JOJUE 4:13 - Bible sar

¹³ De gə̄ kə́ ndin̄ dɔ rɔ̄də́ tə́ kɔ̄ɔ́ tām̄ yā rɔ̄ɔ̄ tə́ asən̄ dūbú kutə sɔ́ ń nuū, mānə̄n̄ no Kɔ́ɔ̄ɓē tə́ kə yá̰a̰ rɔ̄ɔ̄ gēé ba aw̄n̄ kum kə̄ ndágə loo gə̄ kə́ Jeriko tə́.

Bibəl ta Sar̄

¹³ De gə̄ kə́ ndin̄ dɔ rɔ̄də́ tə́ kɔ̄ɔ́ tām̄ yā rɔ̄ɔ̄ tə́ asən̄ dūbú kutə sɔ́ ń nuū, mānə̄n̄ no Kɔ́ɔ̄ɓē tə́ kə yá̰a̰ rɔ̄ɔ̄ gēé ba aw̄n̄ kum kə̄ ndágə loo gə̄ kə́ Jeriko tə́.

JOJUE 4:13 Referans Kwoze

EPEJƏ 6:11

Ə́laī yá̰a̰ rɔ̄ɔ̄ malang yā Nə́ɓā rɔ̄sí tə́, kadə̄ ásiīń ra ngan̄g ta yá̰á̰ ń *diabəl a rāā tə́ ní.

JEREMI 52:8

Banī ɓūtə̄ ngé rɔ̄ɔ̄ kə́ Kalde gə̄ sōngə̄n̄ gō mban̄g aw̄ əngenən̄ kum ndágə mbō kə́ Jeriko tə́. Ngé rɔ̄ɔ̄ yān gə̄ əya̰nən̄ malang ba a̰ȳn̄ naā kɔ̄ɔ́.

JEREMI 39:5

Ngé rɔ̄ɔ̄ gə̄ kə́ Kalde tə́ ngɔ̄də̄n̄ gōdə́ ba aw̄ əhɔn̄ Sedekias kem wól loo kə́ Jeriko tə́. Əhɔ aw̄n̄ seneé Ribəla kem ɓē kə́ Hamat tə́, rɔ̄ Nabukodonosor mban̄g kə́ *Babilon tə́, adə̄ gān̄g sarya dɔn tə́.

2 MBAN̄G 25:5

Banī ɓūtə̄ ngé rɔ̄ɔ̄ kə́ Kalde gə̄ sōngə̄n̄ gō mban̄g, aw̄ əngenən̄ kum ndágə mbō kə́ Jeriko tə́. Ngé rɔ̄ɔ̄ yān gə̄ əya̰nən̄ malang ba a̰ȳn̄ naā kɔ̄ɔ́.

JOJUE 5:10

Ngán Israel gə̄ ndin̄ Gilgal. Nin̄ rāān̄ nāā *Pákə ndágə loo gə̄ kə́ Jeriko tə́ kə ndɔ̄ nāā kə́ nge ko̰ kutə gidə i sɔ́, ta loo tíbə́ tə́.

Teē Ngán Israel gə̄ 13:18

Nə́ɓā tūr̄ ta ngán *Israel gə̄ adə̄ unən̄ róbə́ kə́ mángá ń teē bā tə̄ɓā gə̄ tə́ ní. Ngán Israel gə̄ njə̄rān̄ i kə gō naá majə n teēn̄neé kem ɓē kə́ Ejiptə tə́ kɔ̄ɔ́ ní.

TƏ́DA 32:17

Gō tə́ anī j-a j-ɔy yá̰a̰ rɔ̄ɔ̄ gə̄ láẃ yā njə̄rań kété no ngán *Israel gə̄ tə́ yā kaw̄ń sedə́ bátə́ kaw̄ kəndādə́ ɓē yādə́ gə̄ tə́. Ba ngáńjí gə̄ a ndin̄ laā kem ɓē bo gə̄ kə́ ndogə̄ mbal̄ kə́ ngan̄g gə̄ gīrə̄n̄ gidə tə́ najə̄ yā de kə́ dɔ nang ń toō gə̄ tə́ tə́.

NDŪ NAJƏ̄ 3:18

Tā anī m-ə́dásí najə̄ ń toō m-ə́da na: Dan ń Kɔ́ɔ̄ɓē Nə́ɓā yāsí adə̄sí dɔ nang kə́ gidə bā Jurdḛ kə́ dām̄ kə́ gír ɓē tə́ oy kɔ̄ɔ́ ɓá ní, majə kadə̄ ngé rɔ̄ɔ̄ gə̄ malang kə́ dɔ dáńsí tə́ ɔyn̄ yá̰a̰ rɔ̄ɔ̄ yādə́ gə̄ teēn̄neé bā Jurdḛ, ba njə̄rān̄ kété no ngákó̰ó̰sí gə̄ ń i gotə ngán Israel gə̄ ní tə́.

JOJUE 4:12

De gə̄ kə́ gír ɓē yā Ruben tə́ ō, yā Gad tə́ ō, núsə de gə̄ kə́ gír ɓē yā Manase tə́ ō, ɔyn̄ yá̰a̰ rɔ̄ɔ̄ yādə́ gə̄ ba mānə̄n̄ kété no ngán *Israel gə̄ tə́ tītə̄ ń Moijə ədańdə́ ní.

JOJUE 4:14

Ndɔ̄ ń nuū tə́ Kɔ́ɔ̄ɓē rāā adə̄ Jojue tél de kə́ bo ta kum ngán *Israel gə̄ tə́ malang, adə̄ nin̄ ɓōlə́n̄ ndílən kə dɔ ndɔ̄ ndin kə kumuú gə̄ malang tītə̄ ń ɓóĺneé ndíl Moijə kété ní.

NGÉ SARYA 20:1

Ngán Israel gə̄ malang teēn̄ gidə kógə̄ḿ kánə̄n̄ naā ta kum Kɔ́ɔ̄ɓē tə́ kem ɓē kə́ Misəpa tə́. Ḭḭn̄ i kə̄ dɔ ɓē yādə́ gə̄ tə́ malang n reēn̄ ní. Ḭḭn̄ i ɓē gə̄ ń əla gír Dan bátə́ teēń Beer Seba ní ō, ḭḭn̄ i dɔ nang kə́ Galaad tə́ ō.