KOHELET 5:1 - Bible sar

¹ Ī-lōō teē taí kədań najə̄ láẃ ō, tebəle kənī míndí kadə̄ Nə́ɓā ō. Tɔdɔ̄ Nə́ɓā ndi i dɔ rā̰ tə́ ō, ḭ̄ ī-ndi i dɔ nang tə́ ō. I beé ní ādə̄ najə̄ yāí i ngá̰ý alé!

Bibəl ta Sar̄

¹ Ī-lōō teē taí kədań najə̄ láẃ ō, tebəle kənī míndí kadə̄ Nə́ɓā ō. Tɔdɔ̄ Nə́ɓā ndi i dɔ rā̰ tə́ ō, ḭ̄ ī-ndi i dɔ nang tə́ ō. I beé ní ādə̄ najə̄ yāí i ngá̰ý alé!

KOHELET 5:1 Referans Kwoze

JAKƏ 1:19

Ngákó̰ó̰ḿ kə́ kó tár yāḿ gə̄, majə kadə̄ ī-gerī yá̰á̰ ń toō: Ī-nēlī mbīsí majə ōōīneé najə̄ láẃ, banī ɔ̄rī najə̄ láẃ aĺ ō, ī-rāāī wōn̄g láẃ aĺ ō.

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

Gōsə̄ najə̄ gə̄ 21:27

Yá̰a̰ tun̄ yā ngé kem ndul gə̄ i yá̰á̰ kə́ to yḛr kum, tɔdɔ̄ nin̄-tunə̄n̄ yá̰á̰ ní i kə ngamaá kemdə́ tə́.

PĀ GƏ̄ 89:7

Kɔ́ɔ̄ɓē, de kə́ asə seí gətóo dɔ rā̰ tə́. Dan nə́ɓā gə̄ tə́ ní, nge kə́ to tītə̄ Kɔ́ɔ̄ɓē gətóo.

JOJUE 5:15

Anī ngol ngé rɔ̄ɔ̄ gə̄ yā Kɔ́ɔ̄ɓē əda Jojue na: Ɔ̄r̄ sākə̄rā kə́ njaí tə́ kɔ̄ɔ́, tām̄ loo ń ī-ra tū tə́ toó i *loo kə́ tá. Anī Jojue rāā tītə̄ ń ədanəń ní.

Teē Ngán Israel gə̄ 3:5

Anī Kɔ́ɔ̄ɓē əda na: Ī-lōō reē ngɔr. Ɔ̄r̄ sākə̄rā kə́ njaí tə́ kɔ̄ɔ́, tɔdɔ̄ ī-ra i *loo kə́ táĺ tə́.

HEBƏRO 10:26

Tɔdɔ̄ ré jə-gerī najə̄ kə́ rɔ̄kum pá tá jə-na̰yiī kə̄ loo rāā yá̰á̰ kə́ majaĺ tə́ kə gō kem ndigə yājí anī, gotə *yá̰a̰ tun̄ kə́ tām̄ majaĺ tə́ gətóo.

1 KORḚNTƏ 11:22

Ə́ngeī i kújə kə́ yā kadə̄ ə́saī yá̰a̰ ō ā̰yī yá̰a̰ ō kemeé aĺ i mbéé a? Aké ī-kídī i Egəlijə yā Nə́ɓā ō, ī-sāāī i kəla rɔ̄sɔl̄ dɔ ngé gə̄ ń yá̰a̰ yādə́ gətóó tə́ ō ní a? Kə m-ə́dásí na i rí? Kə m̄-tɔ̄ȳsí najə̄n tə́ a? ḿm, mā m-ā m̄-tɔ̄ȳsí tām̄ yā nge ń noō tə́ alé.

IJAI 66:3

Tá kə́ tām̄ yā yá̰á̰ kə́ yā tun̄ tə́ ní, de gə̄ tɔ̄lə̄n̄ man̄g kə́ bəra gə̄, banī nin̄-ran̄ dɔ tə́ noō tɔ̄lə̄n̄ de gə̄. Nin̄ əjan̄ míndə batə̄ gə̄, banī nin̄ ran̄ dɔ tə́ noō ndējə̄n̄ bísə gə̄. Nin̄-ndējə̄mə̄n̄ yá̰a̰, banī nin̄ ran̄ dɔ tə́ noō ɓōkə́n̄ mósə kosong nang tə́. Nin̄-róōn̄ ndujə̄ yá̰á̰ kə́ kotə majə gə̄ adə̄mə̄n̄, banī nin̄-ran̄ dɔ tə́ noō rɔȳn̄ nə́ɓā kə́ rɔ̄kum aĺ gə̄. Nin̄ gə̄rān̄ i rāā yá̰á̰ kə́ nel̄də́ ō, yá̰á̰ kə́ majaĺ ngá̰ý gə̄ ń noō nel̄də́ ō.

KƏLA RĀĀ 17:11

Kem *Jipə kə́ Bere tə́ gə̄ majə tɔȳ yā ngé kə́ Tesalonik tə́ gə̄. Nin̄-ndigən̄ najə̄ yā Nə́ɓā láẃ ngá̰ý ō, əndān̄ ma̰ȳ najə̄ kə́ ndang kem makətūbə̄ yā Nə́ɓā tə́ kə dɔ ndɔ̄ gə̄, yā ka̰a̰ń ké najə̄ ń Pol əda ní ké i rɔ̄kum wa ō.

KƏLA RĀĀ 10:33

M-ə́la kəla gōí tə́ kə̄ ta jī tə́ beē, adə̄ ī-reē ní ī-rāā i yá̰á̰ kə́ majə ngá̰ý. Kə́ ngɔr ń toō tə́ ɓáa jə-ndi malang ta kum Nə́ɓā tə́ laā, yā koō yá̰a̰ malang ń Kɔ́ɔ̄ɓē ədaī na kə ə́dájí ní.

LEBI GƏ̄ 10:3

Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

2 YÁ̰A̰ GƏ̄ 26:16

Banī tɔ́gə̄n ní rāān adə̄ ɔjə rɔ̄n, ba kɔjə rɔ̄ yān kə́ kemən tə́ ní aw̄ seneé bátə́ tḭ̄ḭ̄ tan. Ni-rāā háĺ kə́ sew aĺ kə Kɔ́ɔ̄ɓē Nə́ɓā yānneé, udə kem *kújə yā Kɔ́ɔ̄ɓē tə́ yā róō kajaja dɔ *loo róō ndujə̄ yá̰á̰ kə́ kotə majə tə́ yā kadə̄ Kɔ́ɔ̄ɓē.

Teē Ngán Israel gə̄ 30:18

Ā ī-rāā bay gində̄ nə̄ngá kasə kə́ kə njaneé tām̄ yā man̄ tə́go rɔ̄ tə́. Ā ə̄ndān dɔ dáń *kújə kənge naā tə́ kə *loo tun̄ yá̰á̰ yā ɓōkə́ man̄ kemeé.

Makətūbə̄ yā Job 11:2

Najə̄ kə́ kɔr̄ kadə̄ asə naā beé ń toō kə deē tūr̄ aĺ a? I ger̄ kɔr̄ najə̄ ngá̰ý n ɔjə kadə̄ najə̄ i yā deē ní a?

Makətūbə̄ yā Job 22:12

Nə́ɓā ndi i dɔɔ́ dɔ rā̰ tə́ aĺ a? Á̰a̰ no rā̰ ń tə́yō̰ gə̄ ndangən̄ ngururu tū tə́ ní, i dɔɔ́ sa̰y ngá̰ý rɔ̄kum.

Gōsə̄ najə̄ gə̄ 10:19

Loo kə́ najə̄ i ngá̰ý tū tə́ a lōō majaĺ alé, banī de kə́ nge ngɔ̄m̄ ta ndo̰o̰n i de kə́ ger̄ kum yá̰a̰.