JOJUE 8:19 - Bible sar

¹⁹ Dan ń Jojue əla jīn anī, ngán *Israel gə̄ ń ɓɔ̄ɔ̄n̄ rɔ̄də́ ní teēn̄ láẃ kɔ̄ɔ́ loo ń ɓɔ̄ɔ̄n̄ rɔ̄də́ tū tə́ tə́ ní, ba a̰ȳn̄ ngɔ̄də̄ aw̄ udən̄ kem ɓēé, taān̄ ɓē, ba əlan̄ hor dɔ tə́ kanjə̄ kɔr bā̰ā̰.

Bibəl ta Sar̄

¹⁹ Dan ń Jojue əla jīn anī, ngán Israel gə̄ ń ɓɔ̄ɔ̄n̄ rɔ̄də́ ní teēn̄ láẃ kɔ̄ɔ́ loo ń ɓɔ̄ɔ̄n̄ rɔ̄də́ tū tə́ tə́ ní, ba a̰ȳn̄ ngɔ̄də̄ aw̄ udən̄ kem ɓēé, taān̄ ɓē, ba əlan̄ hor dɔ tə́ kanjə̄ kɔr bā̰ā̰.

JOJUE 8:19 Referans Kwoze

JOJUE 8:18

Tā anī Kɔ́ɔ̄ɓē əda Jojue na: Əla nənga kə́ jīí tə́ kum kə̄ dɔ ɓē Ai tə́ Tɔdɔ̄ m-ā m̄-rāā kadə̄ ā ī-taā. Anī Jojue əla nənga kə́ jīn tə́ kum kə̄ dɔ ɓē ní tə́.

JOJUE 8:20

Dan ń de kə́ Ai gə̄ tūrə̄n̄ rɔ̄də́ a̰a̰n̄ loo kum kə̄ gogə́ anī, a̰a̰n̄ sa hor əɓa dɔ ɓē yādə́ tə́ kum kə̄ dɔɔ́ dɔɔ́. Loo kə́ kadə̄ a̰ȳnəń gətóo. Tɔdɔ̄ ngán Israel gə̄ ń a̰ȳn̄ naā kum kə̄ dəla loo tə́ ní, tél tūrə̄n̄ rɔ̄də́ kum kə̄ dɔdə́ tə́.

NGÉ SARYA 20:33

Gō tə́ anī de kə́ dəngam kə́ Israel tə́ gə̄ teēn̄ loo ndidə́ gə̄ tə́ ba ɔsən̄ dɔdə́ naā tə́ Baal Tamar. Nin̄-tə́nīn̄ rɔ̄də́ yā rɔ̄ɔ̄. Anī ngé gə̄ ń Israel gə̄ ɓɔ̄ɔ̄n̄də́ gidə ɓē tə́ ní teēn̄ rétə́ gēé Geba dām̄ kə́ no ɓē tə́.

NGÉ SARYA 20:37

De gə̄ ngeé ń toō ɓōkə́n̄ rɔ̄də́ kə ngɔ̄dɔ̄ɔ́ kum kə̄ Gibea. Taān̄ kem ɓē ō, tɔ̄lə̄n̄ de kə́ kemeé gə̄ malang kɔ̄ɔ́ kə kəyā kaskaraá ō.

JOJUE 8:2

Yá̰á̰ ń ī-rāā kə ɓē kə́ Jeriko ō, kə mban̄g kə́ Jeriko ō ní, ā ī-rāā kə ɓē kə́ Ai ō, kə mban̄g kə́ Ai ō. Ba yá̰a̰ kənge gə̄ kə yá̰a̰ kul̄ gə̄ ń ā ə́ngeī kemeé ní tá ɔ́giī tām̄ yāsí tə́ kə ngé rɔ̄ɔ̄ yāí gēé. Ə̄ndā de gə̄ gidə ɓē tə́ ādə̄ əhɔn̄ madə̄ ba̰ā̰ gə̄ dɔ jīdə́ tə́.