JOJUE 3:8 - Bible sar

⁸ Ba ə́dá *ngé tun̄ yá̰a̰ gə̄ ń a ətōn̄ *sandúkə madə̄ naā ní kadə̄ udən̄ kum man̄ Jurdḛ tə́ anī, dəba ran̄ gotə kógə̄ḿ.

Bibəl ta Sar̄

⁸ Ba ə́dá ngé tun̄ yá̰a̰ gə̄ ń a ətōn̄ sandúkə madə̄ naā ní kadə̄ udən̄ kum man̄ Jurdḛ tə́ anī, dəba ran̄ gotə kógə̄ḿ.

JOJUE 3:8 Referans Kwoze

JOJUE 3:17

Ngé tun̄ yá̰a̰ gə̄ ń ətōn̄ *sandúkə madə̄ naā yā Kɔ́ɔ̄ɓē ní, dəba ran̄ gotə kógə̄ḿ dan bāá loo kə́ tutə tə́, bátə́ adə̄ ngán *Israel gə̄ mānə̄nəń malang kə̄ gidə kə́rēý tə́ kanjə̄ kadə̄ man̄ ɔdə njadə́.

JOJUE 3:3

ba ədan̄də́ na: Ré á̰a̰ī ngán Lebi kə́ *ngé tun̄ yá̰a̰ gə̄ a ətōn̄ *sandúkə madə̄ naā yā Kɔ́ɔ̄ɓē Nə́ɓā yāsí a aw̄n̄neé anī, ḭ́ḭḭ̄ kɔ̄ɔ́ loo ń ī-ndiī tū tə́ tə́ ní ba úniī gōdə́.

NŌŌ RƆ̄ 3:26

Majə kadə̄ deē əndā kemən dɔ kajə yā Kɔ́ɔ̄ɓē tə́ kə tan kə́ mbóó.

NEHEMI 13:28

Ngōn̄ Yoyada kógə̄ḿ kə́ dəngam kə́ ngōn̄ Eliasib ngol *ngé tun̄ yá̰a̰ gə̄ i um Sanbalat kə́ Horon, adə̄ m̄-tə́ɓān kɔ̄ɔ́ rɔ̄ḿ tə́.

NEHEMI 13:22

Gō tə́ anī m-ə́dá *ngán Lebi gə̄ kadə̄ tə́gon̄ majaĺ kə́ rɔ̄də́ tə́ kɔ̄ɔ́ kadə̄ unjə̄n̄ njáý njáý, ba kə aw̄ kə n gɔ̄mə̄n̄ ta róbə gə̄ kə́ yā kudəń kə̄ kem ɓēé, yā kadə̄ de gə̄ ɓōlə́n̄neé ndɔ̄ *sabat ba rāān̄neé ndɔ̄ ní i ndɔ̄ kə́ kɔr̄ kam̄ tām̄ yā Nə́ɓā tə́. Nə́ɓā yāḿ, ādə̄ əga kemií dɔḿ tə́ tām̄ yā nge ń noō tə́ ō, á̰a̰ kum tō ndoō yāḿ tām̄ kem majə yāí kə́ ngá̰ý tə́ ō.

2 YÁ̰A̰ GƏ̄ 30:12

Kɔ́ɔ̄ɓē rāā kəla kem de gə̄ tə́ dɔ nang kə́ Juda tə́ ō, adə̄ de gə̄ malang gḛyn̄ rāā yá̰á̰ ń mban̄g ō, de kə́ bo gə̄ ō, ədan̄ kə gō ndū Kɔ́ɔ̄ɓēé ní.

2 YÁ̰A̰ GƏ̄ 29:30

Gō tə́ anī mban̄g Ejekias ō, ngār gə̄ ō, mērə̄n̄ *ngán Lebi gə̄ tɔ̄ȳ Kɔ́ɔ̄ɓē ɓáý to̰ kə pā gə̄ ń Dabid rāā ní ō, kə pā gə̄ ń Asap nge ka̰a̰ yá̰a̰ rāā ní ō, adə̄ nin̄ tɔ̄ȳn̄ Kɔ́ɔ̄ɓē kə rɔ̄nelēé ō, tétə̄n̄ kejədə́ ba ɔsən̄ nodə́ nang tə́ rɔȳn̄neé Kɔ́ɔ̄ɓē ō.

2 YÁ̰A̰ GƏ̄ 29:27

Ejekias əda kadə̄ tunə̄n̄ yá̰a̰ kógə̄ḿ kə taá dɔ *loo tun̄ yá̰á̰ tə́. Dan ń əlan̄ gír tun̄ anī unən̄ pā kə́ yā rɔȳń Kɔ́ɔ̄ɓē ō, kɔ̄rə́n̄ bərúnjə gə̄ ō, ugən̄ yá̰á̰ kə́ ɓār̄ gōsə̄ gə̄ yā Dabid mban̄g kə́ *Israel tə́ ō.

2 YÁ̰A̰ GƏ̄ 29:15

Nin̄ kánə̄n̄ ngákó̰ó̰də́ gə̄ kə́ gír kaa yādə́ gə̄ tə́ ba nin̄ malang tə́gon̄ rɔ̄də́. Gō tə́ anī aw̄n̄ kem *kújə yā Kɔ́ɔ̄ɓē tə́ tītə̄ ń mban̄g ədań kə gō ndū Kɔ́ɔ̄ɓēé ní yā tə́gó kújə yā Kɔ́ɔ̄ɓē.

Teē Ngán Israel gə̄ 14:13

Moijə tél ədadə́ na kə lōōn̄ ɓōĺ, ba kə əhɔn̄ kemdə́ ngan̄g na a a̰a̰n̄ loo kajə ń Kɔ́ɔ̄ɓē na a ajədə́ ní ɓōólaā. De kə́ Ejiptə gə̄ ń na a̰a̰n̄də́ ɓōólaā toó na a a̰a̰n̄də́ gogə́ to̰ alé i kə́ bátə́ gə̄ tə́.

JOJUE 3:7

Kɔ́ɔ̄ɓē əda Jojue na: Ɓōólaā m-ā m-ə́lá gír rāā kadə̄ ī-tél de kə́ bo ta kum ngán *Israel gə̄ tə́ malang, kadə̄ gerə̄n̄ na mā i seí naā tə́ tītə̄ ń kété mā i naā tə́ kə Moijə ní.

JOJUE 3:9

Jojue əda ngán Israel gə̄ na: Ī-ndɔ́tī kə̄ ngɔr ōōīń najə̄ gə̄ ń Kɔ́ɔ̄ɓē Nə́ɓā yāsí əda ní.

2 MBAN̄G 2:6

*Eli ədan na: Ɓɔ́, ī-ndi laā tɔdɔ̄ Kɔ́ɔ̄ɓē əlam̄ bā Jurdḛ tə́. Banī Elije tél ədan na: Tītə̄ ń Kɔ́ɔ̄ɓē ndiń kə kumneé noō ō, ḭ̄ ī-ndiń kə kumií ō noó, m-ā m-ə́ya̰ gōí alé! Tā anī aw̄n̄ Jurdḛ tə́ mbak.

JOJUE 4:11

Dan ń de gə̄ teēn̄ bā Jurdḛ kə̄ gidə kə́rēý tə́ malang oy anī, *ngé tun̄ yá̰a̰ gə̄ mān̄ aw̄ ran̄ kété nodə́ tə́ kə *sandúkə madə̄ naā yā Kɔ́ɔ̄ɓē.