KOHELET 9:16 - Bible sar

¹⁶ Tā anī mā m-ə́da na kum kedə̄ i só tə́ tɔȳ tɔ́gə deē. Banī de gə̄ kídə̄n̄ kum kedə̄ yā nge ndoō ō, deē oō yā n aĺ ō.

Bibəl ta Sar̄

¹⁶ Tā anī mā m-ə́da na kum kedə̄ i só tə́ tɔȳ tɔ́gə deē. Banī de gə̄ kídə̄n̄ kum kedə̄ yā nge ndoō ō, deē oō yā n aĺ ō.

KOHELET 9:16 Referans Kwoze

KOHELET 7:19

Kum kedə̄ rāā adə̄ nge kum kedə̄ ngan̄g tɔȳ ngé ko̰o̰ ɓē gə̄ kutə kə́ ndin̄ kem ɓē kə́ kógə̄ḿ beē tə́.

Gōsə̄ najə̄ gə̄ 24:5

Nge kum kedə̄ i de kə́ tɔ́gən to ō, yá̰a̰ gə̄ ń ni ger̄də́ ní rāān̄ adə̄ tɔ́gən reē dɔ madə̄ tə́ ō.

Gōsə̄ najə̄ gə̄ 21:22

De kə nge kum kedə̄ asə kənī ɓē kə́ ngan̄g rɔ̄ɔ̄ ō, asə nujə kújə́ kə́ ngan̄g ń de kə́ kem ɓēé gə̄ əndān̄ kemdə́ dɔ tə́ ní ō.

KOHELET 9:18

Kum kedə̄ i só tə́ tɔȳ yá̰a̰ rɔ̄ɔ̄ gə̄, banī nge rāā majaĺ kə́ kógə̄ḿ beē nujə yá̰á̰ kə́ majə gə̄ ngá̰ý.

Gōsə̄ najə̄ gə̄ 10:15

Yá̰a̰ kənge yā nge yá̰a̰ kal̄ loo rāā rɔ̄n i ɓē kə́ ngan̄g yān tə́, banī a nujə de kə́ kasə yá̰a̰ aĺ gə̄ sák sák kɔ̄ɔ́.

Gōsə̄ najə̄ gə̄ 8:14

Kadə̄ kɔjə̄ ō, yá̰á̰ kə́ teē majə ō, i yá̰á̰ kə́ gír jīḿ tə́ gə̄. Ger̄ kum yá̰a̰ i yá̰a̰ yāḿ ō, ngan̄g i yá̰a̰ yāḿ ō.

KOHELET 7:12

Ni a əndā deē loo kə́ yá̰á̰ kə́ majaĺ a rāān tū tə́ aĺ tə́ tītə̄ yā nar beé. Ni i nge rāā kadə̄ ngé kəngen gə̄ ndin̄ ta kaw̄ jóo.

KOHELET 10:10

Loo ń ré kə̄ngā atə aĺ ō, deē ɔl ta aĺ ō anī, deē a ɔsə rɔ̄n i kə̄ naā tə́ tá a tə́gań yá̰a̰. Tɔdɔ̄ yá̰á̰ ń deē rāań yá̰a̰ kə gōó anī a teēn yá̰á̰ tə́ ní i kum kedə̄.