JOJUE 24:27 - Bible sar

²⁷ ba əda de gə̄ na: Mbal̄ ń toō i nge kəda najə̄ kə́ kum tə́ dɔjí tə́, tɔdɔ̄ ni oō najə̄ malang ń Kɔ́ɔ̄ɓē ɔr̄ sejí ní. Ni i nge kəda najə̄ kə́ kum tə́ dɔsí tə́ yā kɔgə̄ńsí rāā háĺ kə́ gōtə́ aĺ kə Nə́ɓā yāsí.

Bibəl ta Sar̄

²⁷ ba əda de gə̄ na: Mbal̄ ń toō i nge kəda najə̄ kə́ kum tə́ dɔjí tə́, tɔdɔ̄ ni oō najə̄ malang ń Kɔ́ɔ̄ɓē ɔr̄ sejí ní. Ni i nge kəda najə̄ kə́ kum tə́ dɔsí tə́ yā kɔgə̄ńsí rāā háĺ kə́ gōtə́ aĺ kə Nə́ɓā yāsí.

JOJUE 24:27 Referans Kwoze

Najə̄ kə́ Majə yā Jeju ń Luk ndang ní 19:40

Ba Jeju ədadə́ na: Ādə̄ m-ə́dásí, ré nin̄ a ran̄ kə tadə́ kə́ mbóó gə̄gē anī, i mbal̄ gə̄ n a əgan̄ kɔŕ ní.

JOJUE 22:34

Loo ń noō tə́ ngán Ruben gə̄ ō, ngán Gad gə̄ ō, əndān̄ rī *loo tun̄ yá̰á̰ ní na i yá̰á̰ kə́ kum tə́, tɔdɔ̄ i yá̰á̰ kə́ ɔjədə́ mbak kadə̄ Kɔ́ɔ̄ɓē i Nə́ɓā.

MATIYE 10:33

Ba deē ń a əda ta kum de gə̄ tə́ na ni na i deē yāḿ aĺ ní, m-ā m-ə́da ta kum Bɔbə́ḿ kə́ ndi dɔ rā̰ tə́ na ni i deē yāḿ aĺ ō.

NDŪ NAJƏ̄ 31:26

Ī-taāī makətūbə̄ ndū najə̄ yā Nə́ɓā ń toō ə̄nīī kadə *sandúkə madə̄ naā yā Kɔ́ɔ̄ɓē Nə́ɓā yāsí tə́. A to i loo ń noō tə́ kadə̄ rāā rɔ̄n i yá̰á̰ kə́ kum tə́ kə̄ no ngán *Israel gə̄ tə́.

IJAI 1:2

Dɔ rā̰, ōō! Ba ḭ̄ dɔ nang, ī-nēl̄ mbīí! I Kɔ́ɔ̄ɓē n a ɔr̄ najə̄ ní: M-ūl̄ ngán gə̄ adə̄ tɔgən̄, m-ə̄tō ngán gə̄, banī nin̄ əsōn̄ wōn̄g taḿ tə́ kɔ̄ɔ́.

Gōsə̄ najə̄ gə̄ 30:9

na sōgə́ m-ə́ngé yá̰á̰ ngá̰ý al̄ naā anī m̄-nējə̄ ndūḿ m-ə́da na ké Kɔ́ɔ̄ɓē i náā wa. Aláa m̄-ndoō ngá̰ý al̄ naā anī m̄-ɓogə adə̄ m-ə́la rɔ̄sɔl̄ dɔ Nə́ɓā yāḿ tə́.

Makətūbə̄ yā Job 31:23

A̰ á̰, kété ní m̄-ɓōĺ ndéy jī Nə́ɓā ngá̰ý. Ni i kə bo adə̄ m̄-rā ta kumən tə́ anī, m-ásə rāā yá̰á̰ kógə̄ḿ alé.

1 SAMUEL 7:12

Samuel un mbal̄ kógə̄ḿ udə kə nja dɔɔ́ dɔ dán ɓē kə́ Misəpa kə Hasen tə́ ba əndā rī mbal̄ ní na i Eben Ejer. Kumən na i mbal̄ dḭḭ̄. Tɔdɔ̄ əda na: Kɔ́ɔ̄ɓē dḭḭ̄jí bátə́ ugə̄ sejí loo ń toō tə́.

NDŪ NAJƏ̄ 32:1

Dɔ rā̰, ī-nēl̄ mbīí ōoń najə̄ kɔrə̄ḿ. Dɔ nang, ōō yá̰a̰ gə̄ ń m-ā m-ə́dá ní.

NDŪ NAJƏ̄ 31:21

Loo ń noō tə́ yá̰á̰ kə́ to kum kaȳ aĺ ngá̰ý gə̄ ō, wur kɔl kə́ ngá̰ý gə̄ ō, a rāān̄də́. Banī pā ń toō a tél najə̄ kə́ kum tə́ kə́ kəda dɔdə́ tə́. Tɔdɔ̄ dɔ ngáńdə́ gə̄ ō, ngán kaadə́ gə̄ ō, a ndígə̄nal pā ń toō alé. Yá̰á̰ ń ndi a nɔ́mə̄n̄ kemdə́ tə́ ɓōólaā ní, m̄-ger̄ majə kɔ̄ɔ́ pá tá kadə̄ m-āw̄ sedə́ dɔ nang ń m-ə̄nī ndūḿ yā kadə̄də́ tə́ ní.

TITƏ 1:16

Nin̄-ədan̄ na n-gerə̄n̄ Nə́ɓā, banī yá̰a̰ rāādə́ ɔjə kadə̄ nin̄-gerə̄n̄ Nə́ɓā alé rɔ̄kum. Nin̄ i de kə́ majaĺ ngá̰ý gə̄ ō, de kə́ ngé dɔ ngan̄g gə̄ ō, asən̄ rāā yá̰á̰ kógə̄ḿ kə́ majə aĺ ō.

NDŪ NAJƏ̄ 31:19

Ngɔlaā ní ī-ndangiī kum najə̄ gə̄ kə́ tū pā ń toō tə́ tām̄ yāsí tə́. Ḭ̄ Moijə, ā ī-ndóō ngán *Israel gə̄. Ā ə̄ndā kumií gírí kadə̄ ndóō gerə̄n̄, kadə̄ pā ń toō tél najə̄ kə́ kum tə́ yāḿ kə̄ no ngán Israel gə̄ tə́.

NDŪ NAJƏ̄ 30:19

Ɓōólaā m-ún dɔ rā̰ ō, dɔ nang ō, kadə̄ nin̄ i ngé kəda najə̄ kə́ kum tə́ dɔí tə́. Yá̰á̰ ń m-ə̄ndā noí tə́ ní i ndi kə kumuú nin̄ kə yoó ō, i tɔ́r̄ ta nin̄ kə ndɔ̄ĺɔ́ ō. Ā ī-gə̄rā i ndi kə kumuú kadə̄ ī-ndiń kə kumií kə ngání gə̄ ō, ngán kaaí gə̄ ō.

NDŪ NAJƏ̄ 4:26

Ré ī-rāāī yá̰á̰ kə́ majaĺ kə́ beé gə̄ anī, m-ə́dásí ɓōólaā m-ādə̄ gān̄g ō, dɔ rā̰ nin̄ kə dɔ nang i kə́ kum tə́ yāḿ gə̄ ō. Ā ī-gətóoī kɔ̄ɔ́ kə̄ ta jī tə́ beē dɔ nang ń ā ə́ngeī gidə bā Jurdḛ kə́ dām̄ kə́ nú tə́ ní. Ā ī-ndiī tū tə́ dan i ngá̰ý aĺ n ā ī-gətóoīneé kɔ̄ɔ́ malang ní.

JEJU TEĒ KUM JA̰A̰ 3:8

m̄-ger̄ kəla rāāí gə̄. Á̰a̰ā̰, m-ə́ya̰ ta róbə́ kógə̄ḿ adə̄ ra kə wōyōó noí tə́, ba deē kógə̄ḿ kə́ asə kutə̄ gətóo, tɔdɔ̄ tɔ́gí i ngá̰ý alé, ba ī-ngɔ̄m̄ najə̄ yāḿ ō, ī-mbātə́ rīḿ aĺ ō.

HABAKUK 2:11

Mbal̄ gə̄ kə́ tū ndogə̄ mbal̄ gə̄ tə́ gə̄gē, a əgan̄ kɔŕ yā kəndāń najə dɔsí tə́ ō, kāgə̄ gə̄ ń a əhɔn̄ kújə dɔɔ́ ní, a tūrə̄n̄ najə̄ yā kədadə́ ō.

TƏ́DA 11:20

Banī ā ə́saī i kə́ njɔ́ḿ gə̄ tə́ nāā kógə̄ḿ. Ā ə́saī dā̰ ní bátə́ kadə̄ teē kó̰ńsí tə́, kadə̄ sēēn ra dɔsí tə́. Tām̄ sḭḭ̄ ī-mbātíī Kɔ́ɔ̄ɓē ń ndi dɔ dáńsí tə́ ní kɔ̄ɔ́ ō, ī-nōōī ta kum Kɔ́ɔ̄ɓē tə́ ə́daī na ké ī-teēī kɔ̄ɔ́ Ejiptə i tām̄ rí tə́ wa ō.

JOJUE 24:28

Loo ń noō tə́ Jojue əya̰ de gə̄ adə̄ aw̄n̄. Nin̄ kógə̄ḿ kógə̄ḿ télən̄ kə̄ dɔ nang yādə́ tə́.

Makətūbə̄ yā Job 31:28

nge ń noō m̄-rāā i yá̰á̰ kə́ majaĺ ngá̰ý ō, kə́ nge gān̄g sarya yāḿ a gān̄g sarya dɔ tə́ ō. Tɔdɔ̄ nge ń noō i nējə̄ kə́ m̄-nējə̄ m-ə́da na Nə́ɓā kə́ dɔɔ́ i Nə́ɓā yāḿ alé.

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.