JOJUE 3:5 - Bible sar

⁵ Gō tə́ anī Jojue əda gír de gə̄ na: Ɔ̄rī kam̄sí tām̄ yā Nə́ɓā tə́ ādə̄ majaĺ gətóo dɔ dáńsí tə́, tɔdɔ̄ bírí anī Kɔ́ɔ̄ɓē a rāā yá̰á̰ kə́ kɔr kum gə̄ dɔ dáńsí tə́.

Bibəl ta Sar̄

⁵ Gō tə́ anī Jojue əda gír de gə̄ na: Ɔ̄rī kam̄sí tām̄ yā Nə́ɓā tə́ ādə̄ majaĺ gətóo dɔ dáńsí tə́, tɔdɔ̄ bírí anī Kɔ́ɔ̄ɓē a rāā yá̰á̰ kə́ kɔr kum gə̄ dɔ dáńsí tə́.

JOJUE 3:5 Referans Kwoze

JOJUE 7:13

Ngɔlaā ní āw̄ əda de gə̄ ādə̄ əndān̄ dɔ rɔ̄də́ danaá tām̄ yāḿ tə́. ə́dádə́ ādə̄ ɔrə̄n̄ kamdə́ tayā tām̄ yā Nə́ɓā tə́, ādə̄ majaĺ gətóo dɔdə́ tə́ tām̄ yā ndɔ̄ kə́ bírí tə́. Tɔdɔ̄ yá̰á̰ ń Kɔ́ɔ̄ɓē Nə́ɓā yā Israel əda ní n toó Sḭḭ̄ ngán *Israel gə̄, yá̰á̰ kə́ bāā dɔ dáńsí tə́, adə̄ ā ásiī dum̄ ta madə̄ ba̰ā̰sí gə̄ alé, bátə́ kadə̄ ré uniī yá̰á̰ ní ī-teēiń kɔ̄ɔ́ pá tá.

LEBI GƏ̄ 20:7

Ɔ̄rī rɔ̄sí kɔ̄ɔ́ kum yá̰á̰ kə́ majaĺ gə̄ tə́, kadə̄ sḭḭ̄ i kə́ táĺ gə̄, tɔdɔ̄ mā i Kɔ́ɔ̄ɓē Nə́ɓā yāsí.

JOEL 2:16

Ɔ́siī dɔ ngán *Israel gə̄ kə̄ naā tə́. Ī-ɓāríīdə́ tām̄ yā kán̄ naā kə́ *táĺ tə́. Ɔ́siī dɔ de kə́ tɔgə ɓə́ga gə̄ ō, balsáa gə̄ ō, ngáń kə́ ta mba tə́ gə̄ ō naā tə́. Ādə̄ nge taā dəyá̰ kijə teē kújú kɔ̄ɔ́ ō, nge taā ngaa kijə teē kújú kɔ̄ɔ́ ō.

1 SAMUEL 16:5

Anī ni ədadə́ na: A̰á̰ā̰, m̄-reē i tun̄ yá̰á̰ tə́ yā kadə̄ Kɔ́ɔ̄ɓē. Ní ī-tə́goī rɔ̄sí ādə̄ *unjə̄ njáý njáý ba ī-reē āwī seḿ *loo tun̄ yá̰á̰ tə́. Samuel mēr̄ Jese nin̄ kə ngánən kə́ dəngam gēé kadə̄ tə́gon̄ rɔ̄də́ kadə̄ unjə̄ njáý njáý ba kə aw̄n̄ *loo tun̄ yá̰á̰ ní tə́ ō.

JA̰A̰ 17:19

M-ādī rɔ̄ḿ kə taá malang tām̄ yādə́ tə́, yā kadə̄ nin̄ i deē yāí gə̄ kə́ rɔ̄kum tə́.

LEBI GƏ̄ 10:3

Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

PĀ GƏ̄ 86:10

Tɔdɔ̄ ḭ̄ i de kə́ bo, ī-rāā yá̰á̰ kə́ majə to ɓōĺ ngá̰ý gə̄, i īkɔ́ kal kógə̄ḿ beē n i Nə́ɓā kə́ rɔ̄kum ní!

Makətūbə̄ yā Job 1:5

Ré əsan̄ yá̰á̰ gír gān̄g anī, Job ɓāŕdə́, ba rāā yá̰á̰ kə́ yā kunəń majaĺ dɔdə́ tə́ kɔ̄ɔ́ kadə̄ nin̄-unjə̄n̄neé njáý njáý. Ni a ḭḭ dɔɔ́ i kə gír looí ɓatə yā ndējə̄ Nə́ɓā *yá̰a̰ tun̄ kə́ róō horoó kə taá tām̄ yā ngánən gə̄ tə́ kógə̄ḿ kógə̄ḿ. Tɔdɔ̄ ni-əda kə̄ kemən tə́ na: Majanī ngánə́ḿ gə̄ rāān̄ yá̰á̰ kə́rēý kə́ gōtə́ aĺ, aláa ndɔ̄lə́n̄ Nə́ɓā kemdə́ tə́! Job a rāā i beé dejə.

JOJUE 3:13

Loo ń ré *ngé tun̄ yá̰a̰ gə̄ ń a ətōn̄ *sandúkə madə̄ naā yā Kɔ́ɔ̄ɓē ń i kɔ́ɔ̄ dɔ nang malang ní a əndān̄ njadə́ kum bā Jurdḛ tə́ anī, bā Jurdḛ a gān̄g danaá jōó: Man̄ ń a ḭḭ dām̄ loo kə́ kḭḭ kə̄ dɔɔ́ tə́ á nūgə́ kum kə̄ dām̄ loo kə́ risə kə̄ nang tə́ tə́ ní, a tél yā kán̄ naā loo kógə̄ḿ tītə̄ kə́ deē gān̄g gírən i kə babəraá beé.

JOJUE 3:15

I dan yā sāā kōō gə̄ tə́ n bā Jurdḛ a ḭḭń ngá̰ý adə̄ a taāń loo ní. Dan nəkɔ́ ń *ngé tun̄ yá̰a̰ gə̄ ń i ngé kətō *sandúkə madə̄ naā gə̄ əlan̄ njadə́ kə̄ kum man̄ tə́ ta gógə́ tə́ anī,

TƏ́DA 11:8

Ndɔ̄ anī ur̄ kem ɓēé naā tə́ kə tal ń a əhɔ dɔ ɓē tə́ ní. Ba teē kə ndɔ̄ý anī de gə̄ tə̄ndān̄ naā tīn̄ kə̄ loo gə̄ tə́ yā kɔy. A usən̄ *mána ní i kə mbal̄ kusə yá̰á̰, aĺ anī a urən̄ i bírí. A ndīr̄nən̄ jóó ō, a rāān̄ makəla tə́ ō. Nelə̄n to tītə̄ nel̄ makəla kə́ kɔr̄ kə yibīí beē.

JOJUE 3:4

I beé n ā ī-gerīiń róbə́ kə́ yā kun ní, tɔdɔ̄ sḭḭ̄ úniī róbə́ ń toō kété aĺ ɓáý, ɓá tā ba ādī dɔ dáńsí to asə kilometər kógə̄ḿ kə *sandúkə madə̄ naā ní, ba ī-lōōī njə̄rā gō tə́ ngɔr.

JOJUE 3:6

Teē kə ndɔ̄ kə́ noō anī, ni-əda *ngé tun̄ yá̰a̰ gə̄ kadə̄ unən̄ sandúkə madə̄ naā ba kə mānə̄n̄ kété no de gə̄ tə́. Anī nin̄ rāān̄ tītə̄ ń Jojue ədańdə́ ní, adə̄ unən̄ *sandúkə madə̄ naā ba mānə̄n̄ kété no de gə̄ tə́.

PĀ GƏ̄ 77:15

I īkɔ́ kal kógə̄ḿ beē ngóy n i nge rāā yá̰á̰ kə́ kɔr kum gə̄ ní. Ḭ̄ ɔ́jə́ gír de kə́ rang gə̄ tɔ́gí.