KOHELET 12:2 - Bible sar

² Kum mbang ngeé ń noō tə́ ní, mbang ndə́lē aĺ ō, nāā ndaa aĺ ō, tə́yō̰ gə̄ unjə̄n̄ aĺ ō, kil̄ man̄ gə̄ tél ilə̄n̄ gogə́ gō man̄ kə́ edə tə́ ō.

Bibəl ta Sar̄

² Kum mbang ngeé ń noō tə́ ní, mbang ndə́lē aĺ ō, nāā ndaa aĺ ō, tə́yō̰ gə̄ unjə̄n̄ aĺ ō, kil̄ man̄ gə̄ tél ilə̄n̄ gogə́ gō man̄ kə́ edə tə́ ō.

KOHELET 12:2 Referans Kwoze

IJAI 5:30

Ɓá tā ba ndɔ̄ kógə̄ḿ anī, man̄ a ndán̄g gír de gə̄ ń toō, tītə̄ kōō bā bo kə́ ɓār̄ dan ń nél man̄ a əlań kə tɔ́gɔ́ tə́ ní beē. A a̰a̰n̄ ɓē, banī loo kə́ ndɔ̄ɔ́ ō, wur kɔl ō, a ɓír̄ gidə kɔ̄ɔ́. Kil̄ man̄ gə̄ kə́ ndulən̄ ndí ndí a utə̄n̄ dɔ loo kə́ unjə̄ kow kə́ kadaá kɔ̄ɔ́.

1 SAMUEL 4:18

Dan nəkɔ́ ń əda rī sandúkə yā Nə́ɓā anī, Eli ḭḭ dɔ kāgə̄ ndi yān tə́ əsō kə gōneé ta róbə́ kújə́ tə́, gár gōn tɔ̄ɔ̄ yɔ́k yɔ́k adə̄ oy. Tɔdɔ̄ ni i de kə́ tɔgə ō, ɔȳ ngá̰ý ō. Ni-ndi ngār sarya dɔ ngán Israel gə̄ tə́ i ɓāl̄ kutə sɔ́.

1 SAMUEL 4:15

Ba dan ngeé ń noō tə́ ní ɓāl̄ Eli i kutə ndōhó gidə i sɔ́sɔ́. Kumən ra ro ba a̰a̰ loo to̰ alé.

PĀ GƏ̄ 77:16

Ḭ̄ ī-gān̄g dɔ gír deē yāí gə̄ kə tɔ́gí, adə̄ i ngán Jakob gə̄ ō, ngán Jəjep gə̄ ō.

PĀ GƏ̄ 71:20

Ḭ̄ ī-rāā ādə̄ wur kɔl əsō dɔḿ tə́ ō, yá̰á̰ kə́ to kum kaȳ aĺ gə̄ teēn̄ dɔḿ tə́ ō. Banī ā ī-reē yā rāām̄ kadə̄ m-ā m̄-ndi kə kumḿ gogə́. Ā ī-reē yā teē seḿ kɔ̄ɔ́ ɓádá, kem bəlo kə́ lú ngá̰ý tə́.

PĀ GƏ̄ 42:7

Nə́ɓā yāḿ, m̄-ndigə rāā rɔ̄ḿ ndoō alé, ba i kɔr̄ najə̄ seí loo ń toō tə́, ta kəɓa man̄ Jurdḛ tə́, kadə mbal̄ ń a ɓāŕnən̄ na i ngōn̄ mbal̄ ní tə́, dɔ mbal̄ Hermon gə̄ tə́.

1 SAMUEL 3:2

Ndɔ̄ kə́rēý tə́ ndɔ̄ɔ́ anī Eli ń kumən a̰a̰ loo ngá̰ý to̰ aĺ ní, to a ɓīī loo ń a to tū tə́ kété gə̄ tə́ ní.

TA KƏLA 48:10

Jakob tɔgə ɓə́gá ngá̰ý adə̄ kumən a̰a̰ loo ngá̰ý to̰ alé. Jəjep reē sedə́ rɔ̄n tə́, adə̄ əhɔdə́ kə̄ rɔ̄n tə́ ɓir̄də́ dagə.

TA KƏLA 27:1

Isaak tɔgə ɓə́gá ngá̰ý adə̄ kumən a̰a̰ loo to̰ alé. Ni-ɓāŕ Esau ngōnə̄n kə́ nga tɔ́gə na: Esau! Anī Esau ndigən na: Mā n toó.

MATIYE 24:29

Sḛ́ý gō wur kɔl gə̄ kə́ kem ndɔ̄ gə̄ ngeé ń noō tə́ anī, mbang a ndul ō, nāā a ndaa to̰ aĺ ō, tə́yō̰ kə́ dɔ rā̰ tə́ gə̄ a tə́sōn̄ dɔ nang tə́ ō, ngé tɔ́gə́ kə́ dɔ rā̰ tə́ gə̄ a ndewn̄ ō.

PĀ GƏ̄ 90:10

J-asə ndi ɓāl̄ kutə sīrí. Ngé kə́ tɔ́gə́də́ i ngá̰ý gə̄ asən̄ ndi ɓāl̄ kutə sɔ́sɔ́. Banī yá̰á̰ ń j-ənge gírí ní i tápə̄ ō, kum tō ndoō ō. Gír ndi kə kumuú yājí gān̄g láẃ ngá̰ý ō, koōjí teē kɔ̄ɔ́ ō.

IJAI 13:10

Tə́yō̰ kə́ dɔ rā̰ tə́ gə̄ ō, ɓūtə̄ tə́yō̰ gə̄ ō ní, a nujən̄ to̰ alé. Dan ń mbang a əɓa lap anī, a tetə ndul kɔ̄ɔ́ ō, nāā a ndaa to̰ aĺ ō.