KOHELET 8:14 - Bible sar

¹⁴ Yá̰á̰ kógə̄ḿ to dɔ nang tə́ noō kə́ i yá̰á̰ kə́ kanjə̄ kumən: I rāā kə́ rāān̄ de kə́ súmūú kə́rēý gə̄ yá̰á̰ kə́ gōtə́ aĺ tītə̄ kə́ nin̄ i ngé kem ndul gə̄ beé ō, i rāā kə́ rāān̄ ngé kem ndul kə́rēý gə̄ yá̰á̰ ń a rāān̄ kə de kə́ súmūú gēé ní ō. Ní m-ə́da kɔ̄ɔ́ ɓáá kadə̄ nge ń noō i yá̰á̰ kə́ kanjə̄ kumən ō.

Bibəl ta Sar̄

¹⁴ Yá̰á̰ kógə̄ḿ to dɔ nang tə́ noō kə́ i yá̰á̰ kə́ kanjə̄ kumən: I rāā kə́ rāān̄ de kə́ súmūú kə́rēý gə̄ yá̰á̰ kə́ gōtə́ aĺ tītə̄ kə́ nin̄ i ngé kem ndul gə̄ beé ō, i rāā kə́ rāān̄ ngé kem ndul kə́rēý gə̄ yá̰á̰ ń a rāān̄ kə de kə́ súmūú gēé ní ō. Ní m-ə́da kɔ̄ɔ́ ɓáá kadə̄ nge ń noō i yá̰á̰ kə́ kanjə̄ kumən ō.

KOHELET 8:14 Referans Kwoze

KOHELET 7:15

Ndiḿ kə kumḿ kə́ sḛ́ý beē nəkɔ́ ń toō ní m-á̰á̰ yá̰a̰ malang: De kə́ gōtə́, kə́ hálən kə́ gōtə́ tɔlən ō, de kə́ nge kem ndul kə́ hál kem ndul yān ajən ō.

MALASI 3:15

J-a̰ā̰ ngɔlaā kadə̄ ngé rɔ̄nel̄ gə̄ i ngé kɔjə rɔ̄də́ gə̄. Yá̰a̰ malang ń ngé rāā yá̰a̰ majaĺ gə̄ rāān̄ ní, teē majə. Ká ré nin̄ sāān̄ ta Nə́ɓā gə̄gē anī, nin̄ teēn̄ kum tə́ ngándáńg!

KOHELET 2:14

Tɔdɔ̄ kum de kə́ nge kum kedə̄ a̰a̰ loo ń ni a aw̄ kə̄ tū tə́ ní, ba de kə́ mbóo a njə̄rā i kum til tə́. Banī mā m̄-ger̄ kadə̄ i yá̰á̰ kə́ kógə̄ḿ beē n a rāādə́ jōó mbak ní.

PĀ GƏ̄ 73:3

Tɔdɔ̄ m-ə̄ndā ngé kənda gɔgərɔdə́ gə̄ nii, dan ń m-á̰a̰ kadə̄ yá̰a̰ malang ń ngé kem ndul gə̄ rāān̄ ní teēdə́ yá̰á̰ tə́ ní.

Makətūbə̄ yā Job 21:7

Ngé kem ndul gə̄ ndin̄ kə kumdə́ ō, tɔgən̄ ɓə́ga ō, tɔ́gə́də́ aw̄ kum kə̄ kété kété ō, i najə̄ rí tə́?

JEREMI 12:1

Kɔ́ɔ̄ɓē, ḭ̄ i de kə́ gōtə́, ba m̄-gḛy kɔr̄ najə̄ seí. Rɔ̄kum m̄-gḛy kɔr̄ najə̄ seí sɔɔ̄ń dɔ sarya gāngīí kə́ rēý gə̄. I tām̄ rí tə́ á yá̰a̰ rāā ngé kem ndul gə̄ teēdə́ yá̰á̰ tə́ ní? I tām̄ rí tə́ á ngé gól̄ loo gə̄ ndin̄ majə malang ní?

KOHELET 10:5

De kə́ nge ko̰o̰ ɓē asə rāā yá̰á̰ kə́ gōtə́ aĺ gō ger̄ aĺ tə́. I tītə̄ ń noō n m-á̰a̰ń yá̰á̰ kə́rēý kə́ gōtə́ aĺ gə̄ dɔ nang tə́ ní.

KOHELET 4:8

De kógə̄ḿ kə́ nəkɔ́ i kə kérneé, madə̄ njə̄rān aĺ ō, ngōnən aĺ ō, ngōkó̰o̰n deē aĺ ō, banī rāā kəla dan gān̄g aĺ ō, yá̰a̰ kənge asən aĺ ō, banī ni-dəje rɔ̄n najə̄ əda na: Mā m̄-rāā kəla ō, m̄-mbātə́ ndi majə ō, i tām̄ yā náā tə́? Nge ń noō i yá̰á̰ kə́ kanjə̄ kumən, i yá̰á̰ kə́ majaĺ.

KOHELET 4:4

Mā m-á̰a̰ kadə̄ kəla malang ō, kəndā kə́ de gə̄ əndān̄ rɔ̄də́ ta kəla yādə́ tə́ rāān̄ adə̄ majə ō, i kəndā naā nii. I yá̰á̰ kə́ kanjə̄ kumən tītə̄ ngɔ̄də̄ gō nél yā kəhɔn beē.

Makətūbə̄ yā Job 1:22

Tū yá̰a̰ gə̄ ń noō tə́ malang ní, Job rāā majaĺ aĺ ō, əndā najə̄ kógə̄ḿ dɔ Nə́ɓā tə́ aĺ ō.

Makətūbə̄ yā Job 27:12

Dan ń sḭḭ̄ malang á̰a̰ī kadə̄ i rɔ̄kum ní, ɔ̄rī najə̄ kə́ kanjə̄ kumən i tām̄ rí tə́?