KOHELET 7:15 - Bible sar

¹⁵ Ndiḿ kə kumḿ kə́ sḛ́ý beē nəkɔ́ ń toō ní m-á̰á̰ yá̰a̰ malang: De kə́ gōtə́, kə́ hálən kə́ gōtə́ tɔlən ō, de kə́ nge kem ndul kə́ hál kem ndul yān ajən ō.

Bibəl ta Sar̄

¹⁵ Ndiḿ kə kumḿ kə́ sḛ́ý beē nəkɔ́ ń toō ní m-á̰á̰ yá̰a̰ malang: De kə́ gōtə́, kə́ hálən kə́ gōtə́ tɔlən ō, de kə́ nge kem ndul kə́ hál kem ndul yān ajən ō.

KOHELET 7:15 Referans Kwoze

KOHELET 6:12

Tɔdɔ̄ i náā n ger̄ yá̰á̰ kə́ só tə́ tām̄ yā deē tə́ dan ń deē ndiń kə kumneé ní, dan ń deē ndiń ndɔ̄ ngá̰ý kanjə̄ kumən ní? Deē a mān̄ tītə̄ ndíl kāgə̄ beé. I beé ní i náā n a ɔjə deē yá̰á̰ ń ndɔ̄ń tə́ a to gotən tə́ dɔ nang tə́ ní?

KƏLA RĀĀ 7:52

I *nge koō ta kə́ rá n kaasí gə̄ rāānən̄ ndoō tə́ aĺ ní? Ngé koō ta gə̄ ń ədan̄ najə̄ reē yā de kə́ súmūú kə́ kal kógə̄ḿ beē kété ní, nin̄-tɔ̄lə̄n̄də́ kɔ̄ɔ́. I de kə́ súmūú ní n sḭḭ̄ ə́hɔī gōn alé ba ə́ya̰niī kɔ̄ɔ́ ō, ī-tɔ̄l̄niī ō ní.

IJAI 65:20

Ngōn̄ kásə̄ kə́ yā ndi ndɔ̄ kóndóńg wań ngóy a koy kɔ̄ɔ́ a gətóo ō. De kə́ tɔgə kə́ yā gān̄g koy kanjə̄ tɔgə ɓə́ga a gətóo ō. De kə́ dūú tɔȳ madə̄n gə̄ a rāā ɓāl̄ ɓú tá a oy ō, de gə̄ a rāān̄ koy kə́ kanjə̄ kadə̄ ɓāl̄ deē i ɓú i ndɔ̄ĺ kə́ reē dɔ deē tə́ tə́.

KOHELET 9:9

Dan ń ī-ndi kə kumií kem ndɔ̄ gə̄ kə́ kanjə̄ kumən ń Nə́ɓā adī dɔ nang tə́ ní, ī-rāā rɔ̄nel̄ kə dəyá̰ ń ī-tárən ní. Tɔdɔ̄ núsə́ yá̰á̰ kə́ tām̄ yāí tə́ ō, kə́ tū kəla ń ī-rāā tə́ ní ō, dɔ nang tə́ ní n noó.

KOHELET 3:16

Yá̰á̰ ń m-ə̄ndā ma̰ȳ m-á̰a̰ā̰ dɔ nang tə́ ɓáý to̰ ní n toó: Kem ndul taā loo jī yá̰á̰ kə́ súmūú tə́ ō jī yá̰á̰ kə́ gōtə́ tə́ ō.

KOHELET 2:23

Tɔdɔ̄ ndɔ̄n gə̄ malang i rɔ̄ tōr̄ ō, kəla rāān i wur kɔl ō. Ndɔ̄ɔ́ gə̄gē ngarā̰ kemən ɔr̄ koō alé. Nge ń noō i yá̰á̰ kə́ kanjə̄ kumən ō.

PĀ GƏ̄ 39:6

Ḭ̄ ī-rāā ādə̄ ndɔ̄ḿ malang asə naā i kə laa da jī deé. Ɓālə̄ḿ gə̄ malang i yá̰a̰ alé ta kumií tə́. A̰á̰ā̰, de kə́ ngan̄g sim gə̄gē ni i koō ngóy ta kumií tə́!

1 MBAN̄G GƏ̄ 21:13

De kə́ jōó gə̄ kə́ ngé rāā yá̰a̰ gōtə́ aĺ gə̄ ní reē ran̄ no Nabot tə́, ba ədan̄ ta kum kósə de gə̄ tə́ malang na Nabot na ndɔ̄ĺ Nə́ɓā ō, na ndɔ̄ĺ mban̄g ō. Anī kə̄ ta jī tə́ beē de gə̄ teēn̄ kə Nabotoó aw̄n̄ seneé gidə ɓē tə́ ndágá aw̄ tə́nīnən̄ kə mbalá adə̄ oy.

TA KƏLA 47:9

Jakob tél ədan na ɓāl̄ gə̄ ń na n-njə̄rań mbā ní na i ɓāl̄ ɓú kə kutə mətá. Ndɔ̄n gə̄ na təgān̄ láẃ ngá̰ý ō, ɓāl̄ gə̄ ń yá̰á̰ kə́ ngan̄g gə̄ na rāānənə̄ń ní na i ngá̰ý ō. Ɓālə̄n na asə gō yā bɔbə̄n ō, yā kaan gə̄ ō ń na njə̄rānəń mbā tə́ ní alé.

JA̰A̰ 16:2

A tə̄ɓān̄sí kɔ̄ɔ́ kem kújə́ kán̄ naā gə̄ tə́. Tá ɓáý to̰ ní, ndɔ̄ a reē nuú yā kadə̄ náā nəkɔ́ ń a tɔ̄l̄sí ní a gír̄ na n rāā na i kəlā n-adə̄ Nə́ɓā.

PĀ GƏ̄ 10:3

Nge kem ndul ənda kadən najə̄ kəla rāān kə́ udə gírí tə́. Dan ń ni-ənge yá̰á̰ ń kemən ndigə ní oy anī, lur Kɔ́ɔ̄ɓē kə tɔ̄yɔ̄ɔ́.