JOJUE 9:1 - Bible sar

¹ Dan ń mban̄g gə̄ ń ndin̄ gidə bā Jurdḛ tə́ gō nang kə́ mbal̄ bo gə̄ i tū tə́ tə́ ō, kə́ mbal̄ bo gə̄ gətóon̄ tū tə́ tə́ ō, kə́ kadə̄ bā bo tə́ bátə́ ugə̄n̄ Liban ō, adə̄ i Het gə̄, kə *Amor gə̄ kə Kanaan gə̄, kə Periji gə̄, kə Hibi gə̄, kə Yebus gə̄ ní, oōn̄ najə̄ yā ɓē kə́ Ai kə́ nujə kɔ̄ɔ́ anī,

Bibəl ta Sar̄

¹ Dan ń mban̄g gə̄ ń ndin̄ gidə bā Jurdḛ tə́ gō nang kə́ mbal̄ bo gə̄ i tū tə́ tə́ ō, kə́ mbal̄ bo gə̄ gətóon̄ tū tə́ tə́ ō, kə́ kadə̄ bā bo tə́ bátə́ ugə̄n̄ Liban ō, adə̄ i Het gə̄, kə Amor gə̄ kə Kanaan gə̄, kə Periji gə̄, kə Hibi gə̄, kə Yebus gə̄ ní, oōn̄ najə̄ yā ɓē kə́ Ai kə́ nujə kɔ̄ɔ́ anī,

JOJUE 9:1 Referans Kwoze

TƏ́DA 34:6

Dɔ nin̄ dɔ nang yāsí kə́ dām̄ kə́ no ɓē tə́ i bā bo.

Teē Ngán Israel gə̄ 3:17

Adə̄ əda na n-a n-teē sedə́ kem ɓē ń na rāān̄ kumdə́ ndoō tə́ tū tə́ ní kɔ̄ɔ́, yā kaw̄ sedə́ dɔ nang yā Kanaan gə̄ tə́ ō, Het gə̄ tə́ ō, *Amor gə̄ tə́ ō, Periji gə̄ tə́ ō, Hibi gə̄ tə́ ō, Yebus gə̄ tə́ ō, adə̄ i dɔ nang ń mba ō, yibə̄ tejə ō, i ngá̰ý tū tə́ ní tə́.

JOJUE 3:10

Ā ī-gerī kadə̄ Nə́ɓā kə́ kə kumuúi dɔ dáńsí tə́ ō, kadə̄ ni a tə̄ɓā Kanaan gə̄ ō, Het gə̄ ō, Hibi gə̄ ō, Periji gə̄ ō, Girgas gə̄ ō, *Amor gə̄ ō, Yebus gə̄ kɔ̄ɔ́ nosí tə́ i kə ta kūl̄ yá̰á̰ ń toō:

Teē Ngán Israel gə̄ 23:23

Ré *deē yāḿ kə́ dɔ rā̰ tə́ ɔr nosí aw̄ sesí ɓē yā *Amor gə̄ tə́ ō, Het gə̄ tə́ ō, Periji gə̄ tə́ ō, Kanaan gə̄ tə́ ō, Hibi gə̄ tə́ ō, Yebus gə̄ tə́ ō, adə̄ m̄-nujədə́ malang kɔ̄ɔ́ anī,

JOJUE 24:11

Ī-teēī bā Jurdḛ ba ī-reē ūgī Jeriko. De kə́ Jeriko gə̄ rɔ̄ɔ̄n̄sí ō, *Amor gə̄, kə Periji gə̄, kə Kanaan gə̄, kə Het gə̄ kə Girgas gə̄, kə Hibi gə̄ kə Yebus gə̄ rɔ̄ɔ̄n̄sí ō. Banī m-ə́ládə́ kem jīsí tə́ malang.

JOJUE 23:4

Á̰a̰ī, m̄-túgə̄ wə̄lā m-ādəń gír ɓē yāsí gə̄ dɔ nang yā nápar de gə̄ ń na̰y kadə̄ yā tetədə́ rɔ̄ɔ̄ ɓáý ní ō, dɔ nang yā nápar de gə̄ ń m̄-tɔ̄l̄də́ bā Jurdḛ tə́ bátə́ bā bo kə́ no ɓē tə́ ní ō.

JOJUE 22:7

Ni ədadə́ na: Ī-tél āwī ɓēé kə yá̰a̰ kənge ngá̰ý gə̄ ń ə́neī ní adə̄ i yá̰a̰ kul̄ gə̄ ō, gində̄ arjā̰a̰ ō, lɔ́r ō, gində̄ nə̄ngá kasə ō, gində̄ kə́ karī ō, kūbə̄ gə̄ ngá̰ý ō. Yá̰a̰ kənge yā madə̄ ba̰ā̰sí gə̄ ń ɔ́yiī ní ī-kēgī naā kə ngákó̰ó̰sí gēé. Núsə de gə̄ kə́ ta kəga dɔ kə́ gír ɓē yā Manase tə́ ní, Moijə adə̄də́ loo dɔ nang ké Basan tə́, gidə bā Jurdḛ tə́, dām̄ kə́ gír ɓē tə́. Ba núsə de gə̄ kə́ nge ko̰ jōó kə́ gír ɓē yā Manase tə́ ní, Jojue adə̄də́ loo gidə bā Jurdḛ dām̄ kə́ no ɓē tə́ tītə̄ yā gotə gír ɓē kə́ rang gə̄.

JOJUE 22:4

Ngɔlaā ní Kɔ́ɔ̄ɓē Nə́ɓā yāsí adə̄ ngákó̰ó̰sí gə̄ ta róbə adə̄ ndin̄ lɔm dɔ nang yādə́ tə́ kɔ̄ɔ́ ɓá tītə̄ ń ni-ənīń ndūn adə̄də́ ní, ī-tél āwī gogə́ ɓēé loosí tā, āw̄ ī-ndiī dɔ nang ń Moijə kə́ nge kəla yā Kɔ́ɔ̄ɓē adə̄sí gidə bā Jurdḛ tə́ dām̄ ké gír ɓē tə́ ní.

JOJUE 15:12

Dɔ nin̄ kə́ no ɓē tə́ i bā bo. Dɔ nin̄ dɔ nang ń *Juda gə̄ əngen̄ kə gír kaadə́ gēé ní n noó.

JOJUE 13:5

Dɔ nang kə́ yā taā ɓáý to̰ i dɔ nang kə́ Gebal ō, dɔ nang Liban kə́ dām̄ kə́ gír ɓē tə́ ń a ɓārə́n̄ na i Baal Gad á i loo kə́ nja mbal̄ Hermon tə́ ní bátə́ teēń Lebo Hamat ō,

JOJUE 11:17

Əla gír mbal̄ Halak ń ra sɔɔ̄ Seir ní tə́, bátə́ teēn̄ Baal Gad kum wóĺ kə́ Liban tə́ nja mbal̄ Hermon tə́ ní, ni-tetə mban̄g kə́ tū tə́ gə̄ rɔ̄ɔ̄ ba tɔ̄l̄də́ malang.

JOJUE 10:23

De gə̄ rāān̄ yá̰á̰ ń ni-əda ní, adə̄ tēn̄ kə mban̄g kə́ *Jerusalem ō, kə Hebron ō, kə Yarmut ō, kə́ Lakis ō, kə́ Egəlon ō, reēn̄ sedə́ rɔ̄n tə́.

JOJUE 5:1

Dan ń ngār gə̄ malang yā *Amor gə̄ ń ndin̄ gidə bā Jurdḛ tə́ kum kə̄ no ɓē tə́ ní ō, ngār gə̄ malang yā Kanaan gə̄ ń ndin̄ kə gō kadə bā boó ní ō, oōn̄ kadə̄ Kɔ́ɔ̄ɓē rāā adə̄ bā Jurdḛ iī kɔ̄ɔ́ no ngán *Israel gə̄ tə́ bátə́ adə̄ jə-teēiń bā Jurdḛ anī, kemdə́ gān̄g man̄ adə̄ rɔ̄də́ oy yélélé kɔ̄ɔ́ no ngán Israel gə̄ tə́.

JOJUE 3:17

Ngé tun̄ yá̰a̰ gə̄ ń ətōn̄ *sandúkə madə̄ naā yā Kɔ́ɔ̄ɓē ní, dəba ran̄ gotə kógə̄ḿ dan bāá loo kə́ tutə tə́, bátə́ adə̄ ngán *Israel gə̄ mānə̄nəń malang kə̄ gidə kə́rēý tə́ kanjə̄ kadə̄ man̄ ɔdə njadə́.

JOJUE 1:15

bátə́ kadə̄ Kɔ́ɔ̄ɓē adə̄ńdə́ loo kə́ yā kadə̄ ndin̄neé tū tə́ lɔm tītə̄ yāsí ō, kadə̄ əngen̄neé dɔ nang ń Kɔ́ɔ̄ɓē Nə́ɓā yāsí adə̄də́ ní ō, pá tá ā ī-téliī kə̄ gogə́ dɔ nang ń ni Moijə nge kəla yā Kɔ́ɔ̄ɓē n-adə̄sí gidə bā Jurdḛ kə́ laā tə́ dām̄ kə́ gír ɓē tə́ ní.

JOJUE 1:4

Dɔ nang yāsí a əla gír i dəla loo tə́ bátə́ mbal̄ gə̄ kə́ Liban tə́ ō, a əla gír i bā kə́ bo ń rīn na i Opəratə ní tə́ yā teēń gō nang yā ngán Het gə̄ tə́ bátə́ bā bo kə́ dām̄ kə́ no ɓē tə́ tə́ ō.

NDŪ NAJƏ̄ 7:1

Kɔ́ɔ̄ɓē Nə́ɓā yāsí a aw̄ sesí dɔ nang ń kadə̄ ī-taāī tə́ ní. A tə̄ɓā nápar de kə́ ngá̰ý gə̄ kə́ dɔ nang ní tə́ kɔ̄ɔ́ nosí tə́. A tə̄ɓā nápar de gə̄ sīrí kə́ nin̄ i ngá̰ý tɔȳsí ō, ngangə̄n̄ tɔȳsí ō, adə̄ i Het gə̄ ō, Girgas gə̄ ō, *Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō.

NDŪ NAJƏ̄ 4:49

gō nang kə́ Araba ń un núsə́ wól bā Jurdḛ kə́ dām̄ kə́ gír ɓē tə́ no kem, teēń bā katə̄ tə́ nja mbal̄ Pisga tə́ ní, ngán *Israel gə̄ taān̄ malang.

NDŪ NAJƏ̄ 3:25

Ə́ya̰m̄ ādə̄ m̄-teē bā Jurdḛ, ādə̄ m-āw̄ m-á̰a̰ dɔ nang kə́ majə kə́ mbalá ń noō ō, mbal̄ kə́ Liban tə́ gə̄ ō.

Teē Ngán Israel gə̄ 34:11

Yá̰á̰ ń m-ā m-ɔ́jə́sí ɓōólaā kadə̄ ī-rāāī ní, ə̄ndāī kumsí gírí majə, na m-ā m̄-tə̄ɓā *Amor gə̄ ō, Kanaan gə̄ ō, Het gə̄ ō, Periji gə̄ ō, Hibi gə̄ ō, Yebus gə̄ ō, nosí tə́ kɔ̄ɔ́.

Teē Ngán Israel gə̄ 23:31

Dɔ nang yāsí a əla gír i bā tə̄ɓā gə̄ tə́ yā kugə̄ń bā bo yā Pilistin gə̄ tə́ ō, a ḭḭ dəla loo ń mbal̄ *Sinai ra tū tə́ ní tə́ yā kugə̄ń bā Opəratə tə́ ō. Dan ń m-ā m-ə́la de kə́ kem ɓēé gə̄ kem jīsí tə́ adə̄ ā ī-tə̄ɓāīdə́ kɔ̄ɔ́ nosí tə́ anī,

TƏ́DA 13:29

Amalek gə̄ ndin̄ i gō nang kə́ Negeb tə́. Ba Het gə̄ ō, Yebus gə̄ ō, *Amor gə̄ ō, ndin̄ i dām̄ kə́ mbalá tə́. Kanaan gə̄ ndin̄ i kadə bā bo tə́ ō, kə gō kadə bā Jurdḛ ō.

JOJUE 6:27

Kɔ́ɔ̄ɓē i naā tə́ kə Jojue, adə̄ rīn ɓār̄ ngá̰ý dɔ nang ní tə́ kə taá malang.

JOJUE 9:7

De kə́ dəngam gə̄ kə́ Israel tə́ tél ədan̄də́ na: Majanī ī-ndiī i rɔ̄jí tə́ ngɔr, adə̄ j-a j-əhɔ *madə̄ naā sesí alé.

NDŪ NAJƏ̄ 1:7

ní ɔ̄rī dɔɔ́ tā. Āwī nang kə́ mbalá tə́, loo ń *Amor gə̄ ndin̄ tū tə́ ní ō, āwī dɔ nang kə́ kadə tə́ gə̄ ń Kanaan gə̄ ndin̄ tū tə́ ní ō, adə̄ i dɔ nang kə́ Araba ō, nang kə́ mbalá ō, nang kə́ mbal̄ bo gətóo tū tə́ tə́ ō, dɔ nang kə́ Negeb tə́ ō, gō nang kə́ kadə bā bo tə́ ō. Āwī bátə́ ūgī mbal̄ gə̄ kə́ Liban tə́ ō, ta bā Opəratə ń i bā kə́ bo ní tə́ ō.

2 SAMUEL 24:7

Tir ń i ɓē kə́ ngan̄g ń ndogə̄ mbal̄ gīr̄ gidə ní ō, aw̄n̄ kem ɓē gə̄ ń kété i ɓē yā Hibi gə̄ ō, Kanaan gə̄ ō, ní malang ō, aw̄n̄ Beer Seba ń i ɓē kə́ gō nang kə́ Negeb yā *Juda tə́ ní ō.