KOHELET 8:17 - Bible sar

¹⁷ i loo ń noō tə́ n m-á̰a̰ kəla malang ń Nə́ɓā rāā ní. Kum deē ndul asə teē dɔ kəla ń a ra dɔ nang tə́ ní alé. Deē sāā ɓá tā ba teē dɔ tə́ alé. Ká ré nge kum kedə̄ ədań na n-ger̄ gə̄gē anī, ni a asə teē dɔ tə́ alé.

Bibəl ta Sar̄

¹⁷ i loo ń noō tə́ n m-á̰a̰ kəla malang ń Nə́ɓā rāā ní. Kum deē ndul asə teē dɔ kəla ń a ra dɔ nang tə́ ní alé. Deē sāā ɓá tā ba teē dɔ tə́ alé. Ká ré nge kum kedə̄ ədań na n-ger̄ gə̄gē anī, ni a asə teē dɔ tə́ alé.

KOHELET 8:17 Referans Kwoze

KOHELET 3:11

Nə́ɓā ɔjə kum mbang ń kadə̄ yá̰a̰ gə̄ a rāān̄neé yá̰á̰ ní kógə̄ḿ kógə̄ḿ kə gō naá. Ni-əndā ɓō ger̄ gír yá̰á̰ kə́ mān̄ kɔ̄ɔ́ ō, kə́ a reē ɓáý ō kem de gə̄ tə́. Banī j-asiī ger̄ kum kəla rāā Nə́ɓā kə ta njaá malang alé.

Makətūbə̄ ń Pol ndang adə̄ Rom gə̄ ní 11:33

Yá̰a̰ kənge yā Nə́ɓā ō, kum kedə̄ yān ō, yá̰a̰ ger̄ yān ō, i yá̰á̰ kə́ to ɓōĺ ngá̰ý, adə̄ deē a asə ka̰a̰ ta tɔ̄l̄ tan alé. De kə́ asə ndō̰ gíŕ yá̰a̰ rāān ní gətóo. De kə́ asə ger̄ gō róbə yān gə̄ gətóo ō.

PĀ GƏ̄ 73:16

Yá̰á̰ ń m-á̰a̰ā̰ anī tōrə̄m̄ ngá̰ý ní, m̄-gír̄ dɔ tə́,

IJAI 40:28

Tá Kɔ́ɔ̄ɓē i Nə́ɓā, əla gír i jóó ngá̰ý ō, i mbóńg kə̄ non tə́ ō. Ədan̄ nge ń noō adə̄ sḭḭ̄ ōōī aĺ a? Ni-rāā dɔ nang malang kə taá. Tɔ́gən gətóo nja kógə̄ḿ alé, kɔr rāān nja kógə̄ḿ alé. De kə́ asə ger̄ rúu ter kə́ kemən tə́ gətóo.

Makətūbə̄ yā Job 5:9

Nge rāā yá̰á̰ kə́ bo gə̄ kə́ deē asə ger̄ kum aĺ gə̄, ni ń deē asə tə́da kutə yá̰á̰ kə́ to kɔr kum gə̄ ń ni-rāā ní malang aĺ ní.

KOHELET 11:5

Tītə̄ ń ī-ger̄ loo kəndā ń ngōn̄ a əndā rɔ̄n kem dəyá̰ kə́ nge ndān̄ ngōn̄ tə́ aĺ ní, Nə́ɓā ń i nge rāā yá̰a̰ malang ní, ḭ̄ ásə ger̄ kəla rāān aĺ ō.

PĀ GƏ̄ 40:5

Rɔ̄nel̄ i kə deē ń ənī kemən adə̄ Kɔ́ɔ̄ɓē, ba tūr̄ gidən adə̄ ngé kɔjə rɔ̄ gə̄ ō, ngé sor̄ gə̄ ō ní.

PĀ GƏ̄ 104:24

Kɔ́ɔ̄ɓē, kəla rāāí gə̄ i ngá̰ý! Ḭ̄ ī-rāādə́ malang i kə kum kedēé, yá̰a̰ gə̄ ń ə̄ndādə́ ní taān̄ loo dɔ nang tə́ malang.

KOHELET 1:13

Yá̰a̰ malang ń a rāā yá̰a̰ dɔ nang tə́ laā ní, m-ə̄ndā rɔ̄ḿ ta tə́ m̄-sāā gír ō, m-ə̄ndā ma̰ȳ ngá̰ý kə kum kedēé ō. Nge ń noō i kəla kə́ ngan̄g ngá̰ý kə́ Nə́ɓā əndā dɔ de gə̄ tə́ kadə̄ rāān̄!

KOHELET 7:13

Á̰a̰ kəla rāā Nə́ɓā: Yá̰á̰ ń ni rugən ní i náā n asə ndájə̄n gogə̄ ní?