Najə̄ kə́ Majə yā Jeju ń Luk ndang ní 1:54 - Bible sar

^54-55 Ni-ənī míndən yā rāā kem majə kə kaají gēé, yā rāā kem majə ngándáńg kə Abəraham ō, ngánən gə̄ ō, ngán kaan gə̄ ō. Əga kemən dɔ kem majə yān ní tə́, adə̄ ni-rāā kə ngán *Israel gə̄ ń i ngé kəla yān gə̄ ní.

Bibəl ta Sar̄

^54-55 Ni-ənī míndən yā rāā kem majə kə kaají gēé, yā rāā kem majə ngándáńg kə Abəraham ō, ngánən gə̄ ō, ngán kaan gə̄ ō. Əga kemən dɔ kem majə yān ní tə́, adə̄ ni-rāā kə ngán Israel gə̄ ń i ngé kəla yān gə̄ ní.

Najə̄ kə́ Majə yā Jeju ń Luk ndang ní 1:54 Referans Kwoze

PĀ GƏ̄ 98:3

Əga kemən dɔ kem majə yān kə́ rāā kə ngán *Israel gēé tə́ ō, dɔ ra kə́ ni-ra dɔ ndūn tə́ sedə́ ō. De gə̄ ń ndin̄ ta kaw̄ kə̄ ta ngóy dɔ nang tə́ nú ní a̰a̰n̄ Nə́ɓā yājí loo tetə rɔ̄ɔ̄ tə́.

MISE 7:20

De gə̄ kə́ kem kojə yā Jakob tə́ ní, ā ɔ́jə́də́ kadə̄ ḭ̄ i de kə́ nge ra dɔ ndūí tə́ ō, de gə̄ kə́ kem kojə yā Abəraham tə́ ní, ā ɔ́jə́də́ kadə̄ ḭ̄ i de kə́ nge əhɔ *madə̄ naā ō, tītə̄ ń ī-túbə ə̄niń ndūí ādə̄ kaají gə̄ kété ní.

IJAI 44:21

*Israel, gír de gə̄ yā Jakob, ādə̄ əga kemií dɔ yá̰á̰ ń toō tə́: Ḭ̄ i nge kəla yāḿ. Mā m̄-rāāī i yā kadə̄ ī-rāā ādə̄m̄. Israel, dɔḿ ndígə̄nalií alé.

JEREMI 31:20

*Epəraim i ngōn̄ kó tár tām̄ yāḿ mā tə́ a? I ngōn̄ kə́ nelə̄m̄ seneé ngá̰ý a? Kə ndɔ̄ gə̄ ré m-ɔ̄r̄ najə̄ yān anī, rīn reē tamḿ tə́ kə̄ nja naā tə́. Kemḿ tōrə̄m̄ najə̄ yān tə́. Kumḿ o̰o̰m̄ seneé ba tél o̰o̰m̄ ɓáý to̰. Najə̄ ń Kɔ́ɔ̄ɓē əda ní n noó.

JEREMI 31:3

Kɔ́ɔ̄ɓē ndɔ̄bə̄m̄ sa̰y adə̄ m-á̰a̰n, ni ədam̄ na: m̄-táriī i kə táŕ kə́ a to ngándáńg. m̄-ndɔ́rī kə̄ rɔ̄ḿ tə́ i tām̄ ra kə́ m̄-rā dɔ ndūḿ tə́.

PĀ GƏ̄ 46:5

Banī bā kógə̄ḿ i noó kə́ ta jīn kə́ tɔ̄ɔ̄ gə̄ rāān̄ adə̄ rɔ̄ de kə́ kem ɓē yā Nə́ɓā tə́ gə̄ nel̄də́, adə̄ rɔ̄ de kə́ kem *loo kə́ táĺ ngá̰ý yā Nə́ɓā kə́ dɔɔ́ sa̰y ngá̰ý tə́ gə̄ nel̄də́.

Najə̄ kə́ Majə yā Jeju ń Luk ndang ní 1:53

Ngé gə̄ ń ɓō rāādə́ ní, ni-adə̄də́ yá̰a̰ kəsa kə́ majə gə̄ ādə̄ əsa ndānə̄n̄, ba tə̄ɓā ngé kənge yá̰a̰ gə̄ ādə̄ ɔtə aw̄n̄ jīdə́ karī.