Najə̄ kə́ Majə yā Jeju ń Luk ndang ní 12:42 - Bible sar

⁴² Kɔ́ɔ̄ɓē tél ədan na: Nge kəla kə́ nge ra dɔ ndūn tə́ ō, kə́ nge kum kedə̄ ō, kə́ kadə̄ kɔ́ɔ̄n əndān dɔ deē yān gə̄ tə́ kadə̄ ré kum mbang asə anī adə̄də́ kōō kə kum mbangneé ní i náā?

Bibəl ta Sar̄

⁴² Kɔ́ɔ̄ɓē tél ədan na: Nge kəla kə́ nge ra dɔ ndūn tə́ ō, kə́ nge kum kedə̄ ō, kə́ kadə̄ kɔ́ɔ̄n əndān dɔ deē yān gə̄ tə́ kadə̄ ré kum mbang asə anī adə̄də́ kōō kə kum mbangneé ní i náā?

Najə̄ kə́ Majə yā Jeju ń Luk ndang ní 12:42 Referans Kwoze

HEBƏRO 13:17

Ōōī najə̄ ta nge kɔr no ngé kán̄ naā gə̄ ō, ə́laī dɔsí gír tɔ́gə yādə́ tə́ ō. Tɔdɔ̄ nin̄-əndān̄ kumdə́ gíŕsí tə́ tām̄ a ɔjən̄ Nə́ɓā gotə. Ré ōōī tadə́ anī, a rāān̄ kəla kə rɔ̄nelēé. Ré i beé aĺ anī a nōōn̄ i rɔ̄də́ n a rāān̄neé, ba ngé ń noō a teēsí yá̰á̰ tə́ alé.

HEBƏRO 13:7

Ādə̄ əga kemsí dɔ nge kɔr no ngé kán̄ naā gə̄ yāsí á ɔjən̄sí najə̄ yā Nə́ɓā ní. Ə̄ndāī ma̰ȳ loo ndidə́ dɔ nang tə́ laā ō, ta ngóýdə́ ō, ba ī-ndájī taā kem yādə́.

2 TIMOTE 4:2

kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

1 TIMOTE 5:17

Kum kɔɔ̄ gə̄ ń ɔrən̄ no loo kán̄ naā majə ní, ādə̄ de gə̄ adə̄n̄də́ yá̰á̰ kəndā nja yādə́ loo nja kə́ jōó tə́. Ba kə́ ngá̰ý ɓáa i ngé gə̄ ń əndān̄ rɔ̄də́ ta kəla kə́ ɔȳ ngá̰ý tə́, adə̄ i ta kəla kɔjə najə̄ tə́ ō, ndóō de gə̄ yá̰a̰ tə́ ō ní.

1 PIYER 4:10

Yá̰a̰ gə̄ ń Nə́ɓā adə̄ ní, sḭḭ̄ i ngé kəndā kumsí gírí majə gə̄. Adə̄ majə kadə̄ sḭḭ̄ kógə̄ḿ kógə̄ḿ ní, úniī yá̰á̰ kə́ sɔɔ̄ dɔsí sḭḭ̄ kɔ́ gə̄ ń Nə́ɓā adə̄sí ní ī-rāāīneé majə kə madə̄sí gēé.

TITƏ 1:7

Nge kɔr no ngé kán̄ naā gə̄ ń i de kə́ əndān̄ dɔn tə́ kadə̄ əndā kumən gír yá̰a̰ gə̄ yā Nə́ɓā tə́ ní, majə kadə̄ ni i de kə́ najə̄ gətóo dɔn tə́. Adə̄ ni i de kə́ nge kídə̄ deē aĺ ō, nge wōn̄g aĺ ō, nge ka̰ȳ yá̰a̰ aĺ ō, de kə́ nge sāā nar kə ta róbə́ kə́ gō tə́ aĺ aĺ ō.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

MATIYE 20:8

Loo tíbí anī kɔ́ɔ̄ ndɔr̄ ní əda pajā yān na kə ɓāŕ ngé kəla gə̄ kə adə̄də́ nar yādə́. Kə əla gír dɔ ngé gə̄ ń reēn̄ gō gogə́ ní tə́, ba kə tɔ̄l̄ ta dɔ ngé kə́ kété gə̄ tə́.

EJEKIEL 34:3

Sḭḭ̄ ā̰yī mba batə̄ gə̄ ō, ə́jaī bḭḭ̄də́ ī-rāāiń kūbə̄ ə́laī rɔ̄sí tə́ ō, sḭḭ̄ ī-tɔ̄lī yá̰a̰ kul̄ kə́ bo tɔȳ madə̄ gə̄ kɔ̄ɔ́ ō. Banī sḭḭ̄ á̰a̰ī gō batə̄ gə̄ alé.

IJAI 50:4

Kɔ́ɔ̄ɓē Nə́ɓā ndóōm̄ yá̰á̰ ń sɔɔ̄ kadə̄ m-ə́da yā kəlań go̰ kem deē ń tɔ́gən gətóo kɔ̄ɔ́ tə́ ní. Ni ndólə̄m̄ dɔ ɓīī tə́ dəloí kə dɔ ndɔ̄ gə̄, yā kadə̄ m-ōō loo tītə̄ ngōn̄ nge ndoō kə́ majə beé.

Gōsə̄ najə̄ gə̄ 15:23

Rɔ̄nel̄ i kə deē ń tūr̄ najə̄ əda kə taneé ní! Najə̄ kə́ kəda kə kum mbangneé i yá̰á̰ kə́ majə ngá̰ý!

HEBƏRO 3:5

Kə́ tām̄ yā Moijə tə́ ɓáa, ni-ra dɔ ndūn tə́ kem kújə yā Nə́ɓā tə́ kə taá malang. Ni i nge rāā kəla ō, ni i de kə́ kum tə́ yā najə̄ ń Nə́ɓā a rāā yā kəda ní ō.

1 TIMOTE 3:15

Ba ré m-ɔ́r bā̰ā̰ ɓáý anī, i beé n ā ī-gerə̄ń háĺ kə́ yā rāā kem kújə yā Nə́ɓā tə́ ní. Kújə́ ní i Egəlijə yā Nə́ɓā kə́ ndi kə kumneé. I nin̄ malang n i ngé kəhɔ najə̄ kə́ rɔ̄kum dɔɔ́ ō, ngé kɔsə kíl najə̄ kə́ rɔ̄kum ō ní.

Najə̄ kə́ Majə yā Jeju ń Luk ndang ní 7:13

Dan ń Kɔ́ɔ̄ɓē a̰a̰n anī kumən o̰o̰n seneé, adə̄ ədan na kə lōō nōō.

MATIYE 13:52

Loo ń noō tə́ Jeju ədadə́ na: I beé ní, náā nəkɔ́ ń i nge ndóō de gə̄ ndū najə̄ tá tél nge ndóō yá̰á̰ kə́ dɔ *Ɓē ko̰o̰ kə́ dɔ rā̰ tə́ ní, ni i tītə̄ kɔ́ɔ̄ kújə́ kə́ a ɔr̄ yá̰á̰ kə́ kijə gə̄gē, kə́ jóo gə̄gē, dan yá̰a̰ kənge yān kə́ gātə̄n i ngá̰ý tə́ beē.

JEREMI 23:4

M-ā m-ādə̄də́ ngé kul̄ yá̰a̰ gə̄ kadə̄ a aw̄n̄ sedə́ ko̰ó̰. A ɓōlə́n̄ to̰ aĺ ō, yá̰a̰ a a̰ȳ ndíĺdə́ to̰ aĺ ō, ta kógə̄ḿ a tḭ̄ḭ̄ aĺ ō. Najə̄ ń Kɔ́ɔ̄ɓē əda ní n noó.

Gōsə̄ najə̄ gə̄ 27:18

Deē ń a̰a̰ gō kāgə̄ kótə̄ yān ní a əsa kanə̄n gə̄. Nge kəla ń a̰a̰ gō kɔ́ɔ̄n ní a rɔȳnən̄.

Gōsə̄ najə̄ gə̄ 31:15

Ni-ḭḭ dɔɔ́ pá tá kadə̄ loo tīī, yā ndīr̄ yá̰á̰ kə́ tām̄ yā de kə́ kem kújə yān tə́ gə̄ ō, yā kɔjə ngé kəla yān kə́ dəyá̰ gə̄ kəla kə́ kadə̄ rāān̄ ō.

Najə̄ kə́ Majə yā Jeju ń Luk ndang ní 7:19

əladə́ rɔ̄ Kɔ́ɔ̄ɓē tə́ kadə̄ aw̄ dəjenən̄ na ké i ni n i deē ń kadə̄ reē ní aké kə n-ngóōn̄ i de kə́ rang ɓáý wa.

Najə̄ kə́ Majə yā Jeju ń Luk ndang ní 12:43

Ré kɔ́ɔ̄ nge kəla ní tél ba əngen loo rāā kəla ngeé ń toō tə́ anī, yā nge kəla ni i rɔ̄nel̄!

Teē Ngán Israel gə̄ 36:4

kɔdə̄ gə̄ malang ń əndān̄ rɔ̄də́ ta kəla gə̄ tə́ yā rāań *loo kə́ táĺ ní əya̰n̄ ta kəla yādə́ gə̄ kógə̄ḿ kógə̄ḿ,

Gōsə̄ najə̄ gə̄ 12:8

Tɔ̄ȳn̄ deē i najə̄ ngáā yān tə́, banī de kə́ hálən nujə kɔ̄ɔ́ i de kə́ de gə̄ a kídə̄nən̄.