JONAS 2:9 - Bible sar

⁹ Ngé ndɔ̄ȳ nə́ɓā kə́ rɔ̄kum aĺ gə̄ ní, əngen̄ ta róbə́ kə́ yā kadə̄ ajən̄neédə́ alé.

Bibəl ta Sar̄

⁹ Ngé ndɔ̄ȳ nə́ɓā kə́ rɔ̄kum aĺ gə̄ ní, əngen̄ ta róbə́ kə́ yā kadə̄ ajən̄neédə́ alé.

JONAS 2:9 Referans Kwoze

PĀ GƏ̄ 3:8

Kɔ́ɔ̄ɓē, ḭ́ḭ dɔɔ́! Nə́ɓā yāḿ, ájəm̄! Ḭ̄ ń i nge kənda mbɔ́r madə̄ ba̰ā̰ḿ gə̄ ō, nge tétə̄ ngān̄g ngé kem ndul gə̄ ō ní.

PĀ GƏ̄ 50:14

Ādə̄ *yá̰a̰ tun̄ yāí kə́ ndējə̄ i ɓōkə́ Nə́ɓā tɔ̄ȳ ō, ī-rāā yá̰a̰ gə̄ ń ə̄nī ndūí yā rāā kadə̄ Nə́ɓā kə́ dɔɔ́ sa̰y ngá̰ý ní ō.

HEBƏRO 13:15

I beé ní, jə-ndējī Nə́ɓā tɔȳ yājí tītə̄ *yá̰a̰ tun̄ beé kə ndɔ̄ gə̄ ndɔ̄ gə̄, kə ta kūl̄ Jeju. Kumən na ādə̄ jə-tɔ̄yī rīn kə tam tají kə ndɔ̄ gə̄ ndɔ̄ gə̄.

PĀ GƏ̄ 50:23

Deē ń *yá̰a̰ tun̄ yān i tɔ̄ȳ ní n i deē ń ɔsə gɔnəḿ ní. Deē ń ngɔ̄m̄ hálən majə adə̄ ni i de kə́ súmūú ní, m-ā m-ɔ́jən loo kajə ń Nə́ɓā a ajə deē ní.

OJEE 14:2

*Israel, ī-tél ī-reē rɔ̄ Kɔ́ɔ̄ɓē Nə́ɓā yāí tə́. I yá̰a̰ rāāī kə́ gōtə́ aĺ rāāī adə̄ ə̄sō ní.

PĀ GƏ̄ 68:20

Ādə̄ de gə̄ tɔ̄ȳn̄ Kɔ́ɔ̄ɓē kə ndɔ̄ gə̄! Nə́ɓā ngeé ń toō tetə rɔ̄ɔ̄ adə̄jí.

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ *yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

IJAI 45:17

Banī Kɔ́ɔ̄ɓē ajə gír de gə̄ yā *Israel, ni ajədə́ i kə́ njɔ́ḿ gə̄ tə́. A nujən̄də́ to̰ aĺ ō, a əlan̄ rɔ̄sɔl̄ dɔdə́ tə́ to̰ aĺ ō.

JEJU TEĒ KUM JA̰A̰ 7:10

Nin̄-əgan̄ kɔŕ ngá̰ý ədan̄ na: Kajə deē i yá̰a̰ yā Nə́ɓā yājí ń ndi dɔ kōr̄ kāgə̄ mbang tə́ ní ō, i yā Ngōn̄ batə̄ ō.

JA̰A̰ 4:22

Sḭḭ̄ ī-rɔyī Nə́ɓā i kanjə̄ gerə̄n, ba jḭḭ jə-rɔȳn ō, jə-gerə̄n ō. Tɔdɔ̄ de gə̄ a ajən̄ i kə ta kūl̄ *Jipə gə̄.

JEREMI 33:11

pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ *yá̰a̰ tun̄ gə̄ kə́ yā tɔ̄yń kem *kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

Makətūbə̄ yā Job 22:27

Dan ń ā ī-rāān ɓɔ́ anī, ni a oō nōō yāí ō, yāí i kadə̄ ī-rāā yá̰á̰ ń ə̄nī ndūí yā rāā ní ngóy ō.

TA KƏLA 35:3

J-a j-awī Betel yā kadə̄ m-ā m̄-rāā *loo tun̄ yá̰a̰ noó tām̄ yā Nə́ɓā ń ndɔ̄bə̄m̄ ɔr̄ najə̄ seḿ ndɔ̄ wur kɔl yāḿ tə́ ní ō, i naā tə́ seḿ dan ń mā m̄-njə̄rań mbā tə́ ní ō.

KƏLA RĀĀ 4:12

Loo kə́ rang kə́ kadə̄ deē ənge kajə tū tə́ gətóo, deē a ajə i kə ta kūlən ni ngóy. Tɔdɔ̄ rī kə́ rang kə́ adə̄n̄ de gə̄ dɔ nang tə́ laā kadə̄ j-ajiī kə ta kūlənneé ní gətóo.

PĀ GƏ̄ 107:22

Ādə̄ ndējə̄n̄ Nə́ɓā *yá̰a̰ tun̄ gə̄ kə́ yā ɓōkə́nneé tɔ̄ȳ ō, ənīn̄ gotə kəla rāān gə̄ kə kɔŕ rɔ̄nelēé ō.

2 SAMUEL 15:7

Ta tɔ̄l̄ ta ɓāl̄ kə́ nge ko̰ sɔ́ tə́ anī, Absalom əda mban̄g na: Ādə̄m̄ ta róbə ādə̄ m-āw̄ Hebron rāā yá̰á̰ ń m-ə̄nī ndūḿ yā rāā tām̄ yā Kɔ́ɔ̄ɓē tə́ ní tə́.

NDŪ NAJƏ̄ 23:18

Dəyá̰ aláa dəngam kə́ Israel tə́ a rāā ájə́ba ń i rāā ɓesə̄ ní alé.

PĀ GƏ̄ 27:1

Pā yā Dabid. Kɔ́ɔ̄ɓē i loo kə́ unjə̄ kow yāḿ ō i nge kajəḿ ō, ní m-ā m̄-ɓōĺ i náā? Kɔ́ɔ̄ɓē i loo ndiḿ kə́ ngan̄g ngá̰ý, ní m-ā m̄-ndebə i ta kum náā tə́?

PĀ GƏ̄ 95:2

J-aw̄ jə-raī ta kumən tə́, jə-ndadə̄ j-adə̄niī. Jə-tɔ̄ȳniī kə pā kə́ to rɔȳ gēé.

1 SAMUEL 12:21

Ré ī-tūrī gidəsí kɔ̄ɔ́ tan tə́ anī, ā ī-rāāī i kəla yā ɓesə̄ gə̄ ń i nə́ɓā kə́ rɔ̄kum aĺ gə̄ ń asən̄ dḭḭ̄ deē aĺ ō, kajə deē aĺ ō ní.