KOHELET 5:10 - Bible sar

¹⁰ Loo ń yá̰a̰ kənge i ngá̰ý anī, ngé kəsan gə̄ i ngá̰ý ō. Yá̰á̰ ń kɔ́ɔ̄n a ənge gírí ní i ka̰a̰ yá̰a̰ kənge yā n kə kumneé ngóy aĺ a?

Bibəl ta Sar̄

¹⁰ Loo ń yá̰a̰ kənge i ngá̰ý anī, ngé kəsan gə̄ i ngá̰ý ō. Yá̰á̰ ń kɔ́ɔ̄n a ənge gírí ní i ka̰a̰ yá̰a̰ kənge yā n kə kumneé ngóy aĺ a?

KOHELET 5:10 Referans Kwoze

1 TIMOTE 6:10

Tɔdɔ̄ ngəra yá̰á̰ kə́ tōr̄ gə̄ malang, i rāā ta nar. Dan ń ngé kə́rēý gə̄ adə̄n̄ rɔ̄də́ njɔ́ḿ tāmən tə́ ní, nin̄-əya̰n̄ taā kem kɔ̄ɔ́, ba ndúm̄ aw̄n̄ sa̰y ō, yá̰á̰ kə́ tōr̄ kə́ tayā tayā gə̄ rāān̄də́ ō.

MATIYE 6:24

De kə́ asə rāā kəla yā kɔ́ɔ̄n gə̄ jōó mbak gətóo. Ré ni a im̄ kə́ kógə̄ḿ ba a táŕ kə́rēý, aĺ ɓáa a əhɔ gō nge kə́ kógə̄ḿ ba a kídə̄ kə́rēý. Sḭḭ̄ ásiī rāā kəla yā Nə́ɓā ō, yā nar ō, naā tə́ mbak alé.

Najə̄ kə́ Majə yā Jeju ń Luk ndang ní 12:15

Gō tə́ anī əda de gə̄ malang na kə əndān̄ kum kedə̄ dɔ rɔ̄də́ tə́ majə najə̄ yā kum ndaa yá̰á̰ tə́. Tām̄ ká yá̰a̰ kənge yā deē i ngá̰ý gə̄gē, i yá̰a̰ kənge n i nge rāā kadə̄ deē ndi kə kumneé ní alé.

MATIYE 6:19

Ī-lōōī kɔsə dɔ dūbə̄ yá̰a̰ kənge yāsí gə̄ kə̄ naā tə́ dɔ nang tə́ laā. Tām̄ dɔ nang tə́ laā kārā a əhɔ ō, yō̰ gə̄ a o̰o̰n̄ kɔ̄ɔ́ ō, ngé ɓogə gə̄ a mbútə̄n̄ kum ndogə̄ mbal̄ yā kɔyń ō.

KOHELET 4:8

De kógə̄ḿ kə́ nəkɔ́ i kə kérneé, madə̄ njə̄rān aĺ ō, ngōnən aĺ ō, ngōkó̰o̰n deē aĺ ō, banī rāā kəla dan gān̄g aĺ ō, yá̰a̰ kənge asən aĺ ō, banī ni-dəje rɔ̄n najə̄ əda na: Mā m̄-rāā kəla ō, m̄-mbātə́ ndi majə ō, i tām̄ yā náā tə́? Nge ń noō i yá̰á̰ kə́ kanjə̄ kumən, i yá̰á̰ kə́ majaĺ.

KOHELET 4:4

Mā m-á̰a̰ kadə̄ kəla malang ō, kəndā kə́ de gə̄ əndān̄ rɔ̄də́ ta kəla yādə́ tə́ rāān̄ adə̄ majə ō, i kəndā naā nii. I yá̰á̰ kə́ kanjə̄ kumən tītə̄ ngɔ̄də̄ gō nél yā kəhɔn beē.

PĀ GƏ̄ 62:10

A̰á̰ā̰, de gə̄ i nél karī ō, ngé rī ɓār̄ gə̄ i sor̄ karī ō. Ré deē mbɔ̄jə́də́ malang naā tə́ anī, nél ɔȳ tɔȳdə́.

KOHELET 2:26

A̰á̰ā̰, deē ń nelə̄n seneé ní ni-adə̄n kum kedə̄ ō yá̰a̰ ger̄ ō, rɔ̄nel̄ ō. Banī ni-adə̄ nge rāā majaĺ kəla k ɔsə nja yá̰a̰ kə̄ naā tə́ ō, kán̄ yá̰a̰ kə̄ dɔ naā tə́ ō, yā kadə̄ deē ń nel̄ Nə́ɓā seneé ní. Nge ń noō i yá̰á̰ kə́ kanjə̄ kumən ō, i ngɔ̄də̄ gō nél yā kəhɔn ō.

PĀ GƏ̄ 52:7

Adə̄ Nə́ɓā a nujiī kɔ̄ɔ́ i kə́ njɔ́ḿ gə̄ tə́. Ni a ndɔ́rī yā teē seí kɔ̄ɔ́ kem kújə tandā yāí tə́. A ɔrī kɔ̄ɔ́ kə ngəraí gēé dɔ nang ń de kə́ kə kumuú gə̄ ndin̄ tū tə́ ní tə́.

KOHELET 2:11

Banī m̄-tél m̄-tūr̄ rɔ̄ḿ kə̄ rɔ̄ kəla gə̄ malang ń m̄-rāādə́ kə jīḿ ní tə́ ō, kə̄ rɔ̄ kəla ń rāān tōr̄ rɔ̄ḿ ngá̰ý ní tə́ ō. M-á̰a̰ kadə̄ yá̰a̰ gə̄ ń noō malang i yá̰á̰ kə́ kanjə̄ kumən tītə̄ loo ngɔ̄də́ gō nél yā kəhɔn beé. Deē a ənge yá̰á̰ kógə̄ḿ gírí dɔ nang tə́ laā alé.

KOHELET 4:16

De gə̄ malang ń ni i ngār yādə́ ní, i kósə de gə̄ kə́ dum̄ tə́da kutədə́. Ɓá tā ba ngáńdə́ gə̄ ń a utə̄n̄ gōdə́ ní rɔ̄də́ a nel̄də́ ngá̰ý tām̄ yā ngār ní tə́ alé. Tɔdɔ̄ nge ń noō i yá̰á̰ kə́ kanjə̄ kumən kə́ tītə̄ loo ngɔ̄də̄ gō nél yā kəhɔn.

KOHELET 3:19

Tɔdɔ̄ ta tɔ̄l̄ ta deē to i tītə̄ ta tɔ̄l̄ ta dā̰ beé. Yá̰á̰ ń rāādə́ ní i yá̰á̰ kə́ kógə̄ḿ beē. Koy dā̰ i tītə̄ loo koy deē ndul. Koō ndi kə kumuú yādə́ to tītə̄ naā. Deē ndul tɔȳ dā̰ alé, tɔdɔ̄ yá̰a̰ malang i kə́ kumən gətóo.

KOHELET 6:7

Kəla malang ń deē rāā ní i yā kəngeń yá̰a̰ kəsa kə́ tan tə́, ɓá tā ba tɔ̄l̄ ɓō yá̰á̰ kə́ kemən tə́ alé.

KOHELET 1:17

m̄-gḛy ger̄ dɔ nin̄ kum kedə̄ ō, mbóo ō. m̄-gḛy ger̄ dɔ nin̄ yá̰á̰ kə́ to ngáā ō, yá̰a̰ kə́ kumən gətóo ō ba m-á̰a̰ kadə̄ nge ń noō i ngɔ̄də̄ gō nél.

PĀ GƏ̄ 52:1

Pā kə́ kem makətūbə̄ yā ngār yā gōsə̄ Pā gə̄ tə́. I pā yā Dabid kə́ yā ndóoń deē yá̰a̰.

KOHELET 1:8

Yá̰a̰ gə̄ malang rāān̄ kəla, banī deē asə kəda malang alé. Asə deē ka̰a̰ loo kə kumneé aĺ ō, asə deē koō loo kə mbīneé aĺ ō.

KOHELET 2:10

Yá̰a̰ malang ń kumḿ gḛy ka̰ā̰ ní m-ɔ̄gən ka̰ā̰ alé. M-ɔ̄gə̄ rɔ̄ḿ yá̰á̰ kə́ nelə̄n alé, tɔdɔ̄ kəla malang ń m̄-rāā ní kemḿ nelə̄m̄ loon tə́: Nge ń noō i rɔ̄nel̄ ń kəla rāāḿ teēń ní n m-ə́ngé núsən yāḿ noō.

KOHELET 5:9

Deē ń gḛy nar ngá̰ý ní nar asən aĺ ō, deē ń gḛy yá̰a̰ kənge ngá̰ý ní ger̄ nelən aĺ ō. Nge ń noō i yá̰á̰ kə́ kanjə̄ kumən ō.