Najə̄ kə́ Majə yā Jeju ń Luk ndang ní 10:7 - Bible sar

⁷ Ī-ndiī kem kújə́ ní tə́. Yá̰a̰ kəsa ń a adə̄n̄sí kemeé ní ə́saī ō, yá̰á̰ kə́ yā ka̰ȳ ń a adə̄n̄sí kemeé ní ā̰yī ō. Tɔdɔ̄ majə kadə̄ de kə́ nge rāā kəla ənge yá̰a̰ kəndā nja yān. Ī-lōōī rāā ɓē mbā jōó.

Bibəl ta Sar̄

⁷ Ī-ndiī kem kújə́ ní tə́. Yá̰a̰ kəsa ń a adə̄n̄sí kemeé ní ə́saī ō, yá̰á̰ kə́ yā ka̰ȳ ń a adə̄n̄sí kemeé ní ā̰yī ō. Tɔdɔ̄ majə kadə̄ de kə́ nge rāā kəla ənge yá̰a̰ kəndā nja yān. Ī-lōōī rāā ɓē mbā jōó.

Najə̄ kə́ Majə yā Jeju ń Luk ndang ní 10:7 Referans Kwoze

2 TIMOTE 2:6

I nge ndɔr̄ ń rāā kəla ngá̰ý ní n i nge kənge kōō ndɔrə̄n kété ní.

GALATƏ 6:6

Ādə̄ deē ń ndóōnən̄ yá̰á̰ ní, kēgə̄ yá̰a̰ yān gə̄ malang adə̄ nge ndóōn yá̰a̰.

Najə̄ kə́ Majə yā Jeju ń Luk ndang ní 9:4

Kújə́ kə́ rá nəkɔ́ ń ā údiī kemeé ní, ī-ndiī tū tə́ bátə́ kadə̄ ḭ́ḭīneé mbā.

MARK 6:10

Tā anī ədadə́ na: Kújə́ kə́ rá gə̄gē ń ā údiī tū tə́ ní, ā ī-ndiī tū tə́ bátə́ kadə̄ ḭ́ḭīneé loo ń noō tə́.

1 TIMOTE 5:13

Tá ɓáý to̰ ní, dan ń yá̰á̰ kə́ yā kadə̄ nin̄-rāān̄ gətóó ní, kəla rāādə́ i njə̄rā kaw̄ kə̄ ta de gə̄ tə́, kə̄ kem kújə gə̄ tə́. Ba kə́ majaĺ tɔȳ nge ń noō ní, nin̄ i ngé najə̄ wa gə̄ ō, ngé ger̄ kəhɔ tadə́ dɔ najə̄ tə́ aĺ gə̄ ō, ngé kɔr̄ najə̄ kə́ ndetədə́ aĺ gə̄ ō.

KƏLA RĀĀ 16:34

Ni-aw̄ kə Pol ō, Silas ō kem kújə yān tə́ ba adə̄də́ yá̰a̰ kadə̄ əsan̄. Rɔ̄ dəngam ní ō, ngéén gə̄ ō, nel̄də́ ngá̰ý najə̄ taā ń nin̄-taān̄ kem Nə́ɓā tə́ ní.

KƏLA RĀĀ 16:15

Dan ń rāānən̄ *batém naā tə́ kə ngéén gēé oy anī, mēr̄jí kaw̄ looneé, ni-ədají na: Ré á̰a̰ī kadə̄ m̄-taā kem Kɔ́ɔ̄ɓē rɔ̄kum anī, ī-reē ī-ndiī looḿ. Ni-ɔsə sejí ta kaw̄ looneé.

NDŪ NAJƏ̄ 12:12

Ā ī-rāāī rɔ̄nel̄ ta kum Kɔ́ɔ̄ɓē Nə́ɓā yāsí tə́ kə ngáńsí kə́ dəngam gə̄ ō, kə́ dəyá̰ gə̄ ō, kə ngé rāā kəla yāsí gə̄ kə́ dəngam gə̄ ō, kə́ dəyá̰ gə̄ ō, naā tə́ kə *ngán Lebi gə̄ ń ndin̄ kem ɓē yāsí gə̄ tə́ ní, tām̄ nin̄ əngen̄ dɔ nang yādə́ dɔ dáńsí tə́ alé.

KƏLA RĀĀ 16:40

Dan ń Pol nin̄ kə Silas teēn̄ kújə dəngáyá anī, aw̄n̄ ɓē Lidə. Nin̄-a̰a̰n̄ ngákó̰ó̰də́ gə̄ ō, ɔjə̄n̄də́ ō, tá kadə̄ aw̄n̄ ɓáý.

Najə̄ kə́ Majə yā Jeju ń Luk ndang ní 10:6

Ré deē kógə̄ḿ kə́ nge ndigə kem sɔl̄ lɔm yā Nə́ɓā i kem kújə́ ní tə́ anī, lápə́ya yāsí a adə̄n kem sɔl̄. Ba ré i beé aĺ anī kem sɔl̄ yāsí a tél yā reē rɔ̄sí tə́ gogə́.

TƏ́DA 18:31

Loo kə́ rāā gə̄gē ā ə́saī yá̰a̰ gə̄ ní tū tə́ kə ngéésí gēé karī, tɔdɔ̄ i kəgā yāsí kə́ tām̄ yā kəla ń ī-rāāī kem *kújə kənge naā tə́ ní.

NDŪ NAJƏ̄ 18:8

Yá̰a̰ kəsa ń nin̄ malang a əngen̄ kə́ dɔ yá̰a̰ kənge yādə́ gə̄ ń nin̄ kógə̄ḿ kógə̄ḿ əngen̄ gíŕ yá̰a̰ yā bɔbə̄də́ gə̄ ń gātə̄n̄neé tə́ ní, a asə naā malang.