KOHELET 9:10 - Bible sar

¹⁰ Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

Bibəl ta Sar̄

¹⁰ Yá̰a̰ malang ń jīí asə rāā ní ī-rāā kə tɔ́gí īkɔ́. Tām̄ loo kə́ ɓádá ń de kə́ koy gə̄ i tū tə́, á ā ī-rāā yā kaw̄ gōdə́ tə́ tū tə́ ní, kəla aláa ka̰a̰ gō tóo kəla kə́ majə aké kə́ majaĺ, aláa ger̄ yá̰a̰, aláa kum kedə̄ gətóo tū tə́.

KOHELET 9:10 Referans Kwoze

KOLOSƏ 3:23

Ādə̄ kəla ń ī-rāāī ní i rí rí gə̄gē anī, ī-rāāī kə kem kə́ majaá tītə̄ kə́ i tām̄ yā Kɔ́ɔ̄ɓē tə́ beē, ba i tām̄ yā de gə̄ tə́ alé.

EPEJƏ 5:16

Dan ń ə́ngeī kum mbang anī, úniī ī-rāāiń yá̰á̰ kə́ majə, tɔdɔ̄ ndɔ̄ gə̄ ń jə-ndiī kemeé ngɔlaā ní majən̄ alé.

Makətūbə̄ ń Pol ndang adə̄ Rom gə̄ ní 12:11

Ɔ́liī loo rāā kəla yā Kɔ́ɔ̄ɓē tə́, ī-yayiī ta tə́ alé, ādī kemsí təngāsí tām̄ kəla yān tə́.

PĀ GƏ̄ 6:5

Kɔ́ɔ̄ɓē, ī-tél ī-reē ī-gān̄g dɔḿ! Ájəm̄ sɔɔ̄ń ndūí ń ī-ra dɔ tə́ ní!

1 KORḚNTƏ 9:24

Ngé nējə̄ naā ngɔ̄də̄ gə̄ a̰ȳn̄ ngɔ̄də̄ malangdə́ gə̄ ɓá tā, banī i de kə́ kal kógə̄ḿ beē ngóy n a ənge yá̰á̰ ń nējə̄n̄ naā ngɔ̄də̄ dɔ tə́ ní ī-gerī aĺ a? I beé ní ī-ngɔ̄dī kə gō róbəneé tá kadə̄ əngeīneé yá̰á̰ ní.

KOHELET 11:6

Ādə̄ dəloí anī ī-dubə̄ kum kōō yāí, loo sɔlí anī ī-lōō kəya̰ jīí kadə̄ taā koō ō. Tɔdɔ̄ kəla gə̄ ń gír j ōó noō nge ń i kə́ majə ní ī-ger̄ alé. Majanī majən̄ jōó mbak.

JEREMI 29:13

Ā ī-sāāī njaḿ ō, ā ə́ngemī ō. Ā ī-sāāmī kə ngarā̰ kemsí sḭḭ̄ kɔ́ gə̄

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i *Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

1 KORḚNTƏ 15:10

Banī Nə́ɓā rāā seḿ adə̄ m̄-tél de kə́ m̄-to beé. Ba rāā ń Nə́ɓā rāā seḿ ní gotə to karī alé, tām̄ m̄-rāā kəla tɔȳ gotə ngámbang kəla gə̄ malang. Kə́ rɔ̄kum tə́ ɓáa i mā alé, banī i rajə kə́ Nə́ɓā rajəm̄.

1 KORḚNTƏ 9:26

Adə̄ mā m̄-ngɔ̄də̄ i beé: M-ā̰ȳ ngɔ̄də̄ i tītə̄ de kə́ ger̄ loo kə́ yā ka̰ȳ ngɔ̄də̄ kum kə̄ tū tə́ aĺ alé. Mā m̄-ɓir̄ jīḿ m-ə́ndań yá̰a̰ i beé: M-ə́nda i ɓōdə̄ loo karī alé.

JA̰A̰ 9:4

Dan ń loo kə́ kadaá to ɓáý ní, majə kadə̄ jə-rāāī kəla yā nge ń əlam̄ ní. Loo kə́ ndɔ̄ɔ́ a reē noó, yā kadə̄ deē a asə rāā kəla alé.

JA̰A̰ 4:34

Jeju ədadə́ na: Yá̰a̰ kəsa yāḿ i kadə̄ m̄-rāā kem ndigə yā nge ń əlam̄ ní ō, kadə̄ m̄-rāā kəla yān m̄-tɔ̄l̄ ta ō.

KOHELET 11:3

Dan ń man̄ il nding anī a edə̄. Ré kāgə̄ əsō i kum kə̄ dām̄ mbɔ́r ɓē kə́ geleé tə́, aláa ko̰ó̰ tə́ anī, loo ń n i əsō tū tə́ ní, ni to i kə̄ tū tə́ noō.

NEHEMI 4:2

Nin̄ oōn̄ naā yā reē malang gidə kógə̄ḿ yā kənī ɓē kə́ Jerusalem rɔ̄ɔ̄ ō, yā nujə loo kemeé ō.

NEHEMI 4:6

*Jipə gə̄ ń ndin̄ ɓē kadə madə̄ ba̰ā̰jí gə̄ tə́ ngɔr ní reē tāān̄jí kə̄ nja naā tə́ najə̄ yá̰á̰ kə́ to yo ń a ngḛy jí nang tə́ ní, ədan̄ na: Loo malang ń sḭḭ̄ āwī tū tə́ ba ī-tél ī-reēī ní, nin̄ teēn̄ kə̄ ta gə̄ tə́ yā reē rɔ̄ jí! Loo ń noō tə́ m-á̰a̰ ku loo gə̄ gidə ndogə̄ mbal̄ tə́ ndágá.

1 YÁ̰A̰ GƏ̄ 22:19

Ngɔlaā ní ə̄ndāī rɔ̄sí ta sāā yá̰á̰ ń kem Kɔ́ɔ̄ɓē Nə́ɓā yāsí ndigə ní tə́ kə dan wursí gēé mámák kadə̄ ī-gerī. Ḭ́ḭī dɔɔ́ ī-rāāī kújə́ kə́ táĺ yā Kɔ́ɔ̄ɓē Nə́ɓā ba ī-reēī kə *sandúkə madə̄ naā yā Kɔ́ɔ̄ɓē ō, yá̰á̰ kə́ yā ɓōĺ gidə kə́ tām̄ yā Nə́ɓā tə́ gə̄ ō, ī-tə́ndāī kem kújə́ ń ī-rāāī kə rī Kɔ́ɔ̄ɓēé ní tə́.

1 KORḚNTƏ 16:10

Ré Timote ugə̄ rɔ̄sí tə́ anī, ī-lōōī rāā kadə̄ ni-ndi kə ɓōló dansí tə́, tɔdɔ̄ ni a rāā i kəla yā Kɔ́ɔ̄ɓē tītə̄ yāḿ ō.

NEHEMI 2:12

Ba yá̰á̰ ń Nə́ɓā yāḿ əndā kemḿ tə́ kadə̄ m̄-rāā tām̄ yā ɓē tə́ ní m-ə́da deē kógə̄ḿ alé. Gō tə́ anī m-ḭ́i dɔɔ́ ndɔ̄ɔ́, de kə́rēý gə̄ i seḿ. Dā̰ kə́ rang kə́ seḿ gətóo ba i kərō ń m-āl̄ m̄-reēń ní tá ngóy.

1 YÁ̰A̰ GƏ̄ 28:20

Gō tə́ anī əda ngōnən Salomo̰ na: Ī-lōō kəya̰ rɔ̄í yɔkəlɔ ba ə́hɔ rɔ̄í tɔgə ī-rāań yá̰a̰! Ī-lōō sōl̄ ō, ī-lōō ɓōĺ ō, tɔdɔ̄ Kɔ́ɔ̄ɓē Nə́ɓā yāḿ i seí naā tə́. Ni a əya̰ī kɔ̄ɔ́ aĺ ō, a tél gōí tə́ aĺ ō, bátə́ kadə̄ ī-rāań kəla *kújə yān kadə̄ təgā.

TƏ́DA 13:30

Kaleb adə̄ de gə̄ ń a tāmə̄n̄ kə Moijə ní ran̄ tadə́ mbóo, ní əda na: J-aw̄ jə-taāī dɔ nang ní. J-a jə-tetiī rɔ̄ɔ̄.

TA KƏLA 37:35

Ngánən kə́ dəngam gē kə́ dəyá̰ gē reēn̄ rɔ̄n tə́ malang yā sɔl̄ kemən tā, ba ni ɔdə alé, əda na n-a n-nōō na i ngōnə̄n bátə́ yā kaw̄ń gōn tə́ ɓádá, adə̄ ndi a nōō ngōnə̄n.

1 SAMUEL 10:7

Ré yá̰a̰ gə̄ ń noō rāān̄ yá̰a̰ malang anī, yá̰á̰ ń kadə̄ ī-rāā ní ī-rāā tɔdɔ̄ Nə́ɓā i naā tə́ seí.

Makətūbə̄ yā Job 21:13

Nin̄ ndin̄ majə bátə́ kadə̄ ndɔ̄də́ təgāń. Kum i ngá̰ý aĺ anī, nin̄ i ɓádá kɔ̄ɔ́.

IJAI 38:10

Kété ní m-ɔ̄r̄ najə̄ kə rɔ̄ḿ m-ə́da na: I núsə ndɔ̄ḿ ngóy n m̄-rāā ō, i gáŕ kadə̄ m-āw̄ kɔ̄ɔ́ ō. Gotə ɓālə̄ḿ gə̄ ń na̰yn̄ ní m-ā m̄-tɔ̄l̄ tadə́ i ɓádá dan de kə́ koy gə̄ tə́.

Makətūbə̄ yā Job 10:21

pá tá kadə̄ m-ā m-āw̄ kə̄ ɓē kə́ til ō, ndíl yo ō i tū tə́ tə́ kanjə̄ tél.

Makətūbə̄ yā Job 10:22

I ɓē kə́ ta gír loo kə́ tū tə́ i loo kə́ ndɔ̄ɔ́ kə́ risə til nding. I ɓē kə́ ndíl yo utə̄ dɔ yá̰á̰ kə́ ka̰a̰ gō naā aĺ gə̄ kə́ tū tə́ kɔ̄ɔ́ ō, loo kə́ kadá kə́ tū tə́ i tītə̄ loo kə́ ndɔ̄ɔ́ kə́ risə til nding ō.

Gōsə̄ najə̄ gə̄ 3:28

Yá̰á̰ ń madí dəjeī ní, ré to jīí tə́ anī ī-lōō kədan na kə aw̄ ba bírí tá kə tél kə reē, na bírí a na ā ādə̄n.

MATIYE 20:7

Anī nin̄-tél ədanən̄ na i tɔdɔ̄ deē ɔydə́ kəlaá alé. Anī ni ədadə́ na ré i beé ɓáa kə aw̄n̄ ndɔr̄ yān tə́ ō.

JA̰A̰ 5:4

Tɔdɔ̄ *de kə́ dɔ rā̰ tə́ yā Kɔ́ɔ̄ɓē a jə̄ngā kum man̄ kə́ kem gár̄ man̄ ní tə́ dan kə́rēý gə̄ tə́ yā pukə́tū man̄ ní. Ba nge mo̰y ń risə kum tə́ kété loo ń man̄ ḭḭ pukətu pukətu ní, ká mo̰y yān i mo̰y kə́ ba̰ý gə̄gē anī, rɔ̄n a ngáā.