KOHELET 2:22 - Bible sar

²² Beé ní kəla malang ń kem deē i dɔ tə́ ngá̰ý á a̰a̰ tápə̄ loo rāān tə́ kum mbang tə́ ní a ənge rí i gírí?

Bibəl ta Sar̄

²² Beé ní kəla malang ń kem deē i dɔ tə́ ngá̰ý á a̰a̰ tápə̄ loo rāān tə́ kum mbang tə́ ní a ənge rí i gírí?

KOHELET 2:22 Referans Kwoze

KOHELET 1:3

Deē a ənge i rí gír kəla malang ń a̰a̰ tápə loo rāā tə́ dɔ nang tə́ ní?

PĀ GƏ̄ 127:2

Ī-ndebiī ta ndól̄ kə gír looí ɓatə i ndāńg karī, ī-toī nang tə́ láẃ aĺ i ndāńg karī, ī-tápī ngá̰ý gíŕ yá̰a̰ kəsaá i ndāńg karī! Kɔ́ɔ̄ɓē a adə̄ madə̄n ń to a ɓīī ní kadə̄ asə naā kə yāsí ń ə́ngeī ní.

1 PIYER 5:7

Yá̰a̰ gə̄ malang ń rāān̄sí adə̄ ī-ndiī kə sōlōó kekəre ní, ɔ̄rī dɔsí gíŕdə́ tə́ ba ī-ɓōkíīdə́ dɔn tə́, tɔdɔ̄ i ni n i nge ka̰a̰ gōsí ní.

1 TIMOTE 6:8

Adə̄ ré j-əngeī yá̰a̰ kəsa ō, kūbə̄ ko̰ō̰ ō anī, nge ń noō asəjí.

PILIPƏ 4:6

Ī-sōlī yá̰á̰ kógə̄ḿ alé. Ba tū yá̰a̰ gə̄ tə́ malang ɓáa, yá̰á̰ ń ndoōn rāāsí ní, ī-dəjeī Nə́ɓā kə ndɔ̄yɔ̄ɔ́ ō, ī-rāāniī ɓɔ́ ō, ī-ndadə̄ ādə̄niī ō.

MATIYE 6:34

I beé ní ī-lōōī sōl̄ tām̄ yā ndɔ̄ kə́ bírí tə́: Ndɔ̄ kə́ bírí a sōl̄ tām̄ yān nəkɔ́ tə́. Tápə̄ kə́ tām̄ yā ndɔ̄ kə́ ɓōólaā tə́ asə ta ndɔ̄ kə́ ɓōólaā tə́.

KOHELET 4:6

Kɔr̄ koō sḛ́ý i só tə́ tɔȳ tɔ̄l̄ ta kəla kə́ kanjə̄ kumən.

KOHELET 3:9

I yá̰á̰ rí n nge rāā kəla ənge gír tápə̄ tə́ loo rāā kəla tə́ ní?

MATIYE 16:26

Ré deē ənge dɔ nang malang kə taá ba tḭ̄ḭ̄ ta rɔ̄n kɔ̄ɔ́ ní, a teēn i rí? Aláa i rí n, deē a ādə̄ kum gotə rɔ̄n yā gāngəń dɔ rɔ̄n ní?

MATIYE 6:11

Ādə̄jí yá̰a̰ kəsa yājí kə́ ɓōólaā.

KOHELET 8:15

Mā m-ə́da na rɔ̄nel̄ i yá̰á̰ kə́ majə. Tɔdɔ̄ yá̰á̰ kə́ dɔ nang tə́ kə́ majə tām̄ yā deē tə́ i kəsa yá̰a̰ ō, ka̰ȳ ō, rāā rɔ̄nel̄ ō ngóy, yá̰á̰ kə́ rang kə́ majə gətóo. Yá̰á̰ ń kadə̄ utə̄ gō kəla yā deē kə dɔ ndɔ̄ gə̄ ń Nə́ɓā adə̄n kadə̄ ndiń kə kumneé dɔ nang tə́ ní n noó.

KOHELET 5:17

Yá̰á̰ kə́ majə ń mā m̄-ger̄ ní n toó: I kadə̄ deē əsa ō a̰ȳ ō, ənge rɔ̄nel̄ tū kəla malang ń ni-rāā dɔ nang tə́ ní ō, kem ndɔ̄ gə̄ ń Nə́ɓā adə̄n kadə̄ ndiń kə kumneé tə́ ní, tɔdɔ̄ nge ń noō i núsən yān ń i kə́ sɔɔ̄ dɔn.

KOHELET 4:8

De kógə̄ḿ kə́ nəkɔ́ i kə kérneé, madə̄ njə̄rān aĺ ō, ngōnən aĺ ō, ngōkó̰o̰n deē aĺ ō, banī rāā kəla dan gān̄g aĺ ō, yá̰a̰ kənge asən aĺ ō, banī ni-dəje rɔ̄n najə̄ əda na: Mā m̄-rāā kəla ō, m̄-mbātə́ ndi majə ō, i tām̄ yā náā tə́? Nge ń noō i yá̰á̰ kə́ kanjə̄ kumən, i yá̰á̰ kə́ majaĺ.

Najə̄ kə́ Majə yā Jeju ń Luk ndang ní 12:29

I beé ní sḭḭ̄, ī-lōōī sāā yá̰á̰ ń kadə̄ ə́saī ní ō, kadə̄ ā̰yī ní ō, ī-lōōī ka̰a̰ woy woy najə̄n tə́ ō.

Najə̄ kə́ Majə yā Jeju ń Luk ndang ní 12:22

Gō tə́ anī Jeju əda ngé ndóō yá̰a̰ yān gə̄ na: I tām̄ najə̄ ń noō tə́ n m-ə́dásí na kə ī-lōōī sōl̄ najə̄ yā yá̰á̰ kə́ kadə̄ ə́saī tə́ tá kadə̄ ī-ndiīneé kə kumsí ō, najə̄ yā kūbə̄ kə́ yā kadə̄ ō̰ō̰ī tə́ ō ní.

MATIYE 6:25

I tām̄ najə̄ ń toō tə́ n m-ə́dásí na kə ī-lōōī sōl̄ najə̄ yā yá̰a̰ kəsa kə́ yā kadə̄ ə́saī tá ī-ndiīneé kə kumsí ō, najə̄ yā kūbə̄ kə́ yā kadə̄ ō̰ō̰ī rɔ̄sí tə́ ō ní. Ndií ḭ̄ deē kə kumií i yá̰á̰ kə́ tɔȳ yá̰a̰ kəsa ō, rɔ̄í ḭ̄ deē i yá̰á̰ kə́ tɔȳ kūbə̄ kə́ yā ko̰ō̰ ō aĺ a?

Gōsə̄ najə̄ gə̄ 16:26

I ɓō n ndḛḛ̄ deē rāā kəla ní ō, i ta kemən n ɔsə seneé ta rāā ní ō.

1 KORḚNTƏ 16:16

I beé ní, ōōī ta de kə́ tītə̄ ń noō gə̄ ō, náā nəkɔ́ ń rāā kəla sedə́ ō, a̰a̰ tápə̄ sedə́ ō ní, ōōī ta kɔ́ɔ̄ ō.

KOHELET 2:11

Banī m̄-tél m̄-tūr̄ rɔ̄ḿ kə̄ rɔ̄ kəla gə̄ malang ń m̄-rāādə́ kə jīḿ ní tə́ ō, kə̄ rɔ̄ kəla ń rāān tōr̄ rɔ̄ḿ ngá̰ý ní tə́ ō. M-á̰a̰ kadə̄ yá̰a̰ gə̄ ń noō malang i yá̰á̰ kə́ kanjə̄ kumən tītə̄ loo ngɔ̄də́ gō nél yā kəhɔn beé. Deē a ənge yá̰á̰ kógə̄ḿ gírí dɔ nang tə́ laā alé.