KOHELET 6:8 - Bible sar

⁸ Tɔdɔ̄ yá̰á̰ ń de kə́ ngáā ənge tɔȳ yā de kə́ mbóó ní i rí? Ger̄ ń de kə́ nge rɔ̄ tō ndoō ger̄ ngatə́rā dɔ rɔ̄n tə́ dɔ nang tə́ ní teēn i rí?

Bibəl ta Sar̄

⁸ Tɔdɔ̄ yá̰á̰ ń de kə́ ngáā ənge tɔȳ yā de kə́ mbóó ní i rí? Ger̄ ń de kə́ nge rɔ̄ tō ndoō ger̄ ngatə́rā dɔ rɔ̄n tə́ dɔ nang tə́ ní teēn i rí?

KOHELET 6:8 Referans Kwoze

Gōsə̄ najə̄ gə̄ 19:1

De kə́ yá̰a̰ aĺ kə́ nge rāā yá̰á̰ kə́ súmūú i só tə́ tɔȳ de kə́ najə̄ kə́ tan tə́ i súmūú aĺ ō, kə́ ni i de kə́ mbóo ō.

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

Najə̄ kə́ Majə yā Jeju ń Luk ndang ní 1:6

Nin̄ jōó mbak i de kə́ súmūú gə̄ ta kum Nə́ɓā tə́. Gō míndə gə̄ malang yā Kɔ́ɔ̄ɓē ō, yá̰a̰ malang ń Kɔ́ɔ̄ɓē əda kadə̄ yā rāā ō ní, nin̄-tetən̄ rɔ̄də́ gō tə́ rāān̄ kə gōó majə, adə̄ najə̄ gətóo dɔdə́ tə́.

KOHELET 5:11

De kə́ nge rāā kəla ní ká əsań yá̰á̰ ngá̰ý a̰á̰ā̰ əsań yá̰á̰ ngá̰ý aĺ a̰á̰ā̰ ni to ɓīī majə. Banī yá̰a̰ kənge kə́ ngá̰ý yā nge yá̰a̰ kal̄ loo ɔgə̄n ɓīī.

PĀ GƏ̄ 116:9

Kadə̄ m̄-njə̄rań ta kum Kɔ́ɔ̄ɓē tə́ dɔ nang yā ngé ndi kə kumuú gə̄ tə́.

PĀ GƏ̄ 101:2

m̄-ndigə tɔgə kem háĺ kə́ gōtə́ tə́ kum kə̄ kété kété. I rə́ngáý tə́ n ā ī-reē rɔ̄ḿ tə́ ní? M-ā m̄-rāā háĺ kə́ gōtə́ dan deē yāḿ gə̄ tə́.

TA KƏLA 17:1

Abəram rāā ɓāl̄ kutə ndōhó gidə i ndōhó anī, Kɔ́ɔ̄ɓē ndɔ̄bə̄n ədan na: Mā i Nə́ɓā kə́ bo kə́ tɔ́gə́ḿ i ngá̰ý. Ī-njə̄rā ta kumḿ tə́ ō, ādə̄ najə̄ gətóo dɔí tə́ ō.

KOHELET 6:9

Ka̰a̰ kə kumuú i só tə́ tɔȳ ɓō yá̰á̰ kə́ rāā deē: Nge ń noō i yá̰á̰ kə́ kanjə̄ kumən kə́ to tītə̄ loo ngɔ̄də̄ gō nél yā kəhɔn beé.