JOJUE 24:15 - Bible sar

¹⁵ Ba ré rāā kəla yā Kɔ́ɔ̄ɓē nel̄sí aĺ anī, ī-gə̄rāī ɓesə̄ gə̄ ń ī-ndigiī rāādə́ ní ɓōólaā. Ré i ɓesə̄ gə̄ ń kaasí gə̄ a rāān̄ dan ń ndinə̄ń gidə bā Opəratə tə́ ní n nel̄sí sedə́ anī, ī-gə̄rāīdə́ ō, ré i ɓesə̄ gə̄ yā *Amor gə̄ ń ī-ndiī dɔ nang yādə́ tə́ toō n nel̄sí sedə́ anī, ī-gə̄rāīdə́ ō. Banī mā ō, de kə́ kem ndogə̄ yāḿ tə́ gə̄ ō, j-a jə-rāā i kəla yā Kɔ́ɔ̄ɓē.

Bibəl ta Sar̄

¹⁵ Ba ré rāā kəla yā Kɔ́ɔ̄ɓē nel̄sí aĺ anī, ī-gə̄rāī ɓesə̄ gə̄ ń ī-ndigiī rāādə́ ní ɓōólaā. Ré i ɓesə̄ gə̄ ń kaasí gə̄ a rāān̄ dan ń ndinə̄ń gidə bā Opəratə tə́ ní n nel̄sí sedə́ anī, ī-gə̄rāīdə́ ō, ré i ɓesə̄ gə̄ yā Amor gə̄ ń ī-ndiī dɔ nang yādə́ tə́ toō n nel̄sí sedə́ anī, ī-gə̄rāīdə́ ō. Banī mā ō, de kə́ kem ndogə̄ yāḿ tə́ gə̄ ō, j-a jə-rāā i kəla yā Kɔ́ɔ̄ɓē.

JOJUE 24:15 Referans Kwoze

1 MBAN̄G GƏ̄ 18:21

*Eli ndɔ́tə̄ kə̄ rɔ̄ de gə̄ tə́ malang ba ədadə́ na: I rə́ngáý tə́ ń a asəsí ndām̄ dɔ njasí kə́ kógə̄ḿ tə́ ō, tél ndām̄ dɔ njasí kə́ rang tə́ ō ní? Ré i Kɔ́ɔ̄ɓē n i Nə́ɓā anī úniī gōn ō, ré i Baal n i Nə́ɓā anī, uniī gōn ō! Banī deē kógə̄ḿ ədan najə̄ alé.

NDŪ NAJƏ̄ 29:18

Ré de kə́rēý oō najə̄ gə̄ ń túbən̄neé toō ba kɔ́ɔ̄ gír̄ kemən tə́ na Nə́ɓā na rāā majə seneé kɔ̄ɔ́ ɓá, adə̄ əda kə̄ kemən tə́ na: M-ə́ngé yá̰a̰ malang tɔdɔ̄ i yá̰a̰ gə̄ ń kemḿ ndigə ní n m-ə́hɔ gōdə́ m̄-rāādə́ ní, tām̄ dɔ nang ń adə̄nən̄ man̄ kɔ̄ɔ́ ɓá ní kəndā man̄ rāān to̰ alé anī,

EJEKIEL 20:39

Yá̰á̰ ń mā Kɔ́ɔ̄ɓē Nə́ɓā m-ə́dásí sḭḭ̄ ngán *Israel gə̄ ní n toó: Sḭḭ̄ kógə̄ḿ kógə̄ḿ āw̄ ī-rɔyī nə́ɓā kə́ rɔ̄kum aĺ yāsí gə̄! Ba gō tə́ anī, ā ōōī taḿ dɔ gúú tə́. Ā ī-ndējī nə́ɓā yāsí kə́ rɔ̄kum aĺ gə̄ yá̰a̰ yā kídəń rīḿ kə́ kɔr̄ kam̄ to̰ alé.

KƏLA RĀĀ 11:23

Dan ń ni-ɔtə̄ á a̰a̰ majə ń Nə́ɓā rāā ní anī, rɔ̄n nelə̄n ngá̰ý ō, ra sedə́ malang ta kəhɔ gō Kɔ́ɔ̄ɓē kadə̄ ngan̄g ō.

Teē Ngán Israel gə̄ 23:24

ā ɔ́siī nosí nang tə́ no ɓesə̄ yādə́ gə̄ tə́ aĺ ō, ā ī-rāāī yá̰a̰ tītə̄ ń a rāān̄neé loodə́ ní aĺ ō, banī ā ī-tétī ɓesə̄ yādə́ gə̄ kɔ̄ɔ́ ō, ā ī-tɔ̄ɔ̄ī mbal̄ yādə́ kə́ túdə̄ kə nja kə́ dɔɔ́ gə̄ kɔ̄ɔ́ ō.

NGÉ SARYA 6:10

N-ədasí kété na ni i Kɔ́ɔ̄ɓē Nə́ɓā yādə́ ba kə ī-lōōī ɓōĺ ɓesə̄ gə̄ yā *Amor gə̄ ń ī-ndiī dɔ nang yādə́ tə́ ní. Banī sḭḭ̄ ōōī tan alé.

TA KƏLA 18:19

m̄-gə̄rān i tām̄ kadə̄ əndā dɔ ngánən gə̄ tə́ ō, dɔ ngán kaan gə̄ tə́ ō, kadə̄ unən̄ róbə yāḿ, kadə̄ háĺdə́ i gōtə́ ō, súmūú ō, yā kadə̄ m̄-rāań yá̰á̰ ń m-ə̄nī míndə́ḿ yā rāā kadə̄n ní.

PĀ GƏ̄ 101:2

m̄-ndigə tɔgə kem háĺ kə́ gōtə́ tə́ kum kə̄ kété kété. I rə́ngáý tə́ n ā ī-reē rɔ̄ḿ tə́ ní? M-ā m̄-rāā háĺ kə́ gōtə́ dan deē yāḿ gə̄ tə́.

PĀ GƏ̄ 119:106

m̄-túbə m-ə̄nīń míndə́ḿ yā ngɔ̄m̄ ndūí gə̄ ń ī-ra dɔ tə́ á i yá̰á̰ kə́ gōtə́ gə̄ ní.

NDŪ NAJƏ̄ 13:7

Majanī ndɔ̄ kə́rēý tə́ ngōkó̰ó̰í, aláa ngōnīí kə́ dəngam, aké kə́ dəyá̰, aláa dəyá̰ jīí, aláa madə̄ taí kə́ nelī seneé ngá̰ý, a reē jəke yā kədaī loo mundə̄ tə́ na: Ādə̄ j-aw̄ jə-rāā kəla j-adə̄ nə́ɓā kə́ rang gə̄, nə́ɓā gə̄ ń noō ń sḭḭ̄ gə̄gē, kaasí gə̄ gə̄gē ī-gerī gíŕdə́ aĺ ní,

Teē Ngán Israel gə̄ 34:15

Ā ī-ə́hɔī *madə̄ naā kə de gə̄ kə́ dɔ nang ní tə́ alé, na sōgə́ a ɓārə́n̄sí kadə̄ aw̄ ī-rāāī ɓesə̄ sedə́ dan ń a rāān̄ ɓesə̄ yādə́ gə̄ ní ō, kadə̄ ə́saī yá̰a̰ gə̄ ń a tun̄ adə̄n̄ ɓesə̄ yādə́ gə̄ ní ō.

TA KƏLA 35:2

Jakob əda de kə́ kújú gōn tə́ gə̄ ō, de gə̄ ń seneé malang ní ō na: Ī-ró̰yī ɓesə̄ gə̄ ń i nə́ɓā kə́ tə̄rā gə̄ ní dɔ dáńsí tə́ kɔ̄ɔ́. Ī-rāāī yá̰á̰ kə́ yā kunəń majaĺ ń tákə̄sí ní kɔ̄ɔ́ ō, ī-tə́laī kūbə̄ kə́ rang gə̄ rɔ̄sí tə́ ō.

JOJUE 24:16

Ngán Israel gə̄ tūr̄ ədan̄ na: Jə-gír̄ kəya̰ Kɔ́ɔ̄ɓē kɔ̄ɔ́ ba rāań ɓesə̄ gə̄ alé.

DANIEL 3:18

Ká ré ni ndigə kajəjí aĺ gə̄gē anī, kɔ́ɔ̄ ɓē gə̄, najə̄ kadə̄ ī-ger̄ majə kadə̄ j-a jə-rāā kəla yā nə́ɓā yāí gə̄ aĺ ō, j-a jə-rɔȳ yá̰á̰ kə́ to tītə̄ de kə́ rāā kə lɔ́rɔ́ ń údə́ ní aĺ ō.

MISE 4:5

Gotə́ gír de kə́ rang gə̄ malang ní, de gə̄ kógə̄ḿ kógə̄ḿ kə́ dandə́ tə́ a oōn̄ i ta nə́ɓā yādə́ gə̄. Banī jḭḭ j-oō i ta Kɔ́ɔ̄ɓē Nə́ɓā yājí kə́ njɔ́ḿ gə̄ tə́.

Teē Ngán Israel gə̄ 23:2

Ā ún gō de kə́ ngá̰ý gə̄ yā rāań majaĺ alé. Loo ń ā ɔ̄r̄ najə̄ dɔ yá̰á̰ kə́ ḭ̄ i kum tə́ tə́ loo sarya tə́ anī, ā ī-tetə rɔ̄í gō de kə́ ngá̰ý gə̄ tə́ yā kɔrə̄ń najə̄ kə́ rɔ̄kum aĺ alé.

LEBI GƏ̄ 14:42

Gō tə́ anī a mēr̄ tə́la mbal̄ kə́ rang gə̄ gotə madə̄ gə̄ kə́ kété tə́ ō, a adə̄ ló̰ȳn̄ nán̄g kə́ rang yā longəń kadə̄ bɔr ní gogə́ rang ō.

1 YÁ̰A̰ GƏ̄ 1:14

Yebus gə̄ ō, *Amor gə̄ ō, Girgas gə̄ ō,