KOHELET 3:6 - Bible sar

⁶ Kum mbang kə́ yā kadə̄ deē sāań yá̰a̰ i noó ō, ni kə́ yā kadə̄ tḭ̄ḭń ta yá̰a̰ kɔ̄ɔ́ i noó ō.

Bibəl ta Sar̄

⁶ Kum mbang kə́ yā kadə̄ deē sāań yá̰a̰ i noó ō, ni kə́ yā kadə̄ tḭ̄ḭń ta yá̰a̰ kɔ̄ɔ́ i noó ō.

KOHELET 3:6 Referans Kwoze

KƏLA RĀĀ 27:19

Teē kə ndɔ̄ kə́ nge ko̰ mətá anī, ngé rāā kəla kem to boó gə̄ ɔyn̄ yá̰a̰ to gə̄ kə jīdə́ ɓōkə́n̄ kum man̄ tə́ kɔ̄ɔ́.

KƏLA RĀĀ 27:38

Dan ń əsan̄ yá̰a̰ asədə́ anī, ɓōkə́n̄ gémē bāá kɔ̄ɔ́ kadə̄ too bo hɔɔ́lɔń.

MATIYE 19:29

Tá deē ń a əya̰ kújə yān gə̄, aláa ngákó̰o̰n kə́ dəngam gə̄, aláa kə́ dəyá̰ gə̄, aláa bɔbə̄n, aláa kó̰o̰n, aláa ngánən gə̄, aláa ndɔr̄ yān gə̄ kɔ̄ɔ́ najə̄ yāḿ mā tə́ ní, kɔ́ɔ̄ a ənge tɔȳ ni ń noó nja ɓú ō, a ənge ndi kə kumuú kə́ ta ngóyn a gətóo ō.

KOHELET 11:1

Ə̄nī yá̰a̰ kəsa yāí dɔ man̄ tə́, tɔdɔ̄ bátə́ gə̄gē anī ā ī-tél yā kənge gogə́.

PĀ GƏ̄ 112:9

Ni-adə̄ ngé rɔ̄ tō ndoō gə̄ yá̰á̰ ngá̰ý. Háĺ kə́ gōtə́ yān to ngándáńg, ni-ɔr̄ dɔn dɔɔ́ kanjə̄ rɔ̄sɔl̄.

2 MBAN̄G 5:26

Elije ədan na: Deē ń risə kem púsə sə́nda yān tə́ ba aw̄ ton a taí ní, ndílə́ḿ á̰a̰n aĺ a? Dan n j-awineé toō i mbang taā nar ā? I mbang taā kūbə̄ ō, *kāgə̄ olibə ō, ndɔr̄ *kāgə̄ nduú ō, batə̄ ō, man̄g ō, kə ngé kəla kə́ dəngam, aláa kə́ dəyá̰ ō a?

JONAS 1:5

Ɓōĺ rāā ngé rāā kəla kem toó gə̄, adə̄ nin̄ kógə̄ḿ kógə̄ḿ ní, náā nəkɔ́ ɓáa a əga i kɔŕ kə̄ dɔ nə́ɓā yān tə́. Nin̄ ɔyn̄ yá̰a̰ malang kə́ kem toó ɓōkə́n̄ kɔ̄ɔ́ kum bā tə́, yā kadə̄ to hɔɔ́lɔń. Dan ngeé ń noō tə́ ní, Jonas risə aw̄ gə́le to bo tə́ aké to a ɓīī kə́ gōn əsō kɔ̄ɔ́.

IJAI 2:20

Ndɔ̄ ngeé ń noō tə́ ní, yá̰a̰ gə̄ ń de gə̄ rāān̄də́ yā kɔsə kejədə́ nang tə́ nodə́ tə́, adə̄ i nə́ɓā yādə́ kə́ rɔ̄kum aĺ gə̄ kə́ rāā kə gində̄ arjā̰a̰ ō, lɔ́r ō ní, kɔ́ɔ̄ gə̄ a tə́nīn̄də́ yā kadə̄ yégə̄ gə̄ ō, birbir gə̄ ō.

2 MBAN̄G 8:9

Hajael aw̄ ənge Elije. Ni ɔy yá̰á̰ kə́ majə majə gə̄ kə́ Damas adə̄ jámbal gə̄ kutə sɔ́ ətōn̄. Ni-aw̄ kə yá̰a̰ gə̄ ní yā ndējə̄ Elije. Dan ń reē ugə̄ rɔ̄ Elije tə́ anī, əda na: Ngōnīí Ben Hadad, mban̄g kə́ Aram, əlam̄ rɔ̄í tə́, əda na kə m̄-reē kə m̄-dəjeī ké n-a n-ḭḭ dɔ mo̰y ń toō tə́ wa.

2 MBAN̄G 7:15

De gə̄ ní unən̄ tó ngé rɔ̄ɔ̄ gə̄ bátə́ aw̄ ugə̄n̄ bā Jurdḛ tə́. Nin̄-a̰a̰n̄ kūbə̄ gə̄ ō, yá̰a̰ gə̄ ngá̰ý ō, kə́ ton̄ kə gō róbó gō tóo Aram gə̄ ń a̰ȳn̄ naā kə tebəle gēé á ɓōkə́n̄ kɔ̄ɔ́ tə́ ní. Ngé kəla gə̄ tél reē ədan̄ mban̄g.

TA KƏLA 31:18

Ni ɔy yá̰a̰ kul̄ yān gə̄ ō, yá̰a̰ gə̄ ń ni ənge Mesopotami ní ō malang, ba aw̄ kə̄ rɔ̄ bɔbə̄n Isaak tə́ dɔ nang kə́ Kanaan tə́.

KOHELET 3:5

Kum mbang kə́ yā kadə̄ deē tə́nań mbal̄ gə̄ kɔ̄ɔ́ i noó ō, ni kə́ yā kɔyńdə́ i noó ō. Kum mbang kə́ yā kadə̄ deē əhɔń madə̄n kə̄ rɔ̄n tə́ ɓirə̄n dagə i noó ō, ni kə́ yā kadə̄ deē əhɔń madə̄n kə̄ rɔ̄n tə́ aĺ i noó ō.

KOHELET 3:7

Kum mbang kə́ yā kadə̄ deē rə̄ya̰ń kūbə̄ i noó ō, ni kə́ yā kadə̄ deē urə̄ń i noó ō. Kum mbang kə́ yā kadə̄ deē ndiń tan mbóo i noó ō, ni kə́ yā kadə̄ deē ɔrə̄ń najə̄ i noó ō.