KOHELET 11:9 - Bible sar

⁹ Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

Bibəl ta Sar̄

⁹ Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

KOHELET 11:9 Referans Kwoze

KOHELET 12:14

Tɔdɔ̄ Nə́ɓā a aw̄ kə yá̰a̰ malang loo sarya tə́, yá̰á̰ kə́ to loo mundə̄ tə́ gə̄gē, ká i kə́ majə aké i kə́ majaĺ gə̄ gē anī ni a aw̄ń loo sarya tə́.

KOHELET 12:1

Dan ń ī-na̰y ngōn̄ ɓáý ní, ādə̄ əga kemií dɔ nge kəndāí tə́. Ādə̄ əga kemií dɔn tə́ kété pá tá kadə̄ ndɔ̄ kə́ majaĺ gə̄ reē ugə̄n̄ ɓáý, pá tá kadə̄ kum mbang ń ā ə́dań najə̄ń toō ní reē ugə̄ ɓáý, ā ə́da na: Ngur ndi kə kumḿ rāām̄ to̰ alé.

NŌŌ RƆ̄ 3:27

Majə kadə̄ deē əla gír kəla dɔn gír njúkə tə́ i dan balsáan tə́.

KOHELET 3:17

Loo ń noō tə́ m-ə́da kə̄ kemḿ tə́ m-ə́da na Nə́ɓā a rāā sarya kə nge kem nduluú ō, kə de kə́ súmūú ō. Tɔdɔ̄ yá̰á̰ malang a ugə̄ i kə kum mbangneé ō, yá̰a̰ rāājí gə̄ kógə̄ḿ kógə̄ḿ ní a gāngə̄n̄ sarya dɔ tə́ ō.

2 KORḚNTƏ 5:10

Tɔdɔ̄ i gáŕ kadə̄ jḭḭ̄ malang jə-raī no *Kərist tə́, yā kadə̄ ni-gān̄g sarya dɔjí tə́. Loo ń noō tə́ deē kógə̄ḿ kógə̄ḿ a ənge yá̰á̰ gír kəla rāān kə́ majə, aké kə́ majaĺ tə́, adə̄ i yá̰a̰ gə̄ ń ni rāādə́ dan ń ni ndiń kə kumneé ɓáý tə́ ní.

HEBƏRO 9:27

Ba tītə̄ ń əndān̄ dɔ deē ndul gə̄ tə́ kadə̄ oyn̄ nja kógə̄ḿ beē, ba gō tə́ anī Nə́ɓā gān̄g sarya dɔdə́ tə́ ní,

Makətūbə̄ yā Job 31:7

Ré róbə́ ń ni njar ní njaḿ əya̰ kɔ̄ɔ́ ō, ré kemḿ un gō kumḿ ō, ré yá̰á̰ kə́ yḛr kógə̄ḿ tákə̄ jīḿ ō anī,

Makətūbə̄ ń Pol ndang adə̄ Rom gə̄ ní 14:10

Ba ḭ̄, yāí ń ā ī-gāngəń sarya dɔ ngōkó̰ó̰í tə́ ní na i rí? Tá ḭ̄, yāí ń ā ídəń taí gír ngōkó̰ó̰í tə́ ní na i rí? Jḭḭ̄ malang, j-a j-awī yā ra no Nə́ɓā tə́, kadə̄ ni a gān̄g sarya dɔjí tə́.

MATIYE 5:28

Ba mā m-ə́dásí na deē ń a̰a̰ dəyá̰ ba ngurən rāān anī, sāān loo kaya tə́ kemən tə́ kɔ̄ɔ́ ɓá.

KOHELET 2:10

Yá̰a̰ malang ń kumḿ gḛy ka̰ā̰ ní m-ɔ̄gən ka̰ā̰ alé. M-ɔ̄gə̄ rɔ̄ḿ yá̰á̰ kə́ nelə̄n alé, tɔdɔ̄ kəla malang ń m̄-rāā ní kemḿ nelə̄m̄ loon tə́: Nge ń noō i rɔ̄nel̄ ń kəla rāāḿ teēń ní n m-ə́ngé núsən yāḿ noō.

TA KƏLA 6:2

ngáń Nə́ɓā gə̄ a̰a̰n̄ ngáń kə́ dəyá̰ yā de gə̄ ní mandən̄ ngá̰ý ta kumdə́ tə́, adə̄ táān̄ ngé gə̄ ń nin̄ gə̄rān̄də́ ní kə́ dəyá̰ gə̄ tə́.

TA KƏLA 3:6

Dəyá̰ a̰a̰ kadə̄ kan̄ kāgə̄ ní majə kəsa ngá̰ý ō, majə ka̰a̰ ngá̰ý ō, ngur kəsan kadə̄ gerə̄ń yá̰á̰ ngá̰ý rāān ō. Anī ni-əja kan̄ kāgə̄ ní kógə̄ḿ əsa ō, adə̄ ngaan ń ra kadən tə́ ní adə̄ əsa ō.

TƏ́DA 15:30

Banī deē ń rāā yá̰á̰ kə́ majaĺ kə gō kem ndigə yānneé ní, ká i ngōn̄ nge ɓē, aké i tə̄rā gə̄gē anī, ni kídə̄ i Kɔ́ɔ̄ɓē adə̄ a ɔr̄nən̄ kɔ̄ɔ́ dan gír deē yān gə̄ tə́.

2 PIYER 3:7

Banī dɔ rā̰ kə́ ngɔr ń toō tə́ ō, dɔ nang kə́ ngɔr ń toō tə́ ō ní, najə̄ yā Nə́ɓā kə́ kógə̄ḿ beē nəkɔ́ ń toō ngɔ̄m̄də́ i tām̄ yā hor tə́, yā kadə̄ hor nujəń kɔ̄ɔ́. Ngɔ̄mə̄n̄də́ i tām̄ yā ndɔ̄ ń a gāngə̄n̄neé sarya dɔ ngé kem ndul gə̄ tə́ ō, a nujən̄neé sedə́ kɔ̄ɔ́ ō ní tə́.

JEREMI 23:17

Nin̄ nāān̄ kəda ngé gə̄ ń kídə̄n̄ najə̄ yā Kɔ́ɔ̄ɓē ní na, Kɔ́ɔ̄ɓē əda na: Yá̰a̰ malang a njə̄rā majə tām̄ yāsí tə́. Nin̄ ədan̄ náā nəkɔ́ ń a rāā dɔ ngan̄g kə̄ non tə́ ní na: Yá̰á̰ kə́ to kum kaȳ aĺ a əsō dɔí tə́ alé.

JEREMI 7:24

Banī nin̄ oōn̄ ndūḿ alé. Nin̄ nēlə̄n̄ mbīdə́ aĺ ō, ba rāān̄ yá̰a̰ kə gō kemdə́ ɔjəń dɔ dɔ ngan̄g yādə́ kə́ al̄ naā ngá̰ý ō, tūrə̄n̄ gidədə́ taḿ tə́ kɔ̄ɔ́ ō.

PĀ GƏ̄ 81:12

Banī gír deē yāḿ gə̄ oōn̄ ndūḿ alé, *Israel ndigə najə̄ yāḿ alé.

NDŪ NAJƏ̄ 29:19

Kɔ́ɔ̄ɓē a mā̰ȳ rɔ̄n dɔn tə́ alé. Wōn̄g a rāān seneé ngá̰ý ō, jang a rāān seneé ngá̰ý ō, adə̄ ni a əya̰n karī alé. A əndan kə yá̰á̰ kə́ tōr̄ gə̄ malang ń ndangən̄ najə̄ yādə́ kem makətūbə̄ ń toō tə́ ní ō, a rāā kadə̄ əga kem de gə̄ dɔn tə́ dɔ nang tə́ to̰ aĺ ō.

TƏ́DA 15:39

Adə̄ ā ō̰ō̰ī kūbə̄ gə̄ kə́ ta kəlā kəjōdə́ gə̄ teēn̄ kə̄ ndágá, yā kadə̄ ré á̰a̰ī tadə́ anī, əga kemsí dɔ *ndū najə̄ gə̄ yā Kɔ́ɔ̄ɓē tə́ malang, kadə̄ ī-rāāiń yá̰a̰ gə̄ ń ədan̄ ní. Loo ń noō tə́ ā úniī gō ngur yá̰a̰ gə̄ kə́ kemsí tə́ ō, kum kəsō yá̰a̰ gə̄ ō, kadə̄ ī-téliīń ngé rāā yá̰a̰ gōtə́ aĺ gə̄ alé.

KƏLA RĀĀ 24:25

Ba dan ń Pol a ɔr̄ najə̄ kə́ dɔ háĺ kə́ gōtə́ tə́ ō, dɔ kəhɔ rɔ̄ dɔ yá̰á̰ tə́ ō, dɔ sarya kə́ a reē ɓáý tə́ ō anī, ɓōĺ rāā Peliksə adə̄ əda na: Kə́ ngɔr ń toō tə́ ɓáa ī-tél āw̄ kə̄ naā tə́. Ré m-ə́nge kum mbang anī m-ā m̄-ɓāríī ɓáý.

KƏLA RĀĀ 14:16

Kem ɓāl̄ kə́ mān̄ kɔ̄ɔ́ gə̄ tə́ ní, Nə́ɓā əya̰ nápar de gə̄ malang adə̄ unən̄ i gō róbə yādə́ nin̄ kɔ́ gə̄.

1 MBAN̄G GƏ̄ 22:15

Mise reē rɔ̄ mban̄g tə́, anī mban̄g dəjen na ké kə n-aw̄ kə n rɔ̄ɔ̄n̄ ɓē kə́ Ramot kə́ Galaad aké kə n-lōōn̄ gírí wa. Anī Mise tél əda mban̄g na kə aw̄ na a ənge yá̰á̰ ń kemən gḛy ní, Kɔ́ɔ̄ɓē na a əla ɓē ní kem jīn tə́.

1 MBAN̄G GƏ̄ 18:27

Dan ń mbang i dan ɓēé anī, *Eli lurdə́ əda na: Ə́gaī kɔŕ ādə̄ ndūsí mān̄ dɔ nge kə́ kété! Ni i nə́ɓā adə̄ kəla i ngá̰ý dɔn tə́. Majanī gətóo ɓēé, majanī aw̄ mbā tə́, majanī a ɓīī i mbée, adə̄ gáŕ kadə̄ ni ndól̄ i mbée nəkɔ́ tá.

1 MBAN̄G GƏ̄ 18:12

Ré m-ə́ya̰ī ba m-ɔ́tə kɔ̄ɔ́ anī, Ndíĺ Kɔ́ɔ̄ɓē a reē yā kuniī kaw̄ seí loo kə́ m-ā m̄-ger̄ aĺ tə́. Ré m-ə́da Akab kōōí ba əngeī aĺ anī a tɔ̄lə̄m̄. Tá mā m-ə́lá gír ɓōĺ Kɔ́ɔ̄ɓē i dan ń mā i balsáá ɓáý ní.

TƏ́DA 22:32

Anī nge kaw̄ kəla yā Kɔ́ɔ̄ɓē ədan na: Ə́ndá kó̰o̰ kərō yāí nja mətá i tām̄ rí tə́? I mā n m̄-reē m̄-ra róbó m-ɔ̄gī mān̄, tām̄ mbā ń ā āw̄ toó i mbā kə́ ī-gír̄ yá̰á̰ ngá̰ý dɔ tə́ alé.

1 KORḚNTƏ 4:5

Adə̄ ī-lōōī gān̄g sarya kété no ndɔ̄ sarya tə́, ī-ngóōī ādə̄ Kɔ́ɔ̄ɓē reē tá. Yá̰á̰ ń i kə́ ɓɔ̄ɔ̄ kum til tə́ ní, ni a teēń kum loo kə́ unjə̄ kow tə́ ō, yá̰a̰ gə̄ ń de gə̄ númə̄n̄ kemdə́ tə́ ní, ni a ɔjə kə̄ ndágá ō. Loo ń noō tə́ Nə́ɓā a ɓōkə́ deē kógə̄ḿ kógə̄ḿ tɔ̄ȳ kadə̄ asə kə gō kəla yānneé.

JOJUE 7:21

M-á̰a̰ kūbə̄-jī kə́ Sinear kə́ majə ngá̰ý dan yá̰a̰ gə̄ kə́ kəhɔ ta rɔ̄ɔ̄ tə́ ō, m-á̰a̰ gində̄ arjā̰a̰ kə́ kɔȳn i kəlōo jōó ō, m-á̰a̰ lɔ́ŕ kə́ kɔȳn i ngán kəlōo ɓú mí ō, əsōn̄ kumḿ adə̄ m-ɔ́ýdə́. m̄-dubə̄də́ i gíŕ nángāá kem kújə tandā yāḿ tə́ dan looó, m̄-ɓōkə́ gində̄ arjā̰a̰ i gírí pá tá gotə yá̰a̰ gə̄ ń nuū i dɔ tə́.

Najə̄ kə́ Majə yā Jeju ń Luk ndang ní 12:19

Ba gō tə́ tā anī, m-ā m-ə́da rɔ̄ḿ mə̄kɔ́ na: Á̰a̰ā̰, yá̰a̰ yāí gə̄ kə́ ī-ngɔ̄m̄ i ngá̰ý, adə̄ a rāā seí ɓāl̄ ngá̰ý ní ī-to ōō rɔ̄í ō, ə́sa ō, ā̰ȳ ō, ba ī-rāā rɔ̄nel̄.

KOHELET 6:9

Ka̰a̰ kə kumuú i só tə́ tɔȳ ɓō yá̰á̰ kə́ rāā deē: Nge ń noō i yá̰á̰ kə́ kanjə̄ kumən kə́ to tītə̄ loo ngɔ̄də̄ gō nél yā kəhɔn beé.

KOHELET 7:14

Ndɔ̄ kə́ majə tə́ anī ādə̄ rɔ̄í nelī, banī ndɔ̄ yá̰á̰ kə́ to kum kaȳ aĺ tə́ anī á̰a̰ā̰: Nge ń toō ō nge ń noō ō ní, Nə́ɓā rāādə́ i yā kadə̄ deē gerə̄ń yá̰á̰ ń a to gotən tə́ ní alé.

KOHELET 3:12

Mā m̄-ger̄ kadə̄ yá̰á̰ kə́ majə tām̄ yā deē tə́, dan ń ni ndiń kə kumneé ní, i kadə̄ rɔ̄n nelə̄n ō, ndi majə ō ngóy.