KOHELET 2:5 - Bible sar

⁵ m̄-rāā ngán ndɔr̄ tá̰a̰ gə̄ ō kāgə̄ gə̄ ō, tām̄ yāḿ tə́. M-ə́hɔ kāgə̄ kə́ tayā tayā gə̄ kə́ a anə̄n̄ ō tū tə́.

Bibəl ta Sar̄

⁵ m̄-rāā ngán ndɔr̄ tá̰a̰ gə̄ ō kāgə̄ gə̄ ō, tām̄ yāḿ tə́. M-ə́hɔ kāgə̄ kə́ tayā tayā gə̄ kə́ a anə̄n̄ ō tū tə́.

KOHELET 2:5 Referans Kwoze

JEREMI 39:4

Dan ń Sedekias, mban̄g kə́ *Juda tə́ ō, ngé rɔ̄ɔ̄ gə̄ malang ō, a̰a̰n̄də́ anī, nin̄ teēn̄ kɔ̄ɔ́ kem ɓēé a̰ȳn̄ naā, teēn̄ kem ndɔr̄ yā mban̄g tə́ dan ndɔ̄ɔ́, kə ta róbə́ kə́ dɔ dán ndogə̄ mbal̄ kə́ jōó gə̄ tə́. Adə̄ nin̄ a̰ȳn̄ naā i kum kə̄ Araba tə́.

PĀ KƏ́ MAJƏ 6:2

Kó tár yāḿ aw̄ i kem ndɔr̄ yān tə́, kem ndɔr̄ hútə̄ yá̰á̰ kə́ otə majə tə́, kadə̄ yá̰a̰ kul̄ yān gə̄ əsan̄ yá̰a̰ kemeé ō, kadə̄ aw̄ ɔr̄ hútə̄ ndə́ja lis gə̄ kə́ kemeé ō.

PĀ KƏ́ MAJƏ 4:12

Ngōkó̰ó̰ḿ kə́ dəyá̰, nge *nong yāḿ, ḭ̄ i ndɔr̄ kə́ kəga yá̰a̰ dɔ tə́ ba kutə̄ ta kə lakélé. Ḭ̄ i kəɓa man̄ kə́ utə̄n̄ ta kə lakélé, ḭ̄ i bəlo man̄ kə́ kutə̄ ta!

NEHEMI 2:8

Ādə̄ adə̄mə̄n̄ makətūbə̄ kə́ tām̄ yā Asap nge ngɔ̄m̄ ku kāgə̄ gə̄ yā mban̄g tə́ ō, kadə̄ adə̄m̄neé kāgə̄ tə́ tām̄ yā ta róbə gə̄ kə́ tū kújə́ kə́ ngan̄g kə́ kadə *kújə yā Kɔ́ɔ̄ɓē tə́ ō, ndogə̄ mbal̄ kə́ dɔ ɓē tə́ ō, kújə́ ń mā m-ā m̄-ndi kemeé ní ō. Mban̄g adə̄m̄ makətūbə̄ gə̄ ní, tɔdɔ̄ jī Nə́ɓā yāḿ kə́ majə i dɔḿ tə́.

PĀ KƏ́ MAJƏ 4:13

Ngán kāgə̄ yāí gə̄ kə́ kəɓa gír madāá i loo rɔ̄nel̄ kə́ kan̄ kāgə̄ gərenadə gə̄ i tū tə́, naā tə́ kə kan̄ kāgə̄ kə́ nel̄ ngá̰ý gə̄. Sēē yá̰á̰ kə́ kotə majə gə̄ əngen̄ naā loo ń noō tə́: Adə̄ i sēē hínē nin̄ kə sēē mu nár ō.

PĀ KƏ́ MAJƏ 4:16

Néĺ kə́ dām̄ mbɔ́r ɓē kə́ ko̰ó̰ tə́ ō geleé tə́ ō, ī-ndólī dɔ ɓīī tə́ ba ī-reēī, ə́laī dɔ ndɔr̄ yāḿ tə́, kadə̄ sēē yá̰á̰ kə́ kotə majə kə́ kemeé gə̄ otən̄! Ādə̄ kó tár yāḿ reē kem ndɔr̄ yān tə́ əsa kan̄ kāgə̄ kə́ nel̄ ngá̰ý gə̄ kə́ kemeé!

PĀ KƏ́ MAJƏ 5:1

Ngōkó̰ó̰ḿ kə́ dəyá̰, nge *nong yāḿ, m̄-reē kem ndɔr̄ yāḿ tə́. M-ɔ̄r̄ nō kāgə̄ *mír yāḿ naā tə́ kə nō kāgə̄ bomə yāḿ. M-ə́sa mbar̄ tejə yāḿ ō, m-ó̰o̰ yibə̄ tejə yāḿ ō. M-ā̰ȳ kasə *nduú yāḿ ō, m-ā̰ȳ mba yāḿ ō! Madə̄ḿ gə̄, ə́saī yá̰a̰ ō, ā̰yī ō, ādī tár rāāsí kə́ kasə tə́!