Najə̄ kə́ Majə yā Jeju ń Luk ndang ní 12:16 - Bible sar

¹⁶ Loo ń noō tə́ ni-un kūjə́ najə̄ kógə̄ḿ, ədadə́ na: Dɔ nang yā de kə́ nge yá̰a̰ kənge kógə̄ḿ teēn kōō ngá̰ý.

Bibəl ta Sar̄

¹⁶ Loo ń noō tə́ ni-un kūjə́ najə̄ kógə̄ḿ, ədadə́ na: Dɔ nang yā de kə́ nge yá̰a̰ kənge kógə̄ḿ teēn kōō ngá̰ý.

Najə̄ kə́ Majə yā Jeju ń Luk ndang ní 12:16 Referans Kwoze

OJEE 2:8

I tām̄ najə̄ ń noō tə́ n mā Kɔ́ɔ̄ɓē m-ā m̄-də̄sə́ yá̰á̰ róbən tə́ ní, m-ā m-dēsə́ túpə kōn̄ gə̄ róbən tə́. M-ā m-ə̄ndā ndogə̄ mbal̄ yā gīrəń gidən ō, ni a ənge ta róbə yān to̰ aĺ ō.

PĀ GƏ̄ 73:12

Ngé rāā yá̰a̰ gōtə́ aĺ gə̄ ní á̰a̰īdə́, nin̄ ndin̄ majə kə dɔ ndɔ̄ gə̄ ō, rāān̄ adə̄ yá̰a̰ kənge yādə́ reē kə̄ dɔ madə̄ tə́ ō.

PĀ GƏ̄ 73:3

Tɔdɔ̄ m-ə̄ndā ngé kənda gɔgərɔdə́ gə̄ nii, dan ń m-á̰a̰ kadə̄ yá̰a̰ malang ń ngé kem ndul gə̄ rāān̄ ní teēdə́ yá̰á̰ tə́ ní.

Makətūbə̄ yā Job 12:6

De kə́ ngé rāā yá̰a̰ majaĺ gə̄ ndin̄ loo yādə́ kanjə̄ sōl̄ yá̰á̰ kógə̄ḿ kə̄ kem kújə tandā yādə́ gə̄ tə́. Ngé sāā ta Nə́ɓā gə̄ ndin̄ loo yādə́ kanjə̄ kadə̄ yá̰á̰ kógə̄ḿ rāādə́: tɔ́gə́də́ ngóy n i nə́ɓā kə́ rɔ̄kum aĺ ń nin̄ gerə̄n̄ ní ngóy.

KƏLA RĀĀ 14:17

Ɓá tā ba ni-əya̰də́ kanjə̄ kədadə́ najə̄ kə́ kum tə́ kə́ dɔ rāā majə yān tə́ alé. Tām̄ ni-adə̄sí man̄ kə́ dɔ rā̰ tə́ ō, ɓāl̄ gə̄ kə́ kōō gə̄ teēn̄ tū tə́ ngá̰ý ō, adə̄sí yá̰a̰ kəsa kə́ ə́saī adə̄ ndān̄ kemsí ō, rāā adə̄ kemsí nel̄sí ngá̰ý ō.

MATIYE 5:45

yā kadə̄ ī-téliīneé ngán Bɔbə̄sí ń ndi dɔ rā̰ tə́ ní. Tɔdɔ̄ ni-rāā adə̄ mbang yān əɓa dɔ ngé kem ndul gə̄ tə́ ō, dɔ ngé kem majə gə̄ tə́ ō. Ni-rāā man̄ adə̄ edə dɔ de kə́ súmūú gə̄ tə́ ō, dɔ de kə́ súmūú aĺ gə̄ tə́ ō.

EJEKIEL 16:49

Yá̰á̰ kə́ gōtə́ aĺ gə̄ ń Sodom nin̄ kə ɓē kə́ kadən tə́ gə̄ rāān̄ ní n toó: Nin̄ ɔjən̄ rɔ̄də́ ō, əsan̄ yá̰a̰ adə̄ al̄ kemdə́ ō, usədə́ yá̰a̰ aĺ ō, rāān̄ kə ngé ndoō gēé aĺ ō, kə ngé rɔ̄ tō ndoō gēé aĺ ō.

MATIYE 13:8

Kumən kə́rēý gə̄ tə́sōn̄ i nang kə́ majə tə́, adə̄ ɔrə̄n̄ dɔdə́ ō, edə̄n̄ kum ngá̰ý ō. Dɔn kə́rēý gə̄ edən̄ kum ɓú kógə̄ḿ ō, ngé kə́rēý gə̄ kutə mehḛ́ ō, kə́rēý gə̄ kutə mətá ō. Gō tə́ anī Jeju əda na:

Najə̄ kə́ Majə yā Jeju ń Luk ndang ní 12:15

Gō tə́ anī əda de gə̄ malang na kə əndān̄ kum kedə̄ dɔ rɔ̄də́ tə́ majə najə̄ yā kum ndaa yá̰á̰ tə́. Tām̄ ká yá̰a̰ kənge yā deē i ngá̰ý gə̄gē, i yá̰a̰ kənge n i nge rāā kadə̄ deē ndi kə kumneé ní alé.

Najə̄ kə́ Majə yā Jeju ń Luk ndang ní 12:17

Anī deē ní dəje rɔ̄n najə̄ əda na: Loo kə́ kadə̄ m̄-kánəń kōō yāḿ malang gətóo ní kə m̄-rāā i ba̰ý tā?

Makətūbə̄ yā Job 24:23

Ɓá tā ba Nə́ɓā əya̰n adə̄ ra ngan̄g ō, ndi loo yān jəke kanjə̄ sōl̄ yá̰á̰ kógə̄ḿ ō, banī ni-əndā kumən gíŕ hál de kə́ rang gə̄ tə́.