JOJUE 5:1 - Bible sar

¹ Dan ń ngār gə̄ malang yā *Amor gə̄ ń ndin̄ gidə bā Jurdḛ tə́ kum kə̄ no ɓē tə́ ní ō, ngār gə̄ malang yā Kanaan gə̄ ń ndin̄ kə gō kadə bā boó ní ō, oōn̄ kadə̄ Kɔ́ɔ̄ɓē rāā adə̄ bā Jurdḛ iī kɔ̄ɔ́ no ngán *Israel gə̄ tə́ bátə́ adə̄ jə-teēiń bā Jurdḛ anī, kemdə́ gān̄g man̄ adə̄ rɔ̄də́ oy yélélé kɔ̄ɔ́ no ngán Israel gə̄ tə́.

Bibəl ta Sar̄

¹ Dan ń ngār gə̄ malang yā Amor gə̄ ń ndin̄ gidə bā Jurdḛ tə́ kum kə̄ no ɓē tə́ ní ō, ngār gə̄ malang yā Kanaan gə̄ ń ndin̄ kə gō kadə bā boó ní ō, oōn̄ kadə̄ Kɔ́ɔ̄ɓē rāā adə̄ bā Jurdḛ iī kɔ̄ɔ́ no ngán Israel gə̄ tə́ bátə́ adə̄ jə-teēiń bā Jurdḛ anī, kemdə́ gān̄g man̄ adə̄ rɔ̄də́ oy yélélé kɔ̄ɔ́ no ngán Israel gə̄ tə́.

JOJUE 5:1 Referans Kwoze

TƏ́DA 13:29

Amalek gə̄ ndin̄ i gō nang kə́ Negeb tə́. Ba Het gə̄ ō, Yebus gə̄ ō, *Amor gə̄ ō, ndin̄ i dām̄ kə́ mbalá tə́. Kanaan gə̄ ndin̄ i kadə bā bo tə́ ō, kə gō kadə bā Jurdḛ ō.

1 MBAN̄G GƏ̄ 10:5

yá̰a̰ kəsa gə̄ ń a reēn̄neé kə̄ dɔ tábəl gə̄ tə́ ní ō, loo ndi yā ngé kəla yān gə̄ ō, a̰a̰ kūbə̄ ko̰ō̰ ngé kadə̄ de gə̄ yá̰a̰ kəsa ō, man̄ ka̰ȳ ō, a̰a̰ yá̰á̰ kə́ tun̄ gə̄ ń Salomo̰ a ndējə̄ Kɔ́ɔ̄ɓē kem *kújə yā Kɔ́ɔ̄ɓē tə́ ní ō. Yá̰a̰ gə̄ ń noō malang yáān ngá̰ý,

JEJU TEĒ KUM JA̰A̰ 18:10

Nin̄-ndan̄ dan sa̰y tām̄ ɓōlə́n̄ yá̰á̰ kə́ tōr̄ ń rāān ní, ba ədan̄ na: Rɔ̄ tō ndoō, rɔ̄ tō ndoō! Tām̄ *Babilon ń i ɓē kə́ bo kə́ tɔ́gən i ngá̰ý ní, gāngə̄n̄ sarya kə́ dɔn tə́ i kum mbang kógə̄ḿ beē ngóy.

AMOS 2:9

Tá mā m̄-nujə *Amor gə̄ tām̄ yāsí tə́. De gə̄ ngeé ń noō ní, ngālə̄n̄ tītə̄ kāgə̄ sedər gə̄ beé ō, ngangə̄n̄ tītə̄ kāgə̄ sén gə̄ beé ō. Ba m̄-nujədə́ kɔ̄ɔ́ malang.

DANIEL 5:6

ta kumən tetə ndaa ō, gír̄ yān gə̄ əlan̄ ɓōĺ kemən tə́ ō, ni sōl̄ ō, dɔ kur jejə njan gə̄ tə́ndān̄ naā ō.

EJEKIEL 21:7

Ḭ̄ ngōn̄ deē, ī-tūr̄ kumií kə̄ Jerusalem. Ɔ̄r̄ najə̄ kə loo kə́ kɔr̄ kam̄ gēé kə ngangá ō, ə́da najə̄ kə́ Nə́ɓā əndā taí tə́ dɔ ɓē kə́ *Israel tə́ ō.

EJEKIEL 16:3

Ā ə́dan na: Najə̄ ń mā Kɔ́ɔ̄ɓē Nə́ɓā m-ə́dan ní n toó: Kanaan i dɔ nang yā kaaí gə̄ ō, ojiīn̄ i noó ō. Bɔbí i *Amor ō, kó̰ó̰í i Het ō.

PĀ GƏ̄ 135:11

mban̄g gə̄ ní i Sihon mban̄g yā *Amor gə̄ ō, Og mban̄g kə́ Basan ō, mban̄g gə̄ malang kə́ Kanaan ō.

ESDRAS 9:1

Gō yá̰a̰ gə̄ ń noō tə́ anī ngār gə̄ reē ədamə̄n̄ na ngán *Israel gə̄ ō, *ngé tun̄ yá̰a̰ gə̄ ō, *ngán Lebi gə̄ ō, na ɔrə̄n̄ rɔ̄də́ kɔ̄ɔ́ rɔ̄ de kə́ kem ɓēé gə̄ tə́ alé. Nin̄ na rāān̄ yá̰á̰ kə́ to yḛr kum gə̄ yā Kanaan gə̄ ō Het gə̄ ō Periji gə̄ ō Yebus gə̄ ō Amon gə̄ ō Moab gə̄ ō Ejiptə gə̄ ō *Amor gə̄ ō.

2 SAMUEL 21:2

Loo ń noō tə́ mban̄g ɓāŕ Gabaon gə̄ ba ɔr̄ najə̄ sedə́. Gabaon gə̄ i ngán *Israel gə̄ alé. Nin̄ i gotə *Amor gə̄ ń teēn̄ ta yo tə́ ní. Kété ní ngán Israel gə̄ ənīn̄ ndūdə́ adə̄n̄də́, ədan̄ na n-a n-əyan̄də́ kadə̄ ndin̄ kə kumdə́. Banī mósə Saul tə́ngān ngá̰ý najə̄ yā Israel gə̄ tə́ ō, *Juda gə̄ tə́ ō, adə̄ ni sāā tɔ̄l̄ Gabaon gə̄ kɔ̄ɔ́ malang.

1 SAMUEL 25:37

Abigail ngóō adə̄ dan ń ta gír loo tə́ á kasə gán̄g kum Nabal tə́ noō pá tá ni-ənīn gotə yá̰á̰ ń rāā yá̰á̰ ní ɓáý. Loo ń noō tə́ kə̄ngā sāā əga Nabal adə̄ rɔ̄n oy yélélé.

NGÉ SARYA 11:23

Kɔ́ɔ̄ɓē Nə́ɓā yā Israel rāā adə̄ jḭḭ deē yān gə̄ jə-taā dɔ nang yā *Amor gə̄ jīdə́ tə́ kɔ̄ɔ́ anī ḭ̄ ī-gḛy taā jījí tə́ a?

NGÉ SARYA 4:2

adə̄ Kɔ́ɔ̄ɓē əladə́ kem jī Yabin mban̄g kə́ dɔ nang kə́ Kanaan tə́ ń ndi kem ɓē kə́ Hasor tə́ ní. Ngol áskar gə̄ yā Yabin i Sisəra. Ni-ndi kem ɓē kə́ Haroset Goim tə́.

NGÉ SARYA 3:3

De gə̄ ń ni əya̰də́ adə̄ ndin̄ kem ɓēé ní i mban̄g kə́ mí gə̄ yā Pilistin gə̄ ō, Kanaan gə̄ malang ō, Sidon gə̄ kə Hibi gə̄ ń ndin̄ dɔ mbal̄ gə̄ kə́ Liban tə́ ní ō. Nin̄ əlan̄ gír ndi i mbal̄ Hermon tə́ bátə́ ugə̄ń Lebo Hamat.

NGÉ SARYA 1:1

Dan ń Jojue oy kɔ̄ɔ́ anī ngán *Israel gə̄ aw̄n̄ koō najə̄ kə́ ta Kɔ́ɔ̄ɓē tə́ yā gerə̄ń ké i náā gə̄ dɔ dáńdə́ tə́ n a aw̄n̄ yā rɔ̄ɔ̄ Kanaan gə̄ kété ní wa.

JOJUE 24:15

Ba ré rāā kəla yā Kɔ́ɔ̄ɓē nel̄sí aĺ anī, ī-gə̄rāī ɓesə̄ gə̄ ń ī-ndigiī rāādə́ ní ɓōólaā. Ré i ɓesə̄ gə̄ ń kaasí gə̄ a rāān̄ dan ń ndinə̄ń gidə bā Opəratə tə́ ní n nel̄sí sedə́ anī, ī-gə̄rāīdə́ ō, ré i ɓesə̄ gə̄ yā *Amor gə̄ ń ī-ndiī dɔ nang yādə́ tə́ toō n nel̄sí sedə́ anī, ī-gə̄rāīdə́ ō. Banī mā ō, de kə́ kem ndogə̄ yāḿ tə́ gə̄ ō, j-a jə-rāā i kəla yā Kɔ́ɔ̄ɓē.

JOJUE 17:18

Banī gō nang kə́ mbalá malang ń ku kāgə̄ gə̄ i tū tə́ ní a tél gō nang yāsí. Āw̄ ī-rāāī loo ɓē tū tə́ ō, ī-ngɔ̄mī ta róbən gə̄ ō. Kanaan gə̄ ń ndin̄ tū tə́ ní, aw̄n̄ kə púsə rɔ̄ɔ̄ kə́ rāā kə gindīí gə̄ ō, tɔ́gə́də́ i ngá̰ý ō, ɓá tā ba ā ī-tə̄ɓāīdə́ tū tə́ kɔ̄ɔ́.

JOJUE 17:12

Banī ngán Manase gə̄ asən̄ tə̄ɓā de gə̄ kə́ kem ɓē gə̄ ní tə́ alé, adə̄ Kanaan gə̄ nayn̄ kə̄ loo ndi tə́ kem ɓē gə̄ ní tə́ ɓáý.

Teē Ngán Israel gə̄ 23:28

M-ā m-ə́la kə gəmbā gēé kété nosí tə́ kadə̄ tə̄ɓān̄ Hibi gə̄ kə Kanaan gə̄ kə Het gə̄ kɔ̄ɔ́ pá tá kadə̄ ā ūgī ɓáý.

TA KƏLA 48:22

Na n-adə̄n dɔ nang kə́ Sisem ń na n-taā jī *Amor gə̄ tə́ kə kaskar yānneé ō, kə ga̰ gərā yānneé ō ní, kadə̄ yān na a tɔȳ yā ngákó̰o̰n gə̄.

TA KƏLA 12:6

njə̄rān̄ bátə́ ugə̄n̄ kāgə̄ sén kə́ More tə́, loo ń a ɓārə́n̄ na i Sisem ní tə́. Dan ń noō tə́ ní, Kanaan gə̄ ndin̄ dɔ nang ní tə́.

IJAI 41:5

Yá̰á̰ ń rāā yá̰á̰ ní gír de gə̄ ń ndin̄ sa̰y ní a̰a̰n̄ ō, ɓōĺ rāādə́ ō. De gə̄ ń nin̄ ndin̄ i ta ngóy dɔ nang tə́ ní, nin̄ ndɔ́tə̄n̄ kə̄ kété i kə rɔ̄ ndeweé.

JOJUE 3:16

bā lōō gír nūgə́ tə́ ba dəba tītə̄ kə́ deē gān̄g gírən i kə babəraá. Man̄ dəba i sa̰y, ɓē ń rīn na i Dam ní tə́, kadə Sartan tə́, ba dāmə̄n ń a nūgə́ kum kə̄ bā katə̄ kə́ Araba tə́ ní gətóo kɔ̄ɔ́ malang, loo ń noō tə́ gír de gə̄ teēn̄ bā Jurdḛ kə̄ gidə kə́rēý tə́, teēn̄ i loo ń ra sɔɔ̄n̄ ta naā kə ɓē kə́ Jeriko ní tə́.

JOJUE 3:17

Ngé tun̄ yá̰a̰ gə̄ ń ətōn̄ *sandúkə madə̄ naā yā Kɔ́ɔ̄ɓē ní, dəba ran̄ gotə kógə̄ḿ dan bāá loo kə́ tutə tə́, bátə́ adə̄ ngán *Israel gə̄ mānə̄nəń malang kə̄ gidə kə́rēý tə́ kanjə̄ kadə̄ man̄ ɔdə njadə́.