KOHELET 8:7 - Bible sar

⁷ Yá̰á̰ ń a rāā yā rāā yá̰á̰ ní ni ger̄ alé. I náā n a ədan ndɔ̄ ń yá̰á̰ ní a rāań yá̰á̰ ní?

Bibəl ta Sar̄

⁷ Yá̰á̰ ń a rāā yā rāā yá̰á̰ ní ni ger̄ alé. I náā n a ədan ndɔ̄ ń yá̰á̰ ní a rāań yá̰á̰ ní?

KOHELET 8:7 Referans Kwoze

KOHELET 10:14

De kə́ mbóo ɔr̄ najə̄ asən alé. Deē ndul ger̄ ta kə́ bírí alé. I náā n a ɔjən yá̰á̰ kə́ a rāā yá̰a̰ gotən tə́ ní?

MATIYE 24:50

kɔ́ɔ̄ nge kəla ngeé ń toō a reē i ndɔ̄ ń ni-ngóōn tū tə́ aĺ tə́ ní ō, kum mbang ń ní ger̄ aĺ tə́ ní ō.

KOHELET 9:12

Tām̄ deē ndul ger̄ ndɔ̄ ń yá̰á̰ kə́ majaĺ a teēń dɔn tə́ ní alé. Yá̰á̰ kə́ to kum kaȳ aĺ a teē dɔn tə́ rétə́ gēé kānjə̄ kadə̄ ni ger̄ gō, tītə̄ kānjə̄ ń réng əhɔn aké yel̄ ń gūmbə̄ əhɔn ní.

Gōsə̄ najə̄ gə̄ 24:22

Majanī yá̰á̰ kə́ to kum kaȳ aĺ a teē rétə́ gēé kə̄ rɔ̄də́ tə́ ō, deē ger̄ wur kɔl ń Nə́ɓā ō mban̄g ō a ənīn̄ dɔdə́ tə́ ní aĺ ō.

MATIYE 24:44

I tām̄ najə̄ ń noō tə́ n majə kadə̄ sḭḭ̄ ī-ndiī dɔ rɔ̄sí tə́ majə ní, tɔdɔ̄ Ngōn̄ Deē a reē i kum mbang ń sḭḭ̄ ī-gírī dɔ tə́ aĺ ní tə́.

KOHELET 6:12

Tɔdɔ̄ i náā n ger̄ yá̰á̰ kə́ só tə́ tām̄ yā deē tə́ dan ń deē ndiń kə kumneé ní, dan ń deē ndiń ndɔ̄ ngá̰ý kanjə̄ kumən ní? Deē a mān̄ tītə̄ ndíl kāgə̄ beé. I beé ní i náā n a ɔjə deē yá̰á̰ ń ndɔ̄ń tə́ a to gotən tə́ dɔ nang tə́ ní?

KOHELET 3:22

Loo ń noō tə́ m-ə̄ndā ma̰ȳ m-á̰a̰ kadə̄ yá̰á̰ kə́ só tə́ yā deē i ger̄ yá̰á̰ kə́ teē tū kəla yān tə́. Núsən yān ń kadə̄ rāā rɔ̄nelə̄n ní n noó. Tɔdɔ̄ yá̰á̰ ń a to gotən tə́ ní i náā n a aw̄ seneé yā kadə̄ a̰ā̰ ní?

Gōsə̄ najə̄ gə̄ 29:1

Deē ń ndán̄gnən̄ ba dum̄ naā ní, a tétə̄n̄ kə̄ngōn̄ rárák gidə kógə̄ḿ ō, a gətóo ō!

KOHELET 7:14

Ndɔ̄ kə́ majə tə́ anī ādə̄ rɔ̄í nelī, banī ndɔ̄ yá̰á̰ kə́ to kum kaȳ aĺ tə́ anī á̰a̰ā̰: Nge ń toō ō nge ń noō ō ní, Nə́ɓā rāādə́ i yā kadə̄ deē gerə̄ń yá̰á̰ ń a to gotən tə́ ní alé.

ESTER 5:12

Gō tə́ anī əda na: Tá ɓáý to̰ ní yá̰a̰ kəsa ń Ester nə̄yá̰ mban̄g rāā ní i mā ngóy n ni ɓārə́m̄ ta kəsa adə̄ m-āw̄ loon tə́ ɓōólaā kə mbangāá ní. Tá i mā n ni ɓārə́m̄ ta kəsa yá̰á̰ bírí kadə̄ m-āw̄ loon tə́ kə mbangāá ɓáý to̰ ní.

Gōsə̄ najə̄ gə̄ 27:1

Ī-lōō tɔ̄ȳ rɔ̄í tām̄ yā ndɔ̄ kə́ bírí tə́, tɔdɔ̄ yá̰á̰ ń a rāā yā rāā yá̰á̰ ní ī-ger̄ alé.

KOHELET 9:1

A̰á̰ā̰, m-ə̄ndā kumḿ gír yá̰a̰ gə̄ ń noō tə́ malang, anī yá̰á̰ ń m-á̰a̰ā̰ ní n toó: De kə́ súmūú gə̄ ō, de kə́ ngé kum kedə̄ gə̄ ō ní, nin̄ i kem jī Nə́ɓā tə́ kə kəla yādə́ gēé. Yá̰á̰ ń deē ndul ger̄ danən aĺ ní n toó, i tár ō, i kim̄ ō. Yá̰a̰ gə̄ ń noō malang i kə́ ton̄ kété non tə́ kɔ̄ɔ́ ɓáá.