Najə̄ kə́ Majə yā Jeju ń Luk ndang ní 1:51 - Bible sar

⁵¹ Ni ɔjə tɔ́gən kə́ ngá̰ý kə̄ ndágá. Tə̄ndā de gə̄ ń kɔjə rɔ̄ i kemdə́ tə́ ní, tə̄ndā tḭ̄ḭ̄də́ kɔ̄ɔ́.

Bibəl ta Sar̄

⁵¹ Ni ɔjə tɔ́gən kə́ ngá̰ý kə̄ ndágá. Tə̄ndā de gə̄ ń kɔjə rɔ̄ i kemdə́ tə́ ní, tə̄ndā tḭ̄ḭ̄də́ kɔ̄ɔ́.

Najə̄ kə́ Majə yā Jeju ń Luk ndang ní 1:51 Referans Kwoze

PĀ GƏ̄ 98:1

Pā. Ə̄nīī pā kə́ kijə ī-rɔyīneé Kɔ́ɔ̄ɓē, tɔdɔ̄ ni-rāā yá̰á̰ kə́ to kɔr kum gə̄. Jī ko̰o̰n ō, jīn kə́ *táĺ ngá̰ý ō, rāān̄ adə̄ ni-tetə rɔ̄ɔ̄.

IJAI 52:10

Ni ɔjə tɔ́gən kə́ *táĺ ta kum nápar de gə̄ tə́ malang ō, de gə̄ a̰a̰n̄ loo kajə ń Nə́ɓā yājí a ajəjí ní bátə́ ta ngóy dɔ nang tə́ ō.

IJAI 51:9

Ī-ndól̄, Kɔ́ɔ̄ɓē, ī-ndól̄! Ɔ́jə́ tɔ́gí! Ī-ndól̄ tītə̄ kə́ kété, tītə̄ kə́ kété jóo! Rahab ń i dā̰ man̄ kə́ majaĺ ngá̰ý kə́ kum bā bo tə́ ní, i īkɔ́ bang n ɔ́sən ba ī-gángən naā tə́ bét bét ní.

Makətūbə̄ ń Pol ndang adə̄ Rom gə̄ ní 1:21

Tɔdɔ̄ nin̄-gerə̄n̄ Nə́ɓā ba ɔsən̄ gɔnən aĺ ō, ndadə̄nən̄ sḛ́ý tītə̄ ń de gə̄ a rāān̄neé kə Nə́ɓāá ní aĺ ō. Ba gír̄ yā de gə̄ i gír̄ kə́ ro karī ō, ger̄ yá̰a̰ aĺ kə́ kemdə́ tə́ ənī til kumdə́ tə́ kɔ̄ɔ́ ō.

IJAI 63:12

Dan ń a njə̄rān̄ ní, i ni n əhɔ Moijə kə̄ dɔɔ́ kə jīn kə́ kə tɔ́gɔ́ ní. Ni njar man̄ nodə́ tə́, yā kutə̄ń gidə rɔ̄n kə kɔsə gɔnɔɔ́ kə́ njɔ́ḿ gə̄ tə́.

IJAI 40:10

Kɔ́ɔ̄ɓē Nə́ɓā n toó. Ni-reē i kə tɔ́gɔ́. Ngan̄g yān asə kadə̄ o̰o̰ń ɓē. Ni-reē kə yá̰á̰ ń ni-ənge ní, yá̰á̰ ń əndānəń njan tām̄ kəla ń ni-rāā tə́ ní, ni reēń.

PĀ GƏ̄ 118:15

Kɔĺ rɔ̄nel̄ ō kɔĺ tetə rɔ̄ɔ̄ ō taā loo kem kújə tandā yā de kə́ súmūú gə̄ tə́. Jī Kɔ́ɔ̄ɓē kə́ ko̰ó̰ rāā yá̰á̰ kə́ to *kɔsə gɔn.

PĀ GƏ̄ 89:10

I ḭ̄ n i nge kɔgə̄ bā bo kɔjə rɔ̄n ní, dan ń ḭḭ bububu anī, i ḭ̄ n i nge rāā kadə̄ tél to jəke ní.

TA KƏLA 6:5

Kɔ́ɔ̄ɓē a̰a̰ kadə̄ kem de kə́ dɔ nang tə́ gə̄ ndul ngá̰ý ō, gír̄ yādə́ i kə́ majaĺ kə ndɔ̄ gə̄ ō.

JEJU TEĒ KUM JA̰A̰ 18:8

I tām̄ najə̄ ń noō tə́ n yá̰á̰ kə́ tōr̄ gə̄ ń əndān̄ dɔ danaá tām̄ yān tə́ ní, a reēn̄ dɔn tə́ i ndɔ̄ kógə̄ḿ beē ní. Yá̰á̰ kə́ tōr̄ gə̄ ní i yo ō, kəhɔ ndoō ō, ɓō ō, tá hor a o̰o̰n ō. Tɔdɔ̄ Kɔ́ɔ̄ɓē Nə́ɓā ń gān̄g sarya dɔn tə́ ní, tɔ́gən i ngá̰ý.

1 PIYER 5:5

Ba sḭḭ̄ balsáa gə̄, majə kadə̄ ōōī ta *kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá.Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

2 KORḚNTƏ 10:5

yá̰a̰ gə̄ malang ń de gə̄ rāān̄ kə kɔjə rɔ̄ɔ́ yā kɔgə̄ń de gə̄ ger̄ Nə́ɓā ní ō. J-əhɔ j-a gír̄ kə́ kem de gə̄ tə́ malang ɓəlo tə́ kadə̄ oōn̄ ta *Kərist.

PĀ GƏ̄ 89:13

I ḭ̄ n i nge kəndā dām̄ mbɔ́r ɓē kə́ ko̰ó̰ ō kə́ geleé ō ní. Mbal̄ gə̄ kə́ Tabor ō kə́ Hermon ō əgan̄ kɔŕ rɔ̄nel̄ dɔ rīí tə́.

PĀ GƏ̄ 63:5

M-ā m̄-ɓōkíī tɔ̄ȳ bátə́ kadə̄ m-óyń ō, m-ā m-ɔ́y jīḿ kə̄ dɔɔ́ tām̄ yā rīí tə́ ō.

PĀ GƏ̄ 52:9

Á̰a̰ī dəngam ń Nə́ɓā i loo ɓɔ̄ɔ̄ rɔ̄ yān kə́ ngan̄g ngá̰ý alé, adə̄ əndā tɔ́gən i dɔ yá̰a̰ kənge yān gə̄ tə́ ō, dɔ yá̰a̰ rāān kə́ majaĺ gə̄ tə́ ō ní!

PĀ GƏ̄ 33:10

Kɔ́ɔ̄ɓē bā ta róbə yá̰á̰ ń nápar de gə̄ sāān̄ rāā ní. Ni nujə yá̰á̰ ń gír de gə̄ nómə̄n̄ rāā ní.

NDŪ NAJƏ̄ 4:34

Aké nə́ɓā kógə̄ḿ nāā kɔr̄ deē yān gə̄ kɔ̄ɔ́ ɓá jī madə̄ ba̰ā̰də́ gə̄ tə́ kə ta kūl̄ yá̰a̰ nāā gə̄ ō, yá̰a̰ kɔjə gə̄ ō, yá̰á̰ kə́ yáā gə̄ ō, rɔ̄ɔ̄ kə́ rɔ̄ɔ̄ de gə̄ ō, kə jīn kə́ ngan̄g ngá̰ý ń əla kə̄ dɔɔ́ ní ō, kə yá̰á̰ kə́ to ɓōĺ ngá̰ý gə̄ ō, kɔ̄ɔ́ ɓá tītə̄ ń Kɔ́ɔ̄ɓē Nə́ɓā yāsí rāań adə̄ á̰a̰ī Ejiptə tə́ ní a?

Teē Ngán Israel gə̄ 18:11

Ká ré wōn̄g rāā ɓesə̄ gə̄ malang ngá̰ý kə de gə̄ yā Kɔ́ɔ̄ɓēé gə̄gē, anī na n-ger̄ kadə̄ Kɔ́ɔ̄ɓē i de kə́ bo tɔȳ ɓesə̄ gə̄ ń noō malang.

TA KƏLA 8:21

Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

TA KƏLA 11:8

Kɔ́ɔ̄ɓē tə̄ndā tḭ̄ḭ̄də́ naā tə́ loo ń noō tə́, adə̄ aw̄n̄ kə̄ loo gə̄ tə́ malang dɔ nang tə́ ba lōōn̄ gír rāā ɓē ní tə́ kɔ̄ɔ́.

JEREMI 49:15

A̰á̰ā̰, m-ā m̄-rāāī kadə̄ ā ī-tél de kə́ dūú ráá kə́ dan nápar de gə̄ tə́ ō, m-ā m̄-rāā kadə̄ de gə̄ a kídīīn̄ ō.