KOHELET 5:13 - Bible sar

¹³ Yá̰a̰ kənge yān ní udə lim gíŕ yá̰á̰ kə́ majaĺ tə́. Ré ni ojə ngōn̄ anī yá̰á̰ sḛ́ý kə́ tām̄ yā ngōn̄ tə́ gətóo.

Bibəl ta Sar̄

¹³ Yá̰a̰ kənge yān ní udə lim gíŕ yá̰á̰ kə́ majaĺ tə́. Ré ni ojə ngōn̄ anī yá̰á̰ sḛ́ý kə́ tām̄ yā ngōn̄ tə́ gətóo.

KOHELET 5:13 Referans Kwoze

TA KƏLA 19:14

Lot aw̄ ənge umən gə̄ ń nongən̄ ngánən kə́ dəyá̰ gə̄ ní, ədadə́ na kə ḭḭn̄ dɔɔ́ kə teēn̄ kɔ̄ɔ́ kem ɓē ń toō tə́, na Kɔ́ɔ̄ɓē na a nujəń kɔ̄ɔ́. Ba umən gə̄ ndin̄ tītə̄ kə́ ni a ɔr̄ i najə̄ kɔsə kum beé.

Najə̄ kə́ Majə yā Jeju ń Luk ndang ní 16:19

Dəngam kógə̄ḿ kə́ ənge yá̰á̰ ngá̰ý ō, o̰ō̰ kūbə̄ kə́ kərē ning ō, sɔl̄ lɔ́ḿ lɔ́ḿ gə̄ ō, a əsa i yá̰á̰ kə́ majə majə gə̄ kə dɔ ndɔ̄ gə̄ ō, ndi kem ɓē kógə̄ḿ tə́ noō.

SOPONI 1:18

Gində̄ arjā̰a̰ yādə́ ō, lɔ́r yādə́ ō, a asə kajədə́ ndɔ̄ ń Kɔ́ɔ̄ɓē a rāań wōn̄g tə́ ní alé. Hor wōn̄g yān kə́ ngá̰ý a nujə dɔ nang malang. A̰á̰ā̰, i yá̰á̰ kə́ to ɓōĺ ngá̰ý. Kɔ́ɔ̄ɓē a nujə de gə̄ malang kə́ dɔ nang tə́ kɔ̄ɔ́.

KOHELET 8:9

M-á̰á̰ yá̰a̰ gə̄ ń noō malang i dan ń m-ā m-ə̄ndań ma̰ȳ yá̰á̰ malang ń de gə̄ a rāān̄ dɔ nang tə́ ní, dan ń deē əndā tɔ́gən dɔ deē madə̄n tə́ yā rāānneé yá̰á̰ kə́ majaĺ ní.

KOHELET 4:8

De kógə̄ḿ kə́ nəkɔ́ i kə kérneé, madə̄ njə̄rān aĺ ō, ngōnən aĺ ō, ngōkó̰o̰n deē aĺ ō, banī rāā kəla dan gān̄g aĺ ō, yá̰a̰ kənge asən aĺ ō, banī ni-dəje rɔ̄n najə̄ əda na: Mā m̄-rāā kəla ō, m̄-mbātə́ ndi majə ō, i tām̄ yā náā tə́? Nge ń noō i yá̰á̰ kə́ kanjə̄ kumən, i yá̰á̰ kə́ majaĺ.

Gōsə̄ najə̄ gə̄ 11:4

Ndɔ̄ wōn̄g tə́ anī yá̰a̰ kənge i yá̰á̰ kə́ karī, banī háĺ kə́ gōtə́ a taā deē ta yo tə́,

Gōsə̄ najə̄ gə̄ 1:32

Tɔdɔ̄ i mbātə́ kum kedə̄ n tɔ̄l̄ de kə́ mbóo ō, i kusə kə́ usən dɔ yá̰á̰ tə́ aĺ n ta de kə́ kur dɔn gətóo tḭ̄ḭ̄iń ō ní.

Gōsə̄ najə̄ gə̄ 1:19

Tām̄ ta tɔ̄l̄ ta ngé ɓogə gə̄ a to i tītə̄ ń noō: Ngé ɓogə gə̄ a oyn̄ i yo ɓogə.

TA KƏLA 14:16

Ni-taā yá̰a̰ kənge gə̄ ń ɔyn̄ ní malang, téləń. Ni-tél kə Lot ń i ngōn̄ ngōkó̰o̰n ní kə yá̰a̰ kəngen gēé ō, kə dəyá̰ gēé ō, kə kósə de gēé ō.

Najə̄ kə́ Majə yā Jeju ń Luk ndang ní 19:8

Banī Jase ḭḭ ra no Jeju tə́, ba ədan na: Kɔ́ɔ̄ɓē kə́ rɔ̄kum tə́ ní, m-ā m-ādə̄ núsə yá̰a̰ kənge yāḿ gə̄ ngé ndoō gə̄. Tá ré m̄-rāā yá̰á̰ kə́ gōtə́ aĺ kə deē kógə̄ḿ anī, m-ā m̄-tél yā kadə̄ kɔ́ɔ̄ yá̰a̰ yān gogə́ kadə̄ mān̄ dɔɔ́ nja sɔ́.

IJAI 2:20

Ndɔ̄ ngeé ń noō tə́ ní, yá̰a̰ gə̄ ń de gə̄ rāān̄də́ yā kɔsə kejədə́ nang tə́ nodə́ tə́, adə̄ i nə́ɓā yādə́ kə́ rɔ̄kum aĺ gə̄ kə́ rāā kə gində̄ arjā̰a̰ ō, lɔ́r ō ní, kɔ́ɔ̄ gə̄ a tə́nīn̄də́ yā kadə̄ yégə̄ gə̄ ō, birbir gə̄ ō.

TA KƏLA 19:26

Nə̄yá̰ Lot mbel a̰a̰ loo kum kə̄ gogə́ anī, ni-tél hīl̄ katə̄.

Makətūbə̄ yā Job 20:20

Dan ń yá̰a̰ asə tan aĺ ní, yá̰á̰ kógə̄ḿ kə́ tū yá̰a̰ kənge yān gə̄ tə́ kə́ ni a asə ngɔ̄m̄ a gətóo.

KOHELET 5:14

Ni a əya̰ dɔ nang ń toō ba a tél yā kaw̄ gogə́ i rɔ̄n karī tītə̄ ń teēń kem kó̰o̰n tə́ ní. Ni a ənge yá̰á̰ kógə̄ḿ tū kəla ń ni-rāā tə́ ní yā kəhɔ jīn tə́ kaw̄ń alé.

Gōsə̄ najə̄ gə̄ 23:4

Ī-lōō kɔr ndāńg karī gō yá̰a̰ kənge tə́, ī-lōō gír̄ dɔ tə́.

Gōsə̄ najə̄ gə̄ 27:24

Tɔdɔ̄ yá̰a̰ kənge i yá̰á̰ kə́ a tó ngándáńg aĺ ō, *jākā mbang i yá̰á̰ kə́ a to ngándáńg aĺ ō.