̰ý gə̄ tə́, m-ɔ́r nodə́ bátə́ m-āw̄ sedə́ kújə yā Nə́ɓā tə́. I kósə́ ngé rāā nāā gə̄ kə́ a əgan̄ i kɔŕ rɔ̄nel̄ dɔ Nə́ɓā tə́ ō, a ɓōkə́n̄ i Nə́ɓā tɔ̄ȳ ō.

PĀ GƏ̄ 38:6

Do kə́ rɔ̄ḿ tə́ gə̄ a̰ȳn̄ wī, otən̄ ndum rḭḭ, ba nge ń noō sɔɔ̄ń i mbóo yāḿ mə̄kɔ́.

Makətūbə̄ yā Job 2:7

Loo ń noō tə́ nge sekə́ de gə̄ ɔtə kɔ̄ɔ́ ta kum Kɔ́ɔ̄ɓē tə́. Ni-ənī mo̰y bānjə̄ kógə̄ḿ kə́ majaĺ ngá̰ý dɔ Job tə́. Mo̰y ní əla gír i da njan tə́ bátə́ jam dɔn tə́.

PĀ GƏ̄ 145:14

Kɔ́ɔ̄ɓē əhɔ ngé gə̄ malang ń a tə́sōn̄ ní kə̄ dɔɔ́. Ni-əhɔ ngé gə̄ malang ń a nōrə̄n̄ ní kə̄ dɔɔ́.

MATIYE 4:23

Jeju un gō nang kə́ Galile malang, a ndóō de gə̄ yá̰a̰ kem kújə́ kán̄ naā yādə́ gə̄ tə́ ō, a ənī mbēr̄ Najə̄ kə́ Majə kə́ dɔ Ɓē ko̰o̰ tə́ ō, rāā adə̄ rɔ̄ ngé mo̰y kə́ tayā tayā gə̄ malang ngáā ō, rāā adə̄ rɔ̄ de kə́ nujə gə̄ malang tél majə gogə́ ō, dan ngán *Israel gə̄ tə́.

Najə̄ kə́ Majə yā Jeju ń Luk ndang ní 13:12

Dan ń Jeju a̰a̰n anī, ɓārə́n əda na: Dəyá̰, á̰a̰ā̰, ngɔlaā ní gír nujə yāí gān̄g kɔ̄ɔ́.

Najə̄ kə́ Majə yā Jeju ń Luk ndang ní 21:28

Dan ń yá̰a̰ gə̄ ń noō a əlan̄ gír rāā yá̰á̰ ní anī, ḭ́ḭī dɔ rɔ̄sí tə́, ba ɔ̄rī dɔsí dɔɔ́, tɔdɔ̄ ndɔ̄ kə́ yā kadə̄ a gāngə̄n̄neé dɔsí i ngɔr.