Biblia Todo Logo
Bib sou entènèt

- Piblisite -




KOHELET 3:13 - Bible sar

13 Loo ń ré deē əsa ō a̰ȳ ō, ger̄ yá̰á̰ kə́ teē tū kəla yān tə́ ō anī, nge ń noō i kadə̄ karī yā Nə́ɓā.

Gade chapit la Kopi

Bibəl ta Sar̄

13 Loo ń ré deē əsa ō a̰ȳ ō, ger̄ yá̰á̰ kə́ teē tū kəla yān tə́ ō anī, nge ń noō i kadə̄ karī yā Nə́ɓā.

Gade chapit la Kopi




KOHELET 3:13
14 Referans Kwoze  

Loo ń noō tə́ ní ə́sá yá̰a̰ yāí kə rɔ̄nelēé ō, ə̄nī kemií ā̰yń kasə *nduú ō, tɔdɔ̄ Nə́ɓā ndigə yá̰a̰ rāāí gə̄ kɔ̄ɔ́ ɓá.


Yá̰á̰ kə́ majə tām̄ yā deē tə́ gətóo, ngá̰ý anī i kəsa yá̰a̰ ō ka̰ȳ ō, i kadə̄ kem deē nelə̄n loo rāā kəla yān tə́ ō ngóy. Mā m-á̰a̰ kadə̄ nge ń noō i Nə́ɓā n i nge kadə̄ deē kə jīneé ō.


Əsa tətōí īkɔ́ a ā ī-ndi majə ō rɔ̄í a nelī ō!


Tītə̄ ń toō Nə́ɓā adə̄ deē kógə̄ḿ yá̰á̰ ngá̰ý ō, adə̄n yá̰a̰ kənge gə̄ ō, kɔsə gɔn ō, yá̰a̰ malang ń kemən gḛy ní ənge ō, banī Nə́ɓā əya̰n adə̄ əsa yá̰a̰ yān ní alé, ba i de kə́ rang n i nge kəsa ní. Nge ń noō i yá̰á̰ kə́ kanjə̄ kumən ō, i yá̰á̰ kə́ majaĺ kə́ tōr̄ ngá̰ý ō,


Ā ə́saī i loo ń noō tə́ ta kum Kɔ́ɔ̄ɓē Nə́ɓā yāsí tə́ kə gír kojə yāsí gēé. Ā ī-rāāī rɔ̄nel̄ dɔ kəla malang ń ī-rāāī á Kɔ́ɔ̄ɓē Nə́ɓā yāsí rāā adə̄ teē yá̰á̰ tə́ ní.


Gō tə́ anī yá̰á̰ kə́ majə gə̄ malang ń Kɔ́ɔ̄ɓē Nə́ɓā yāí adī ḭ̄ naā tə́ de kə́ kem kújə yāí tə́ gə̄ ní, ā ī-rāāī rɔ̄nelə̄n naā tə́ kə *ngōn̄ Lebi ō, tə̄rā kə́ nge nam̄ ō ń ndin̄ dɔ nang yāí tə́ ní.


Ngánə́ḿ gə̄, ī-reē ōōī najə̄ kɔrə̄ḿ! M-ā m-ɔ́jə́sí loo ɓōĺ ndíĺ Kɔ́ɔ̄ɓē.


m̄-gḛy nāā rāā rɔ̄nel̄ ń kasə *nduú a adə̄ deē ní ō, m̄-gḛy ndájə̄ yá̰a̰ rāā de kə́ mbóo gə̄ ō, kanjə̄ kəya̰ rɔ̄ḿ kadə̄ yá̰á̰ kə́rēý o̰o̰ ɓē dɔ tə́. m̄-sāā ger̄ kum yá̰á̰ kə́ to só tə́ ń kadə̄ deē ndul gə̄ rāān̄ dan ń ndin̄neé kə kumdə́ dɔ nang tə́ ní.


Mā m-ə́da na rɔ̄nel̄ i yá̰á̰ kə́ majə. Tɔdɔ̄ yá̰á̰ kə́ dɔ nang tə́ kə́ majə tām̄ yā deē tə́ i kəsa yá̰a̰ ō, ka̰ȳ ō, rāā rɔ̄nel̄ ō ngóy, yá̰á̰ kə́ rang kə́ majə gətóo. Yá̰á̰ ń kadə̄ utə̄ gō kəla yā deē kə dɔ ndɔ̄ gə̄ ń Nə́ɓā adə̄n kadə̄ ndiń kə kumneé dɔ nang tə́ ní n noó.


Swiv nou:

Piblisite


Piblisite