JOJUE 5:14 - Bible sar

¹⁴ Deē ní tél ədan na: Mā i de kə́ dām̄ yāsí tə́ aĺ ō, kə́ dām̄ yā madə̄ ba̰ā̰sí gə̄ tə́ aĺ ō. Mā i ngol kósə́ ngé rɔ̄ɔ̄ gə̄ yā Kɔ́ɔ̄ɓē ba m-ūgə̄ i ngɔr ɓáý. Tā anī Jojue əsō sébə kumən nang tə́ rɔȳnneé ba ədan na: Mā i nge kəla yāí, i rí n kə m̄-rāā?

Bibəl ta Sar̄

¹⁴ Deē ní tél ədan na: Mā i de kə́ dām̄ yāsí tə́ aĺ ō, kə́ dām̄ yā madə̄ ba̰ā̰sí gə̄ tə́ aĺ ō. Mā i ngol kósə́ ngé rɔ̄ɔ̄ gə̄ yā Kɔ́ɔ̄ɓē ba m-ūgə̄ i ngɔr ɓáý. Tā anī Jojue əsō sébə kumən nang tə́ rɔȳnneé ba ədan na: Mā i nge kəla yāí, i rí n kə m̄-rāā?

JOJUE 5:14 Referans Kwoze

IJAI 55:4

Kété ní, m̄-rāā adə̄ ni i de kə́ kum tə́ yā tɔ́gə́ḿ tām̄ yā gír de gə̄ tə́, ni i ngār kə́ nge kəda kósə de kə́ kem ɓēé gə̄ yá̰á̰ kə́ yā rāā gə̄.

TA KƏLA 17:3

Abəram ɔsə non nang tə́, anī Nə́ɓā ɔr̄ najə̄ seneé ɓáý to̰, əda na:

Najə̄ kə́ Majə yā Jeju ń Luk ndang ní 20:42

Tɔdɔ̄ Dabid nəkɔ́ əda kem makətūbə̄ Pā gə̄ tə́ na: Najə̄ ń Kɔ́ɔ̄ɓē əda Kɔ́ɔ̄ɓē gə̄ yāḿ ní n toó: Ī-ndi dɔ jī ko̰ḿ tə́,

DANIEL 12:1

Dan ngeé noō tə́ ní Misel i ngār yā *de kə́ dɔ rā̰ tə́ gə̄ ō, i nge rɔ̄ɔ̄ dɔ gír deē yāí gə̄ tə́ ō ní, a teē hɔy. I dan kə́ deē a sōlə̄n̄ tə́. Ndɔ̄ ń nápar de gə̄ əlan̄neé gír ndi dɔ nang tə́, bátə́ ugə̄ń kum mbang ngeé ń noō tə́ ní, sōĺ kə́ tītə̄ ń noō gətóó ɓáý. Loo ń noō tə́ de gə̄ malang kə́ dan gír deē yāí gə̄ tə́ ń rīdə́ i kə́ ndang kem makətūbə̄ ndi kə kumuú tə́ ní a ajən̄.

DANIEL 10:13

Ngār kə́ dɔ ɓē ko̰o̰ yā Persə gə̄ tə́ tā̰ā̰m̄ rɔ̄ɔ̄ bátə́ ndɔ̄ kutə jōó gidə i kógə̄ḿ, banī Misel ń i ngār kógə̄ḿ kə́ dan ngār gə̄ ń nin̄ i kété no madə̄də́ gə̄ tə́ ní reē dḭḭ̄m̄. adə̄ əhɔmə̄n̄ adə̄ m̄-rā kadə mban̄g kə́ Persə tə́.

JEJU TEĒ KUM JA̰A̰ 12:7

Anī rɔ̄ɔ̄ kógə̄ḿ əsō dɔ rā̰ tə́. I Mikael nin̄ kə deē yān kə́ dɔ rā̰ tə́ gə̄ n a rɔ̄ɔ̄n̄ dā̰ kə́ to ɓōĺ ngá̰ý ní. Ba dā̰ kə́ to ɓōĺ ngá̰ý ní nin̄ kə deē yān kə́ dɔ rā̰ tə́ gēé a rɔ̄ɔ̄n̄də́ nin̄ ō.

JA̰A̰ 20:28

Toma tél ədan na: Kɔ́ɔ̄ɓē yāḿ ō, Nə́ɓā yāḿ ō.

MATIYE 22:44

Kɔ́ɔ̄ɓē əda Kɔ́ɔ̄ɓē yāḿ na kə reē kə ndi dɔ jī ko̰n tə́, bátə́ kadə̄ n-əlań ngé ba̰ā̰n gə̄ gír njan tə́.

MATIYE 8:2

Anī nge bānjə̄ kógə̄ḿ reē rɔ̄n tə́ ngɔr, ɔsə non nang tə́ non tə́ ba ədan na: Kɔ́ɔ̄ɓē, ré ī-ndigə anī, ādə̄ rɔ̄ḿ ūnjə̄ njáý njáý.

DANIEL 10:21

Banī yá̰á̰ ń ndagnən̄ kem makətūbə̄ najə̄ kə́ rɔ̄kum tə́ ní, m-ā m-ə́daī kété kadə̄ ōō. De kə́ rang kə́ rāā seḿ kadə̄ m̄-rɔ̄ɔń de gə̄ ń noō gətóo, ba i Misel ń i ngār yāsí ní ngóy.

IJAI 6:8

Loo ń noō tə́ m-ōō ndū Kɔ́ɔ̄ɓē loo dəje najə̄ tə́, əda na: M-ā m-ə́la i náā? Ngōmbang kəla yājí i náā? Anī m̄-dal najə̄ ní m-ə́da na: Mā n toó, ə́lam̄!

HEBƏRO 2:10

Tɔdɔ̄ i gōtə́ kadə̄ Nə́ɓā ń rāā yá̰a̰ malang ō, əhɔ yá̰a̰ malang gotə kógə̄ḿ ō ní, rāā adə̄ Jeju majə ɔtə̄ kə taá, kə ta kūl̄ ka̰a̰ tápə̄. I yā kaw̄ń kə ngáń Nə́ɓā gə̄ ngá̰ý tū kɔsə gɔn yā Nə́ɓā tə́. Tɔdɔ̄ Jeju i nge kajə de gə̄.

PILIPƏ 3:8

Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju *Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I *Kərist ngóy n i yá̰a̰ tām̄ yāḿ tə́ ní.

KƏLA RĀĀ 9:6

Ba ḭ́ḭ dɔɔ́ údə kem ɓēé, anī a ɔjənī yá̰á̰ ń kadə̄ ī-rāā ní.

Najə̄ kə́ Majə yā Jeju ń Luk ndang ní 1:43

Mā i náā á kó̰ó̰ Kɔ́ɔ̄ɓē yāḿ n reē looḿ ní?

PĀ GƏ̄ 110:1

Pā yā Dabid. Najə̄ ń Kɔ́ɔ̄ɓē əda Kɔ́ɔ̄ɓē yāḿ ní n toó: Ī-ndi dɔ jī kó̰ḿ tə́ ādə̄ m̄-rāā adə̄ madə̄ ba̰ā̰í gə̄ télən̄ yá̰a̰ kəndā nja yāí.

LEBI GƏ̄ 9:24

Hor teē rɔ̄ Kɔ́ɔ̄ɓē tə́ o̰o̰ dā̰ kə́ yā róō horoó kadə̄ Kɔ́ɔ̄ɓē ō, yibə̄ dā̰ gə̄ ō ń ton̄ dɔ *loo tun̄ yá̰á̰ tə́ ní adə̄ ngán Israel gə̄ malang a̰a̰n̄. Nin̄-əgan̄ kɔŕ rɔ̄nel̄ ba ɔsən̄ nodə́ nang tə́ rɔȳnəń Kɔ́ɔ̄ɓē.

Teē Ngán Israel gə̄ 4:10

Moijə əda Kɔ́ɔ̄ɓē na ni na i de kə́ n-ger̄ kɔr̄ najə̄ alé na i ɓatə, na i tagə́bēé laā aĺ ō, na i tagə́ ndɔ̄ tə́ aĺ ō, na i kum mbang ń na a ɔrə̄ń najə̄ seneé tə́ toō aĺ ō. Ni na i de kə́ tan ɔȳ ngá̰ý dɔ najə̄ tə́ na i jóo.

TA KƏLA 17:17

Abəraham ɔsə non nang tə́ ba əgō. Ni-əda kə́ kemən tə́ na ké deē ń ɓālə̄n i ɓú kógə̄ḿ ní ké a ojə ngōn̄ wa. Ké Sara ń ɓālə̄n i kutə ndōhó ní ké a ojə ngōn̄ ō wa.

Najə̄ kə́ Majə yā Jeju ń Luk ndang ní 5:12

Tā anī Jeju ugə̄ kem ɓē kə́rēý tə́. Deē kógə̄ḿ kə́ rɔ̄n i bānjə̄ malang i tū tə́ noō ō. Dan ni-a̰a̰ Jeju anī əsō ɔsə non nang tə́ non tə́ ba rāān ɓɔ́ əda na: Kɔ́ɔ̄ɓē, ré ī-ndigə anī ásə rāā kadə̄ rɔ̄ḿ *unjə̄ njáý njáý.

TƏ́DA 16:22

Moijə nin̄ kə Aaro̰ əsō sébən̄ kumdə́ nang tə́ ba ədan̄ na: Á Nə́ɓā, ḭ̄ ń ī-rāā adə̄ de gə̄ malang ndin̄ kə kumdə́ ní, de kə́ kógə̄ḿ beē rāā yá̰á̰ kə́ majanī, ā ī-rāā wōn̄g kə gotə de gə̄ malang a?

Teē Ngán Israel gə̄ 4:13

Moijə rāā Kɔ́ɔ̄ɓē ɓɔ́ ba ədan na kə əla de kə́ rang.

PĀ GƏ̄ 24:10

Mban̄g kə́ bo ní i náā? I Kɔ́ɔ̄ɓē kə́ ɓoo kə́ tɔ́gən i ngá̰ý ní, i ni n i mban̄g kə́ bo ní.

TƏ́DA 22:31

Anī Kɔ́ɔ̄ɓē teē kum Balam adə̄ ni-a̰a̰ *nge kaw̄ kəla yā Kɔ́ɔ̄ɓē n ra kum róbó kə njár̄ kəyā kaskaraá jīn tə́ ní. Kə̄ ta jī tə́ noō Balam ɔsə non nang tə́ non tə́.

JOJUE 20:1

Kɔ́ɔ̄ɓē mēr̄ Jojue

2 SAMUEL 7:19

Tá nge ń noō asə aĺ ɓáý ta kumií ḭ̄ Kɔ́ɔ̄ɓē tə́, adə̄ ɔ̄r̄ najə̄ kə́ tām̄ yā gír kojə yāḿ tə́ kété no ndɔ̄n tə́ ɓáý to̰. Nge ń noō i yá̰á̰ ndóō yā deē ndul a Kɔ́ɔ̄ɓē Nə́ɓā?

2 SAMUEL 7:20

Dan ń ī-gerə̄m̄ mā nge kəla yāí kɔ̄ɔ́ ɓá ní, najə̄ kə́ rang kə́ yā kadə̄ m-ə́daī dɔ tə́ i rí ɓáý to̰ Kɔ́ɔ̄ɓē Nə́ɓā?

EJEKIEL 3:23

M-ḭ́ḭ dɔɔ́ m-āw̄ kem wól loo tə́ ō, anī *kɔsə gɔn yā Kɔ́ɔ̄ɓē ɔjə rɔ̄n kə̄ ndágá loo ngeé ń noō tə́. *Kɔsə gɔn ní to tītə̄ nge ń m-á̰a̰ kadə bā Kebar tə́ ní. Loo ń noō tə́ m-ə̄sō m̄-sébə kumḿ nang tə́.

DANIEL 8:11

Ni bo bátə́ ugə̄ rɔ̄ ngār yā *de kə́ dɔ rā̰ tə́ gə̄ tə́. Adə̄ *yá̰a̰ tun̄ kə́ dɔ ndɔ̄ gə̄ ní ni ɔgə̄ kadə̄ tun̄ adə̄nən̄ kɔ̄ɔ́ ō, ni-rāā loo ń əndā kújə́ kə́ *táĺ yān tū tə́ ní loo kə́ karī tə́ ō.